ភ្នំពេញ៖ អាជ្ញាធរអគ្គិសនីកម្ពុជា នៅថ្ងៃទី១៥ ខែសីហា ឆ្នាំ២០១៩ បានចេញសេចក្តីជូនដំណឹង ស្តីពីការពិគ្រោះយោបល់ លើការកែសម្រួលបញ្ជីថ្លៃលក់អគ្គិសនី តាមពេលវេលា និងអានុភាព សម្រាប់អ្នកប្រើប្រាស់ធុនដុំ និងធុនធំ “ប្រភេទឧស្សាហកម្ម និងកសិកម្ម ” និង” ប្រភេទពាណិជ្ជកម្ម និងរដ្ឋបាល ” ដែលភ្ជាប់ប្រភពអគ្គិសនីពីបណ្តាញជាតិ។
អាជ្ញាធរអគ្គិសនីកម្ពុជា សូមជម្រាបជូនសាធារណជន ដែលជាអ្នកប្រើប្រាស់អគ្គិសនីធុនដុំ និងធុនធំ “ប្រភេទឧស្សាហកម្មនិងកសិកម្ម” និង “ប្រភេទពាណិជ្ជកម្មនិងរដ្ឋបាល” មេត្តាជ្រាបថា កន្លងមកអាជ្ញាធរអគ្គិសនីកម្ពុជា បានដាក់ឲ្យអនុវត្តន៍នូវបញ្ជីថ្លៃលក់អគ្គិសនីតាមពេលវេលា សម្រាប់អ្នកប្រើប្រាស់ធុនដុំ និងធុនធំ “ប្រភេទឧស្សាហកម្ម ពាណិជ្ជកម្ម និងកសិកម្ម” ទាំងក្នុងតំបន់ចែកចាយរបស់អគ្គិសនីកម្ពុជា និងទាំងក្នុងតំបន់ចែកចាយរបស់អ្នកផ្គត់ផ្គង់ឯកជន និងបញ្ជីថ្លៃលក់អគ្គិសនីសម្រាប់អ្នកផ្គត់ផ្គង់អគ្គិសនីលក់ឲ្យអ្នកប្រើប្រាស់ធុនដុំ និងធុនធំ ដែលមានតម្លើងប្រព័ន្ធពន្លឺព្រះអាទិត្យ ភ្ជាប់សាំងក្រូនជាមួយប្រព័ន្ធផ្គត់ផ្គង់អគ្គិសនីរបស់បណ្តាញជាតិ ។ នៅពេលបច្ចុប្បន្ននេះ តាមគោលនយោបាយថ្មីរបស់រាជរដ្ឋាភិបាល អាជ្ញាធរអគ្គិសនីកម្ពុជាគ្រោងកែសម្រួលបញ្ចូលគ្នាទៅជា “បញ្ជីថ្លៃលក់អគ្គិសនី តាមពេលវេលានិងអានុភាព” ចំពោះ “អ្នកប្រើប្រាស់ប្រភេទឧស្សាហកម្ម និងកសិកម្ម” និងចំពោះ “អ្នកប្រើប្រាស់ប្រភេទពាណិជ្ជកម្ម និងរដ្ឋបាល” ដែលអាចប្រើសម្រាប់អ្នកប្រើប្រាស់ទាំង ២ ប្រភេទ ដែលមានតម្លើងប្រព័ន្ធពន្លឺព្រះអាទិត្យ ភ្ជាប់សាំងក្រូនជាមួយប្រព័ន្ធផ្គត់ផ្គង់អគ្គិសនីរបស់បណ្តាញជាតិផងដែរ ៕ ដោយ៖កូឡាប
បញ្ជីថ្លៃលក់អគ្គិសនី តាមពេលវេលានិងអានុភាព ថ្មីនេះ គ្រោងដាក់ឲ្យអនុវត្តន៍នៅចុងឆ្នាំ២០១៩ មានអត្រាថ្លៃលក់ និងលក្ខខណ្ឌ កំណត់ដូចក្នុងសេចក្តីជូនដំណឹងលេខ ៤៩៩.សណ.១៩.អអក ចុះថ្ងៃទី១៥ ខែសីហា ឆ្នាំ២០១៩ ដូចខាងក្រោម ៖