ឆ្នាំជូត
រាសីស្រុតចុះ ។ ការងារ គ្រប់យ៉ាងមិនដំណើរការតាមកម្រោង ។ លុយកាក់ មិនត្រូវលោភលន់ឡើយ បើពុំនោះទេផលអាក្រក់ក៏ងាយឡើងចំពោះមុខ មិនគួរបោះទុករកស៊ីឡើយ ។ សម្រាប់អ្នករកស៊ីជំនួញជួញដូរវិញឃើញថាការរកផលចំណូលមិនជួបស្ថានភាពលំបាកប៉ុន្មានទេ ប៉ុន្តែយ៉ាងណាបញ្ហាចម្រូងចម្រាសងាយកើរមានឡើង គប្បីប្រយ័ត្នប្រយែង ។
រីឯមនោសញ្ចេតនា ស្នេហាកំលោះក្រមុំងាយកើតមានរឿងរ៉ាវប្រទាំងប្រទើសដូចនេះត្រូវចេះថ្នមសម្តីក្នុងពេលប្រាស្រ័យទៅកាន់គ្នាបន្តិចទើបប្រសើរ ៕
ឆ្នាំឆ្លូវ
រាសីស្រុតចុះ ។ ការងារ មិនអំណោយផលល្អគ្រប់យ៉ាងទេ ទោះធ្វើអ្វីតែងមានអ្នកតាមឈ្នានីស ។ លុយកាក់ ចូរប្រយ័ត្នប្រយែងមើលមុខមើលក្រោយ ងាយនឹងចាញ់បោកគេ ។ ចំពោះអ្នកប្រកបរបររកស៊ីជំនួញជួញដូរវិញមិនធ្វើអ្វីដោយតក់ក្រហល់ពេកទេ ប្រយ័ត្នតែមានការថ្លោះធ្លោយខាតបង់ទ្រព្យឥតអំពើ ។ ការធ្វើដំណើរឆ្ងាយជិតឲ្យប្រយ័ត្នក្រុមមនុស្សបង្កបញ្ហាណាមួយទុកមកឲ្យ ។
រីឯមនោសញ្ចេតនា ស្នេហាកំលោះក្រមុំមានការប្រឆាំងនិងប្រទាំងប្រទើសចំពោះគ្នាច្រើនដែលនាំឲ្យសៅហ្មងមិនតិចឡើយ ៕
ឆ្នាំខាល
រាសីខ្ពស់ត្រដែត ។ ការងារ អំណោយផលល្អគ្រប់យ៉ាង ទោះធ្វើអ្វីក៏សម្រេចដូចបំណង ។ លុយកាក់ ល្អប្រសើរ មានបន្ថែមប្រាក់ចំណេញពីការវិនិយោគ ។ ចំពោះអ្នកប្រកបរបររកស៊ីជំនួញជួញដូរក្នុងថ្ងៃនេះវិញលោកអ្នកជួបរឿងខ្វាយខ្វល់ច្រើន ព្រោះតែការធ្វើជំនួញទីជិតឆ្ងាយមិនសមដូចប្រកបប៉ុន្មានទេ ។ ការរស់នៅមានភាពសុខដុមដូចសព្វមួយដង ។
រីឯមនោសញ្ចេតនា ស្នេហាប្រុសស្រីមានការលូតលាស់ទៅមុខនិងមានភាពនឹករលឹកគ្នាប្រពៃ ៕
ឆ្នាំថោះ
រាសីស្រុតចុះ ។ ការងារ ត្រូវថ្លឹងថ្លែងឲ្យម៉ត់ចត់មុនពេលធ្វើការសម្រេចចិត្តអ្វីមួយក្នុងការងារ ។ លុយកាក់ ថ្ងៃនេះមិនសមស្របសម្រាប់ការបញ្ចេញប្រាក់វិនិយោគ ។ ចំពោះអ្នកប្រកបរបររកស៊ីជួញដូរមិនគប្បីលូកដៃចូលក្នុងល្បែងស៊ីសងឡើយ ពីព្រោះនាំកើតឧបទ្រពចង្រៃធ្វើឲ្យការលក់ដូរកាន់តែមិនដាច់ ។
រីឯមនោសញ្ចេតនា ស្នេហាប្រុសស្រីមានដំណើរប្រទាំងប្រទើសចូរប្រយ័ត្នជំលោះវិវាទឈានដល់ការបែកបាក់ ៕
ឆ្នាំរោង
រាសីល្អជាមធ្យម ។ ការងារ ល្អបំផុត គ្រប់យ៉ាងសម្រេចបានដូចបំណង ។ លុយកាក់ ចម្រុងចម្រើន មានអ្នកជួយជ្រោមជ្រែងអំពីលុយកាក់ ។ សម្រាប់អ្នកប្រកបរបររកស៊ីទទួលទានមួយរយៈនេះមានការខ្សត់ខ្សោយក្នុងការរកផលចំណូលបន្តិចដូច្នេះគប្បីមានការអត់ធ្មត់បន្តិចទើបប្រសើរ ។ ការធ្វើដំណើរឆ្ងាយជិតនៅថ្ងៃនេះឃើញថា មិនសូវល្អប្រសើរប៉ុន្មានទេ គប្បីប្រយ័ត្នប្រយែង ។
រីឯមនោសញ្ចេតនា ស្នេហាកំលោះក្រមុំ ឬពោះម៉ាយក្តីជួបរឿងសៅហ្មងនិងសោះកក្រោះច្រើន ៕
ឆ្នាំម្សាញ់
រាសីស្រុតចុះ ។ ការងារ ជួបរឿងរំខានចិត្តច្រើន ។ លុយកាក់ ធម្មតា មានដំណឹងល្អអំពីការវិនិយោគ ។ អ្នកប្រកបរបររកស៊ីជួញដូរក្នុងថ្ងៃនេះវិញបើគិតធ្វើអ្វីមួយគប្បីមានការប្រុងប្រយ័ត្ន ពុំនោះទេការចំណាយប្រាក់កាសធ្វើអ្វីមួយពិតជាត្រូវខាតអសាបង់ពុំខាន ។
រីឯមនោសញ្ចេតនា ស្នេហាកំលោះក្រមុំមិនសូវចុះសម្រុងគ្នាឡើយ ព្រោះជារឿយៗតែងចង់ចាញ់ឈ្នះគ្នាជានិច្ច ៕
ឆ្នាំមមី
រាសីខ្ពស់ត្រដែត ។ ការងារ រីកចម្រើនគួរជាទីពេញចិត្ត ។ លុយកាក់ ថ្ងៃនេះមានបន្ថែមប្រាក់ចំណូល ជាវេលាល្អសម្រាប់បណ្តាក់ទុនវិនិយោគ ។ ចំពោះអ្នកប្រកបរបររកស៊ីជួញដូរទីជិតឆ្ងាយត្រូវធ្វើសត្រូវឲ្យក្លាយមកជាមិត្ត ត្រូវចេះបើកចិត្តឲ្យទូលាយមិនត្រូវយកភាពឈ្នានីសមកដាក់ខ្លួននោះទើបអ្វីៗប្រែមកល្អប្រសើរឡើងវិញ ។ ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង ។
រីឯមនោសញ្ចេតនា ស្នេហាប្រុសស្រីមានការនឹករលឹក និងប្រាស្រ័យទាក់ទងគ្នាល្អណាស់ ៕
ឆ្នាំមមែ
រាសីខ្ពស់ត្រដែត ។ ការងារ ល្អប្រសើរ រាល់ឧបសគ្គឬការលំបាកមុនៗនេះសុទ្ធតែត្រូវបានដោះស្រាយរួច ។ លុយកាក់ មានបន្ថែមខ្ទង់ចំណូលបន្ទាប់បន្សំច្រើន ។ អ្នកប្រកបរបររកស៊ីជួញដូរថ្ងៃនេះដែរមិនថាទីជិតទីឆ្ងាយតែងទទួលជោគជ័យកើបផលចំណេញត្រឡប់មកផ្ទះវិញគួរជាទីកក់ក្តៅ ។ ការធ្វើដំណើរទីជិតឆ្ងាយគួរគប្បីកុំបើកល្បឿនលឿន ព្រោះពុំសូវមានសុវត្ថិភាពប៉ុន្មានទេ ប្រយ័ត្នឧប្បត្តិហេតុយាយី ។
រីឯមនោសញ្ចេតនា ស្នេហាស្រីប្រុសជួបរឿងផ្អែមល្ហែមនិងកំពុងបើកទំព័រថ្មីសម្រាប់លោកអ្នកហើយ ៕
ឆ្នាំវក
រាសីល្អជាមធ្យម ។ ការងារ ល្អបំផុត មានការអភិវឌ្ឍន៍ថ្មីៗច្រើន រាល់ការប្រឹងប្រែងមុនៗនេះត្រូវបានទទួលស្គាល់និងឆ្លើយតប ។ លុយកាក់ ថ្ងៃនេះជាថ្ងៃស៊យ ត្រូវទុកដាក់របស់របរលុយកាក់ឲ្យមធ្យ័ត បង្ការត្រូវបាត់ ។ អ្នកប្រកបរបររកស៊ីទទួលទានវិញមានការរីកលូតលាស់ទៅមុខល្អគួរសម ហើយបើចង់ទិញទំនិញអ្វីមួយយូរមកហើយគ្រាន់ជាការជួញដូរនៅថ្ងៃខាងមុខក៏ជាឱកាសល្អផងដែរ ។
រីឯមនោសញ្ចេតនា ស្នេហាកំលោះក្រមុំបើលោកអ្នកពុំទាន់មានគូគាប់ពេលនេះអាចជួបដូចបំណង៕
ឆ្នាំរកា
រាសីស្រុតចុះ ។ ការងារ មិនល្អ ទោះបីប្រឹងអស់កម្លាំងកាយចិត្តក្នុងការងារ តែថ្ងៃនេះងាយកើតការខ្វែងគំនិតគ្នាជាមួយថ្នាក់លើ ។ លុយកាក់ ពិបាកមានឱកាសបានលាភចូល ។ សម្រាប់អ្នករកស៊ីប្រកបរបរជួញដូរទាំងអតិថិជនចាស់ថ្មីមិនសូវមានមកអើតទេ ហើយការរកផលបានត្រឹមមួយទប់ទល់ប៉ុណ្ណោះ ។
រីឯមនោសញ្ចេតនា ស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា ៕
ឆ្នាំចរ
រាសីស្រុតចុះ ។ មិនល្អ ជួបការលំបាក ឧបសគ្គច្រើន ។ លុយកាក់ មិនត្រូវខ្ជះខ្ជាយក្នុងការទិញរបស់របរ។ ចំពោះអ្នករករបរជួញដូររកស៊ីវិញនៅថ្ងៃនេះប្រាក់ចំណូលគឺមានការហូរចូលដោយតានតឹងឯការចំណាយវិញមានគ្រប់សារពើធ្វើឲ្យជួបបញ្ហាលំបាកច្រើន ។
រីឯមនោសញ្ចេតនា ស្នេហាកម្លោះក្រមុំមិនត្រូវប្រព្រឹត្តស្នេហាផ្តេសផ្តាសឡើយ ដើម្បីចៀសវាងនូវការផុងជើងទៅក្នុងភក់ដកខ្លួនពុំរួច៕
ឆ្នាំកុរ
រាសីល្អជាមធ្យម ។ ការងារ អំណោយផលល្អ ជួបសំណាងល្អច្រើន ត្រូវបានអ្នកជុំវិញជួយដោយស្មោះអស់ពីចិត្ត ។ លុយកាក់ ល្អបង្គួរ គួរស្តាប់យោបល់គ្រប់គ្នា ក្នុងការគ្រប់គ្រងហិរញ្ញវត្ថុ ។ អ្នកប្រកបរបររកស៊ីជួញដូរវិញមិនថាការជួញទីជិតទីឆ្ងាយត្រូវប្រយ័ត្នក្រុមមនុស្សមានមុខសរដូចគ្នាបង្ករឿងថ្នាំងថ្នាក់និងដណ្តើមអតិថិជនដោយប្រការណាមួយ ។
រីឯមនោសញ្ចេតនា ស្នេហាប្រុសស្រីជួនត្រូវរ៉ូវគ្នាជួនពាក់មុខយក្សដាក់គ្នា ដូចនេះមិនត្រូវយកភាពប្រកែប្រកាន់ដាក់ខ្លួនឡើយ៕