ពិព័រណ៍ឧស្សាហកម្មគ្រឿងយន្តកម្ពុជា (CIMIF) និងពិព័រណ៍ឧស្សាហកម្មសម្លៀកបំពាក់ និងវាយនភ័ណ្ឌកម្ពុជាអន្តរជាតិ (CTG) ឆ្នាំ ២០១៩ គ្រោងនឹងដំណើរការនៅថ្ងៃទី ២២-២៥ ខែ សីហា នៅមជ្ឈមណ្ឌលសន្និបាត និងពិព័រណ៍កោះពេជ្រ។ ពិព័រណ៍ទាំងពីរនេះ នឹងប្រមូលផ្តុំអ្នកតាំងពិព័រណ៍ចំនួន ២០០ នាក់ និង ២៨០ ស្ដង់ មកពី ១៥ ប្រទេស និងតំបន់ដូចជាប្រទេសកម្ពុជា ចិន សាធារណរដ្ឋឆែក ហុងកុង ឥណ្ឌា ជប៉ុន ម៉ាឡេស៊ី សិង្ហបុរី តៃវ៉ាន់ ថៃ និងវៀតណាម ដើម្បីបង្ហាញនូវផលិតផលច្នៃប្រឌិតថ្មីជាច្រើន ដែលជាដំណោះស្រាយគ្រប់យ៉ាងអាចប្រើប្រាស់បានក្នុងការធ្វើពាណិជ្ជកម្ម។
ក្រោមការរៀបចំដោយ ក្រុមហ៊ុន Yorkers Trade & Marketing Service Co.,Ltd ព្រឹត្តិការណ៍ដ៏ធំនេះទទួលបានការគាំទ្រយ៉ាងខ្លាំងពីសំណាក់រាជរដ្ឋាភិបាល និងផ្នែកឧស្សាហកម្មនៅកម្ពុជា ដែលត្រូវបានសហការរៀបចំឡើងដោយក្រសួងឧស្សាហកម្ម និងសិប្បកម្ម សភាពាណិជ្ជកម្មកម្ពុជា (CCC) និងសមាគមរោងចក្រកាត់ដេរនៅកម្ពុជា (GMAC) និងឧបត្ថម្ភជាផ្លូវការដោយអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម (TPD)។
បណ្ដុំវេទិកាពាណិជ្ជកម្មជំនួញ សម្រាប់វិស័យឧស្សាហកម្មសំខាន់ៗពិព័រណ៍ទាំងពីរនេះបានប្រមូលផ្ដុំនូវគ្រប់ធាតុផ្សំនៃវិស័យឧស្សាហកម្មសំខាន់ៗដូចជា ផ្លាស្ទិក ការវេចខ្ចប់ម៉ាស៊ីនបោះពុម្ព កសិកម្ម គ្រឿងបន្លាស់រថយន្ត ឧបករណ៍ម៉ាស៊ីន និងឧបករណ៍ប្រើប្រាស់ វិស្វកម្មថាមពល និងអគ្គិសនី អំពូលភ្លើង និងវាយនភ័ណ្ឌ។ ដោយមានវត្តមានអ្នកតាំងពិព័រណ៍នូវផលិតផលដែលមានគុណភាពខ្ពស់ជាច្រើន ទាំងអន្តរជាតិ និងក្នុងស្រុក ពាណិជ្ជករដែលជាអ្នកទស្សនា អាចស្វែងរកទីតាំងអ្នកផ្គត់ផ្គង់ល្អបំផុតនៃផលិតផលដែលពួកគេត្រូវការបានយ៉ាងងាយស្រួលតាមរយៈបណ្ដុំវេទិកាពាណិជ្ជកម្មជំនួញនេះ។
ក្លាយជាម៉ាកឈានមុខគេទូទាំងពិភពលោកក្នុងពេលតែមួយទន្ទឹមនឹងការរីកចម្រើនផ្នែកទីផ្សារ ប្រទេសកម្ពុជាបានទាក់ទាញយីហោអន្តរជាតិជាច្រើនកំពុងវិនិយោគនិងផ្តល់ផលវិនិយោគយ៉ាងសមគួរ។
គួរឱ្យកត់សម្គាល់ផងដែរថា ក្នុងចំណោមអ្នកតាំងពិព័រណ៍របស់ CIMIF ក៏មានស្ថានទូតសាធារណរដ្ឋឆែកនៅភ្នំពេញ ដែលនាំក្រុមហ៊ុនឆែកល្បីៗមក CIMIF ជាមួយបច្ចេកវិទ្យាខ្ពស់របស់ពួកគេដូចជាប្រព័ន្ធត្រួតពិនិត្យ ប្រព័ន្ធសន្តិសុខ និងសំឡេងរោទិ៍ពីក្រុមហ៊ុន Jablotron Group សេវាកម្មបរិស្ថានដ៏ទូលំទូលាយដូចជា វិធីសាស្ត្រសន្សំសំចៃទឹក ការបំភាយខ្យល់ និងការគ្រប់គ្រងក្លិន និងការគ្រប់គ្រងកន្លែងដែលមានជាតិកខ្វក់ពី Dekonta ការគ្រប់គ្រងទឹកស្អុយ សម្រាប់ឧស្សាហកម្ម និងទឹកសម្រាប់បរិភោគពី IPR Aqua។ សមាគមឧស្សាហកម្មគ្រឿងយន្តតៃវ៉ាន់ (TAMI) និងសមាគមអ្នកផលិតអគ្គិសនី និងអេឡិចត្រូនិចតៃវ៉ាន់ (TEEMA) បានប្រមូលផ្តុំនូវក្រុមហ៊ុនឆ្នើមរបស់តៃវ៉ាន់ចំនួន ១៤ ដើម្បីបង្ហាញជូនគ្រឿងម៉ាស៊ីនដែលមានគុណភាពខ្ពស់រួមមាន ខ្សែថាមពល និងខ្សែមេដែកពី Taya ម៉ាស៊ីនផ្លុំពី Keenpro ឧបករណ៍ជំនួយកែច្នៃផ្លាស្ទិកពី Shini។
អ្វីដែលគួរឱ្យកត់សម្គាល់ជាពិសេសនោះ គឺយីហោអន្តរជាតិល្បីៗ ជាច្រើននឹងបង្ហាញនូវគ្រឿងម៉ាស៊ីន និងផលិតផលដែលមានសមត្ថភាពខ្ពស់ជាច្រើនប្រភេទដែលឆ្លើយតបទៅនឹងតម្រូវការទីផ្សាររបស់ប្រទេសកម្ពុជា។ ការតាំងពិព័រណ៍នេះរួមមាន ប្រព័ន្ធវេចខ្ចប់ពី AAP វត្ថុធាតុដើមផ្លាស្ទិកពី Toyo Chemical ម៉ាស៊ីនចាក់បញ្ចូលផ្លាស្ទិចពីCheso Huarong និង Hangzhou ម៉ាស៊ីនព្រីន និងវេចខ្ចប់ដែលអាចបត់បែនបានតាមតម្រូវការ ពីក្រុមហ៊ុនអាឡឺម៉ង់ ផលិតគ្រឿងម៉ាស៊ីនឈានមុខគេ Windmoeller & Hoelscher បំពង់ទីបជាច្រើនប្រភេទពី Shanghai Jwell, platen IMM ពី Borch ម៉ាស៊ីនសម្ងួតធញ្ញជាតិពី Suncue បំណិតប្រេងពី Yei Shien ម៉ាស៊ីនបូមទឹកនិងវ៉ាល់ពី Li Fu និងម៉ាស៊ីនជាច្រើនទៀត។
ទាក់ទងនឹង CTG យើងនឹងបង្ហាញពីឧបករណ៍ ផលិតផលបច្ចេកវិទ្យា ក៏ដូចជាសេវាកម្ម និងព័ត៌មានដែលទាក់ទងនឹងវាយនភ័ណ្ឌនិងការផលិតសម្លៀកបំពាក់។ ក្នុងចំណោមអ្នកតាំងពិព័រណ៍សំខាន់ៗ ពីម៉ាស៊ីនដេរមាន Jack, Hikari, Maqi, Supreme, Megasew, Worlden, Leman, Duma ម៉ាស៊ីនកាត់ និងម៉ាស៊ីនដម្រឹមពី E-Show និង Yalis ខ្សែសង្វាក់ផលិតកម្មពី Lisheng ស្លាកទំនិញពី Sato និង Sinrong ម៉ាស៊ីនលាងសម្អាតពី Jianye ម៉ាស៊ីនត្បាញពីTaining ពួកគេនឹងបង្ហាញពីបច្ចេកវិទ្យាចុងក្រោយរបស់ពួកគេ ដែលអាចអនុវត្តលើគ្រឿងវាយនភ័ណ្ឌនិងគ្រឿងម៉ាស៊ីនកាត់ដេរផ្សេងៗ។
ស្វែងយល់ពីសិក្ខាសាលា – ការពិភាក្សា
សហការរៀបចំជាមួយក្រសួងឧស្សាហកម្ម និងសិប្បកម្ម នឹងមានការពិភាក្សាក្រុមជំនាញនៅថ្ងៃទី ២៣ សីហា វេលាម៉ោង ១៤:៣០ នាទី ដល់ម៉ោង ១៧:០០ នាទី។ ជាមួយនឹងប្រធានបទដែលគួរចាប់អារម្មណ៍ “ការលើកកម្ពស់ការអភិវឌ្ឍសហគ្រាសធុនតូច និងមធ្យម និងសិប្បកម្ម និងវិស័យឧស្សាហកម្ម” អ្នកចូលរួមអាចបំផុសគំនិតជាមួយអ្នកជំនាញ និងស្វែងរកវិធីល្អបំផុតដើម្បីអភិវឌ្ឍអាជីវកម្មរបស់ពួកគេនៅប្រទេសកម្ពុជា។ ម្យ៉ាងវិញទៀតវាជួយប្រជាជនឱ្យចាប់យកមធ្យោបាយល្អបំផុតដើម្បីអភិវឌ្ឍសហគ្រាសធុនតូច និងមធ្យមនៅកម្ពុជា។
ត្រៀមខ្លួនសម្រាប់ការប្រកួតប្រជែងនៅកម្ពុជា
ទោះបីមានលទ្ធផលសេដ្ឋកិច្ចរឹងមាំក៏ដោយ ក៏កម្ពុជានៅតែមានបញ្ហាប្រឈមមួយចំនួនដើម្បីដោះស្រាយ។ បញ្ហាធំបំផុតគឺកំណើនសេដ្ឋកិច្ចរបស់ប្រទេសកម្ពុជា ត្រូវបានជំរុញជាចម្បងដោយឧស្សាហកម្មដែលពឹងផ្អែកលើកម្លាំងពលកម្ម ដែលធ្វើអោយផលិតផលត្រូវបន្ថែមតម្លៃតិចតួច។ ដើម្បីជួយដល់ការដោះស្រាយបញ្ហានេះ CIMIF និង CTG បានសហការជាមួយរាជរដ្ឋាភិបាលកម្ពុជា សភាពាណិជ្ជកម្មកម្ពុជា និងសមាគមរោងចក្រកាត់ដេរ ដើម្បីបង្កើតវេទិកាពាណិជ្ជកម្មដ៏មានអត្ថប្រយោជន៍សម្រាប់ ពាណិជ្ជករក្នុងស្រុក និងអ្នកតាំងពិព័រណ៍ដែលមានសមត្ថភាពខ្ពស់ដោយផ្តល់ជូននូវបច្ចេកវិទ្យាចុងក្រោយរបស់ពួកគេ និងផលិតផលនៅក្នុងវិស័យឧស្សាហកម្មចម្រុះដើម្បីឆ្លើយតបទៅនឹងតម្រូវការទីផ្សារក្នុងស្រុក ដូច្នេះវាជួយយ៉ាងខ្លាំងក្នុងការជំរុញឧស្សាហូបនីយកម្មកម្ពុជា។
ចូលរួមទស្សនាការតាំងពិព័រណ៍ CIMIF និង CTG អ្នកនឹងអាចរកឃើញនូវម៉ាស៊ីនឧស្សាហកម្មដែលមានគុណភាពជាច្រើន ស្វែងយល់ពីបច្ចេកទេសអភិវឌ្ឍឧស្សាហកម្មចុងក្រោយបំផុត និងសហការជាមួយដៃគូឧស្សាហកម្ម សំខាន់ៗ។ កម្មវិធីពិព័រណ៍ពីររួមជាគ្នានេះពិតជាផ្តល់នូវឱកាសដ៏ល្អបំផុតសម្រាប់អ្នក ក្នុងការទទួលបានខ្សែសង្វាក់ផលិតកម្មតម្លៃពិភពលោកនិងចាប់យកជាមួយការអភិវឌ្ឍឧស្សាហកម្មដែលពឹងផ្អែកលើបច្ចេកវិទ្យា & ចំណេះដឹង។
សម្រាប់ព័ត៌មានបន្ថែម និងបញ្ជីរាយឈ្មោះទីតាំងផលិតផលពិព័រណ៍ដែលត្រូវបានធ្វើបច្ចុប្បន្នភាពសូមចូលទៅកាន់គេហទំព័ររបស់យើងតាមរយៈ https://www.chanchao.com.tw/Cambodia-expo/
ដោយ ៖ កូឡាប