បាត់ដំបង៖ ឥទ្ធិពលគ្រឿងញៀនរោលរាលពេញបន្ទុកជំរុញឲ្យយុវជនម្នាក់បានទាញកាំបិតសំដៅទៅអាករក្មេងស្រីម្នាក់ស្លាប់នៅក្នុងថ្លុកឈាមយ៉ាងអាណោចអាធ័ម។
ហេតុការណ៍ដ៏អាក្រក់នេះបានកើតឡើងនៅថ្ងៃទី១៥ ខែសីហា ឆ្នាំ២០១៩ ត្រង់ចំនុចក្រុមទី១ ភូមិមោង ឃំុមោង ស្រុកមោងឬស្សី ខេត្តបាត់ដំបង។ មុនពេលកើតហេតុខណះជនរងគ្រោះកំពុងអង្គុយមើលទូរទស្សន៍ស្រាប់តែភ្លាមៗជនសង្ស័យបែកថ្នាំដែលកាន់កាំបិតជាប់នៅនឹងដៃបានដើរសំដៅទៅរកជនរងគ្រោះទាំងនាងមិន បានដឹងខ្លួន ហើយបានធ្វើសកម្មភាពចាប់ រួចអាកររហូតជនរងគ្រោះដាច់សរសៃបំពង់កប្រកាច់ស្លាប់ភ្លាមៗនៅក្នុងថ្លុកឈាម។
ជនសង្ស័យមានឈ្មោះជុំ ជោគជ័យ ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិមោងឃុំមោង ស្រុកមោងឬស្សី រីឯក្មេងស្រីរងគ្រោះឈ្មោះអ៊ុន កញ្ចនា ភេទស្រី អាយុ១៦ឆ្នាំ ជាយុវសិស្ស មានទីលំនៅក្នុងភូមិមោង ឃុំមោង ស្រុកមោងឬស្សីជាមួយគ្នា។
បច្ចុប្បន្នជនសង្ស័យរួមទាំងវត្ថុតាងក្រោយការឃាត់ខ្លួននិងដកហូតបានត្រូវសមត្ថកិច្ចកសាងសំណុំរឿងដើម្បីបញ្ជូនបន្តទៅកាន់សាលាដំបូងខេត្តអនុវត្តតាមនីតិវិធី៕ ដោយ៖កូឡាប
