ភ្នំពេញ៖បុរសម្នាក់ បានសោម៉ាឡេតមកមួលដោះខ្ចៅ តែដោះមិនរួច ក៏យកម៉ាឡេតដំខ្ចៅ ស្រាប់តែបែកកញ្ចក់សំយាប ធ្លាក់ជនរងគ្រោះចុះមកក្រោមបណ្តាលឲ្យរបួសជាទម្ងន់ ហើយលើកយកមកសង្គ្រោះនៅមន្ទីរ
ពេទ្យជោរៃ រហូតដល់ម៉ោង១២:៤៥នាទីក៏ដាច់ខ្យល់ស្លាប់។
នគរបាលមូលដ្ឋាន បានរាយការណ៍ពីករណីបែកកញ្ចក់យ៉ខាងមុខនៅមន្ទីរពេទ្យជោរៃ បណ្តាលឲ្យធ្លាក់មនុស្សស្លាប់ កើតឡើងនៅថ្ងៃទី១៣ ខែសីហា ឆ្នាំ ២០១៩ នៅកញ្ចក់ពិតានមុខមន្ទីរពេទ្យ ជោរៃភ្នំពេញ ទីតាំងគ្មានលេខ ផ្លូវជាតិលេខ ១ ភូមិបឹងឈូក សង្កាត់និរោធ ខណ្ឌច្បារអំពៅ ហើយស្លាប់នៅវេលាម៉ោង ១២:២៥នាទី ជនរងគ្រោះក៏ស្លាប់នៅក្នុងបន្ទប់សង្គ្រោះបន្ទាន់មន្ទីរពេទ្យជោរៃ។សពឈ្មោះលី ដានី ភេទប្រុស អាយុ៣៧ឆ្នាំ មុខរបរ កម្មករសំណង់ ទីលំនៅផ្ទះគ្មានលេខ ភូមិ ស្រុកចេក សង្កាត់ ជើងឯក ខណ្ឌដង្កោ ។
បើតាមឈ្មោះ ហុល ហៃ ភេទប្រុស អាយុ ៣៣ ឆ្នាំ មុខរបរ កម្មករសំណង់ស្នាក់នៅផ្ទះជួល សង្កាត់ ច្បារអំពៅទី ១ ខណ្ឌច្បារអំពៅ ដែលជាកម្មកររួមការងារជាមួយជនរងគ្រោះ បានឲ្យដឹងថា នៅថ្ងៃទី ១៣ ខែសីហា ឆ្នាំ ២០១៩ វេលាម៉ោង ៧:៣០នាទីមេការបានបែងចែកការងារឲ្យពួកខ្ញុំទាំង៤នាក់ ធ្វើការងាររៀងៗខ្លួន តែពុំទាន់បានធ្វើទេ ហើយពួកខ្ញុំក៏នាំគ្នាឡើងតាមអន្ទាទៅលើដំបូលយ៉កញ្ចក់ រួចមេការក៏ឡើងដែរ ពេលនោះ ជនរងគ្រោះបានយកដែកដាក់លើធ្នឹមកញ្ចក់ និងយកសោម៉ាឡេតមកមួលដោះខ្ចៅ តែដោះមិនរួច ក៏យកម៉ាឡេតដំខ្ចៅ ស្រាប់តែបែកកញ្ចក់ធ្លាក់ជនរងគ្រោះ ចុះមកក្រោមបណ្តាលឲ្យរបួសជាទម្ងន់ ហើយលើកយកមកសង្គ្រោះនៅមន្ទីរពេទ្យជោរៃរហូតដល់ម៉ោង១២:៤៥នាទី ក៏ដាច់
ខ្យល់ស្លាប់។
តាមការសន្និដ្ឋានរបស់សមត្ថកិច្ចជំនាញថា តាមការពិនិត្យរបស់ការិយាល័យបច្ចេកទេស និង លោកឧញ៉ាវេជ្ជបណ្ឌិត នង សុវណ្ណារ័ត្ន គ្រូពេទ្យកោសល្យវិច័យរាជធានីភ្នំពេញ បញ្ជាក់ថា បុរសរូបនោះ ស្លាប់ដោយប៉ះទង្គិចក្បាល និងខ្លួនបា្រណធ្ងន់ធ្ងរ៕ដោយ៖កូឡាប
