ភ្នំពេញ៖ ល្អណាស់ ពេលនេះ មេឧក្រិដ្ឋជនព្រៃឈើ គង់ ក្រឹង បានពាក់ខ្នោះដៃហើយ ដើម្បីបញ្ជូនជននេះទៅតុលាការ ! នេះទើបស្មើភាព អ្នកក្រ អ្នកមានឲ្យតែធ្វើខុសគឺ “ខ្នោះ”។ នេះបើតាមការឲ្យដឹងពីលោកវីល្លាម នៅថ្ងៃទី១៧សីហានេះ។
សូមបញ្ជាក់ថា ក្រោមការដឹកនាំបញ្ជាផ្ទាល់របស់លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ និងមានការសម្របសម្រួលពីអយ្យការ កម្លាំងអាវុធហត្ថខេត្តក្រចេះ បានធ្វើការឃាត់ខ្លួនបុគ្គលពាក់ព័ន្ធនឹងបទល្មើសព្រៃឈើចំនួន២រូប ក្នុងនោះមាន ជនសង្ស័យ ឧកញ៉ា គង់ ក្រឹង និងឈ្មោះ ម៉ាត់ ណាស៊ាត ជាកូនប្រសា។
យោងតាមក្រមនីតិវិធីព្រហ្មទណ្ឌ ដើម្បីឆ្លើយតបនឹងតម្រូវការចាំបាច់នៃការស៊ើបអង្កេត មន្ត្រីនគរបាលយុត្តិធម៌ អាចឃាត់ខ្លួនបុគ្គលដែលសង្ស័យថា បានចូលរួមក្នុងបទល្មើស នៅទីបញ្ជាការដ្ឋានកងរាជអាវុធហត្ថខេត្តក្រចេះ កាលពីថ្ងៃទី១៥ខែសីហាឆ្នាំ២០១៩៕ ដោយ៖កូឡាប
