ភ្នំពេញ ៖ នៅទី១៦ ខែសីហា ឆ្នាំ២០១៩ គណបក្សសង្គ្រោះជាតិ សេចក្តីប្រកាសព័ត៌មានថា ប្រធានស្តីទី សម រង្សុី នឹងវិលត្រឡប់ទៅកម្ពុជាវិញ នៅថ្ងៃទី៩ ខែវិច្ឆិកា ឆ្នាំ២០១៩ ខាងមុខនេះ ។ មហាជនកំពុងរង់ចាំមើលថាតើការកំណត់មកស្រុកខ្មែរលើកនេះ ជាការពិតដែរឬទេ លោកសមរង្ស៊ី បានកំណត់ពេលចូលស្រុកខ្មែរច្រើនលើកច្រើនសាហើយ ប៉ុន្តែមិនឃើញវិលត្រឡប់មកចូលស្រុកខ្មែរទេ ឬក៏ជាការបោកប្រាស់សមាជិករបស់ខ្លួន។
គណបក្សសង្គ្រោះជាតិ សូមជម្រាបជូនសាធារណមតិជាតិ និងអន្តរជាតិ ឲ្យបានជ្រាបថា នៅវេលាម៉ោង ១០ព្រឹក ថ្ងៃទី១៦ ខែសីហា ឆ្នាំ២០១៩នេះ គណៈកម្មាធិការអចិន្ត្រៃយ៍គណបក្សសង្គ្រោះជាតិ បានបើកកិច្ចប្រជុំរបស់ខ្លួន ក្រោមអធិបតីភាពលោក សម រង្ស៊ី ប្រធានស្តីទីគណបក្សសង្គ្រោះជាតិ។
នៅក្នុងកិច្ចប្រជុំនេះ គណៈកម្មាធិការអចិន្ត្រៃយ៍ បានកំណត់យក ថ្ងៃទី០៩ ខែវិច្ឆិកា ឆ្នាំ២០១៩ ជាថ្ងៃធ្វើមាតុភូមិនិវត្តន៍ទៅកាន់ប្រទេសកម្ពុជាវិញ របស់ថ្នាក់ដឹកនាំគណបក្សសង្គ្រោះជាតិ ដែលដឹកនាំដោយលោក សម រង្ស៊ី ប្រធានស្តីទីគណបក្សសង្គ្រោះជាតិ។
ថ្ងៃទី០៩ ខែវិច្ឆិកា ឆ្នាំ២០១៩ ខាងមុខនេះ គឺជាខួបទី៦៦ នៃទិវាឯករាជ្យជាតិ ដែលកម្ពុជាដណ្តើមបានពីអាណានិគមនិយមបារាំង នាថ្ងៃទី០៩ ខែវិច្ឆិកា ឆ្នាំ១៩៥៣ ក្រោមការដឹកនាំរបស់សម្តេចព្រះនរោត្តម សីហនុ ។
ចំណែកលោកឆាយ ធី មេឃុំប៉ាតតេ បានសរសេរលើហ្វេសប៊ុក ផ្លូវការរបស់លោកថា “បោកទៀតហើយ «៩វិច្ឆិកា» គាត់ថានឹងមកប្រទេសកម្ពុជា”៕ ដោយ៖កូឡាប