សៀមរាប៖ក្នុងពេលថ្មីៗកន្លងមកនេះ លោកជំទាវ លី អ៊ុំអេង តាមរយៈប្រព័ន្ធសារព័ត៌មានសង្គមមួយចំនួន បានលើកឡើងនូវមតិដែលអាចនាំមកនូវការភ័ន្តច្រឡំជាសាធារណៈមកលើស្ថាប័នអាជ្ញាធរជាតិអប្សរា ពាក់ព័ន្ធនឹងទីតាំងសំណង់ការិយាល័យលក់ដីឡូតិ៍របស់គាត់ លើក្បាលដីលេខ៥២២៩ ស្ថិតនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។
ព័ន្ធករណីនេះបានសារព័ត៌មានក្នុងស្រុកដែលមានមូលដ្ឋាននៅខេត្តសៀមរាបបានផ្សាយថា អាជ្ញាធរអប្សរាខេត្តសៀមរាប បោះរបងព័ទ្ធយកដីរបស់លោកជំទាវបណ្ឌិត លី អ៊ុំអេង ដោយអះអាងថា បានដោះស្រាយគោលនយោបាយរួចហើយ តែលោកជំទាវបានបដិសេធថា មិនបានទទួលសូម្បីតែ១កាក់១សេន។
ថ្មីៗនេះអាជ្ញាធរអប្សរា ចេញលិខិតជូនដំណឹង១ ទុកពេល១សប្តាហ៍ អោយលោកជំទាវរើការិយាល័យពីលើដីរបស់ បើមិនដូច្នោះ ខាងអប្សរានឹងវាយកម្ទេចចោល។ លោកជំទាវបានប្រាប់ថា ដីនេះតុលាការបានចេញដីការក្សាការពារ រងចាំដំណោះស្រាយ បើអប្សរាវៃការិយាល័យរបស់គាត់ នោះមានន័យថា ខាងអាជ្ញាធរអប្សរា ធ្វើការបំពានផ្លូវច្បាប់ ប្រឆាំងសាលដីការរបស់តុលាការហើយ។
យោងតាមសេចក្តីជូនដំណឹងរបស់អាជ្ញាធរជាតិអប្សរាលេខ ៨៣២/១៩ លសសអតឆ ចុះថ្ងៃទីថ្ងៃទី០៩ ខែសីហា ឆ្នាំ២០១៩ បានបង្គាប់អោយលោកជំទាវបណ្ឌិត លី អ៊ុំអេង រុះរើសំណង់មួយកន្លែងដែលមានលេខក្បាលដី ៥២២៩ ដោយខ្លួនឯងបើមិនដូច្នោះទេ ខាងអាជ្ញាធរជាតិអប្សរា និងធ្វើការរុះរើដោយខ្លួនឯងក្នុងរយៈមួយសប្តាហ៍គិតចាប់ពីថ្ងៃជូនដំណឹង។
លោកជំទាវបណ្ឌិត លី អ៊ុំអេង សុំអោយសម្តេច ហ៊ុនសែន ជួយផ្តល់យុត្តិធម៌ ករណីលោក ហង្ស ពៅ អគ្គនាយកអាជ្ញាធរជាតិអប្សរា ខេត្តសៀមរាប គ្រោងរុះរើការិយាល័យរបស់គាត់ នៅលើដីកម្មសិទ្ធិស្របច្បាប់ដែលមានឯកសារគ្រប់គ្រាន់ នៅចំណុចផ្លូវ៦០ម៉ែត្រក្នុងសង្កាត់ស្លក្រាម ក្រុងសៀមរា ដោយអាជ្ញាធរជាតិអប្សរាបានអះអាងថា ដីដោះស្រាយគោលនយោបាយរួចហើយ។
លោកជំទាវបណ្ឌិត លី អ៊ុំអេង បានប្រាប់ កាសែតក្នុងស្រុកថា ខាងអាជ្ញាធរជាតិអប្សរា បានធ្វើរបាយការណ៍ភូតកុហក់ទៅថ្នាក់លើថា បានដោះស្រាយគោលនយោបាយលើក្បាលដីរបស់លោក ជំទាវរួចហើយ តែធាតុពិតលោកជំទាវថា មិនបានទទួលលុយគោលនយោបាយពីខាងអាជ្ញាធរជាតិអប្សរាសូម្បីតែមួយកាត់មួយសែន។ លោកជំទាវបានបន្តថា បើតុលាការរកឃើញឯកសារណាមួយថា លោកជំទាវពិតជាបានទទួលលុយគោលនយោបាយមែននោះ លោកជំទាវសន្យាថា នឹងដើរចូលគុគដោយខ្លួនឯង ហើយម្យ៉ាងវិញទៀតរឿងរ៉ាវដីធ្លីនេះ លោកជំទាវបានដាក់បណ្តឹងទៅសាលាដំបូងខេត្តសៀមរាប សាលាដំបូងបានចេញដីការក្សាការពារ ឥឡូវសំណុំរឿងឡើងដល់សាលាឧទ្ធរណ៍ហើយតែមិនទាន់មានសេចក្តីសម្រេច ឯខាងក្រសួងយុត្តិធម៌ក៏បានចេញដីកាការពារផងដែរ។ លោកជំទាវបណ្ឌិត លី អ៊ុំអេង បន្តថា លោកមានឯកសារគ្រប់គ្រាន់ដូចជា ប្លង់ដី លិខិតទិញលក់ និងឯកសារទទួលស្គាល់ពីអាជ្ញាធរពាក់ព័ន្ធជាច្រើនទៀត ក្នុងការតតាំងក្តីនៅតុលាការជាមួយអាជ្ញាធរជាតិអប្សរា។ លោកជំទាវបន្ថែមថា សុំខាងអាជ្ញាធរជាតិអប្សរា មានការអត់ធ្មត់បន្តិច រងចាំតុលាការនៅប្រទេសកម្ពុជាសម្រេចសិនថា តើអ្នកណាឈ្នះចាញ់ កុំទាន់មករុះរើស្នាក់ការរបស់គាត់ ព្រោះស្នាក់ការនេះមិនរត់ទៅណាទេ។
ដើម្បីបញ្ជៀសការភ័ន្តច្រឡំ និងជាការឆ្លើយតបចំពោះ លោកជំទាវ លី អ៊ុំអេង អ្នកនាំពាក្យអាជ្ញាធរជាតិអប្សរា សូមធ្វើការបំភ្លឺដូចខាងក្រោម៖
ដោយ៖កូឡាប
