បាត់ដំបង៖ មាសសុទ្ធកុំខ្លាចភ្លើង ពេលនេះឧត្តមសេនីយ៍ទោ អ៊ុច សុខុន បញ្ជាឲ្យធ្វើតេស្ត ទឹកនោម ស្វែងរកសារធាតុញៀនក្នុងជួរមន្ត្រីនគរបាលជាតិ ចំណុះស្នងការដ្ឋាននគរបាលខេត្តបាត់ដំបងហើយ។
នៅថ្ងៃទី ១៩ ខែ សីហា ឆ្នាំ២០១៩នេះ នគរបាលចំណុះស្នងការដ្ឋាននគរបាលខេត្តបាត់ដំបង ត្រូវបង្ហាញមុខដើម្បីធ្វើតេស្តទឹកនោមស្វែងរកសារធាតុញៀននៅក្នុងខ្លួន។
ក្នុងករណីរកឃើញថា មន្រ្តីនគរបាលរូបណាមានផ្ទុកសារធាតុញៀននៅក្នុងខ្លួនមន្ត្រីនគរបាលរូបនោះនឹងត្រូវចាត់វិធានការជាក់ស្តែង ស្របតាមវិន័យលេខ០០៦របស់កងកម្លាំងនគរបាលជាតិ ឬករណីធ្ងន់ធ្ងរ ត្រូវអនុវត្តន៍តាមច្បាប់ជាធរមាន។
យោងតាមលិខិត៦៩/១៩ជប្រគញ ចុះថ្ងៃទីសុក្រ០១រោចខែស្រាពណ៍ឆ្នាំកុរឯកស័កព.ស.២៥៦៣ ត្រូវនឹងថ្ងៃទី ១៦ ខែ សីហាឆ្នាំ២០១៩ របស់ផែនកាងារប្រឆាំងគ្រឿងញៀន ដែលចុះហត្ថលេខាដោយលោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន បានឲ្យដឹងថា ចាប់ពីថ្ងៃទី១៩ ខែ សីហា ឆ្នាំ២០១៩នេះទៅមន្រ្តីនគរបាលចំណុះស្នងការដ្ឋាននគបាលខេត្តបាត់ដំបង ត្រូវមានវត្តមានដើម្បីធ្វើតេស្តទឹកនោមស្វែងកសារធាតុញៀននៅក្នុងខ្លួន។ ការអនុវត្តបែបនេះ គឺដើម្បីបង្ហាញថា មន្រ្តីនគរបាលត្រូវតែជាមន្រ្តីដែលស្អាតស្អំជាពិសេសជាមួយបញ្ហាគ្រឿងញៀននេះតែម្តង៕ដោយ៖កូឡាប
