ឃាតករ ដ៏ល្បីរបស់ពួក IS បានត្រូវកងកម្លាំងសន្តិសុខអ៊ីរ៉ាក់ ចាប់ខ្លួននៅ Mosul បន្ទាប់ពីពលរដ្ឋនៅតំបន់នោះបានរាយការណ៍ប្រាប់ពីកន្លែងលាក់ខ្លួនរបស់វា -នេះតាមកាសែត The Sun។
តាម The Sun ឃាតករ Abu Omer ដែលមានរហស្សនាមថា “ពេជឃាតពុកមាត់ស” របស់ IS ដែលធ្លាប់បានប្រហារជីវិតរាប់សិបករណី ត្រូវចាប់ខ្លួនបាននៅ Mosul ប៉ុន្តែគេពុំបានបង្ហើបអំពីពេលវេលាជាក់លាក់ទេ។
ការចាប់ខ្លួនបានពេជឃាត Omer ទើបត្រូវបានបញ្ជាក់កាលពីដើមសប្តាហ៍នេះ។ បណ្តារូបភាពត្រូវបានផ្សាយជាសាធារណៈឲ្យឃើញថា “ពេជឃាតពុកមាត់ស” ត្រូវបានកម្លាំងសន្តិសុខចាប់នាំខ្លួន។
“ពេជឃាតពុកមាត់ស” របស់ IS បានត្រូវកងកម្លាំងសន្តិសុខអ៊ីរ៉ាក់នាំខ្លួន។
កងទ័ពអ៊ីរ៉ាក់ ដោយមានការគាំទ្រពីសំណាក់កងកម្លាំងដឹកនាំដោយអាមេរិកបានវាយកម្ទេចពួក IS ក្រោយពីអង្គការភេរវកម្មនេះ បានវាយត្រួតត្រាយកតំបន់ជាច្រើននៅអ៊ីរ៉ាក់ បំណងធ្វើជាឈ្នាន់ដើម្បីបើកទូលាយសកម្មភាពទៅក្រៅប្រទេស និងក្នុងតំបន់។
អ៊ីរ៉ាក់ត្រូវបានបំផ្លាញយ៉ាងធ្ងន់ធ្ងរ ត្រូវបានពួក IS ត្រួតត្រា តាមការប្រមើមើលសម្រាប់ការកសាងទឹកដីនេះឡើង គឺជាង ១០០លានដុល្លារឯណោះ៕ សូយន
