រដ្ឋបាលរបស់លោក ដូណាល់ ត្រាំ បានអនុម័តជាផ្លូវការហើយក្នុងការលក់យន្តហោះចំបាំងចំនួន ៦៦គ្រឿងដែលមានតម្លៃជាទឹកប្រាក់ ៨ពាន់លានដុល្លារ ទៅឲ្យកោះតៃវ៉ាន់។ នេះបើតាមការប្រកាសរបស់ក្រសួងការបរទេសអាមេរិចនៅថ្ងៃអង្គារម្សិលមិញនេះ។
ការសម្រេចលក់អាវុធជាផ្លូវការដល់កោះតៃវ៉ាន់ កើតឡើងក្រោយមានភាពតានតឹងរបស់វាងទីក្រុងវ៉ាស៊ីនតោន និងប៉េកាំង ជុំវិញបញ្ហាជាច្រើនជាច្រើន រួមទាំងបញ្ហាពាណិជ្ជកម្ម និងវិបត្តិនៅហុងកុង។
ការលក់យន្តហោះចាំបាំងប្រភេទ F-16s ដែលជាការលក់ធំបំផុតរបស់អាមេរិចទៅឲ្យតៃវ៉ាន់ អាចនឹងបំផ្លាញទំនាក់ទំនងបន្ថែមជាមួយនឹងទីក្រុងប៉េកាំង ខណៈដែលចិនចាត់ទុកកោះតៃវ៉ាន់គឺជាផ្នែកមួយនៃទឹកដីរបស់ខ្លួន។
កាលពីសប្តាហ៍មុន ទីក្រុងប៉េកាំង បានធ្វើការប្រតិកម្មយ៉ាងរហ័សចំពោះសំណើរលក់អាវុធទៅឲ្យតៃវ៉ាន់។
អ្នកនាំពាក្យក្រសួងការបរទេសចិនឈ្មោះ Hua Chunying បាននិយាយថា ការលក់អាវុធរបស់អាមេរិចទៅឲ្យតៃវ៉ាន់បានបំផ្លាញអធិបតេយ្យភាព និងផលប្រយោជន៍របស់ចិន។
អ្នកនាំពាក្យខាងលើថ្លែងថា ”ចិនប្រឆាំងដាច់ខាតចំពោះការលក់អាវុធនោះ” និងបានទាមទារឲ្យអាមេរិចឈប់លក់យន្តហោះចំបាំង និងបញ្ឍប់ទំនាក់ទំនងយោធាជាមួយនឹងតៃវ៉ាន់៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN