ស្រុកអូរយ៉ាដាវ៖ កម្លាំងអាវុធហត្ថស្រុកអូរយ៉ាដាវ បានឲ្យដឹងថាសូមបងប្អូនទស្សនាឃ្លីបវីដូអូមួយ ជាសកម្មភាពកងរាជអាវុធហត្ថខេត្តរតនគិរី ដេញចាប់ឡានដឹកឈើខុសច្បាប់ ដេញប៉ផាប់ចាប់ពភីង នៅវេលាម៉ោង២១និង៣០នាទី ត្រូវនឹងថ្ងៃទី១៩ ខែសីហា ឆ្នាំ២០១៩ កម្លាំងអាវុធហត្ថស្រុកអូរយ៉ាដាវ ចំនួន៦នាក់ បានដេញបង្ក្រាបរថយន្ត ១គ្រឿង ដែលដឹកឈើល្មើសជារឿយៗកាត់តាមចំការកៅស៊ូ ឆ្ពោះចេញឃុំកិចុង សំដៅទៅភូមិសោមគល់ ឃុំសោមធំ ស្រុកអូរយ៉ាដាវ។
កម្លាំងយើងក៏បានចុះពួនស្ទាក់ចាប់នៅចំណុចភូមិឡែ ឃុំលំជ័រ ស្រុកអូរយ៉ាដាវ ពេលនោះរថយន្តជនសង្ស័យ មិនឲ្យកម្លាំងសមត្ថកិច្ចចាប់ដោយងាយៗស្រួលនោះទេ ដោយកម្លាំងយើងបានបើកដេញចាប់ប៉ផាប់ពភីងក្នុងចម្ការរបស់ប្រជាពលរដ្ឋ បន្ទាប់មករថយន្តជនសង្ស័យ ក៏បានបើកត្រឡប់បកទៅក្រោយវិញ តាមផ្លូវលំរហូតមកដល់ចំណុចឃុំកិចុង ហើយរថយន្តជនសង្ស័យ បានបែកកង់ទៅមុខមិនរួច ក៏បត់រថយន្តចូលក្នុងចំការកៅស៊ូ ជនសង្ស័យក៏បើកទ្វាររថយន្តរត់គេចខ្លួនចូលក្នុងចម្ការកៅស៊ូបាត់។
កម្លាំងអាវុធហត្ថស្រុកអូរយ៉ាដាវ បានឃាត់ជនសង្ស័យចំនួន១នាក់ វត្ថុតាងចាប់មានរថយន្តម៉ាក់ឡង់គ្រីស័រ ១គ្រឿង ពណ៌ខ្នៅ ( គ្មានផ្លាកលេខ)ផ្ទុកឈើពេញក្នុងរថយន្ត។
បច្ចុប្បន្នវត្ថុតាងខាងលើ បានយកមករក្សាទុកនៅមូលដ្ឋានកងរាជងអាវុធហត្ថស្រុកអូរយ៉ាដាវ ដើម្បីចាត់ការទៅតាមនីតិវិធី ៕ ដោយ៖កូឡាប