ខេត្តស្វាយរៀង៖ ដើម្បីកាត់បន្ថយការគ្រោះថ្នាក់ចរាចរណ៍ឱ្យមកនៅកំរឹតទាប និងឲ្យប្រជាពលរដ្ឋបានយល់ដឹងព្រមទាំងចេះគោរពច្បាប់ចរាចរណ៍ផ្លូវគោកជារៀងរាល់ថ្ងៃ គេឃើញមានសមត្ថកិច្ចនគរបាលចរាចរណ៍ផ្លូវគោក នៃអធិការដ្ឋាននគរបាលក្រុងបាវិត បានបន្តចុះរឹតបន្តឹងការអនុវត្តច្បាប់ចរាចរណ៍ផ្លូវគោក និងធ្វើការផាកពិន័យដល់អ្នកធ្វើដំណើរណាដែលមិនគោរពច្បាប់ចរាចរណ៍ក្នុងពេលធ្វើដំណើរ។ ក្នុងនោះយើងឃើញមានអ្នកធ្វើដំណើរភាគច្រើនមិនសូវគោរពច្បាប់ចរាចរណ៍នោះទេ។ ដោយមានអ្នកខ្លះពេលធ្វើដំណើរគាត់អត់មានពាក់មួកសុវត្ថិភាពក្នុងការបើកបរ អ្នកបើកបររថយន្តអត់មានដាក់ខ្សែក្រវ៉ាត់ និងបើកបរក្នុងល្បើនលឿន ដែលផ្ទុយទៅនិងច្បាប់ចរាចរណ៍ផ្លូវគោក។
ជាមួយនោះលោក ជា ស៊ីណា អធិការរងនៃអធិការនគរបាលក្រុងបាវិតបានក៏បានធ្វើការអំពាវនាវដល់បងប្អូនប្រជាពលរដ្ឋដែលជាអ្នកបើកបរយានជំនិះ គ្រប់ប្រភេទទាំងអស់នៅលើដងផ្លូវឲ្យចេះគោរពច្បាប់ចរាចរណ៍ កុំបើកបរក្នុងស្ថានភាពស្រវឹង កុំបើកបរហួសល្បឿនកំណត់ ហើយក្នុងពេលធ្វើដំណើរនិងត្រូវចេះយោគយល់អធ្យាស្រ័យគ្នាទើបការធ្វើដំណើរបានសុវត្ថិភាព។
ម្យ៉ាងវិញទៀតបើយើងមិនគោរពច្បាប់ចរាចរណ៍ផ្លូវគោកនោះទេបើយើងជួបគ្រោះថ្នាក់ដោយប្រការណាមួយនោះវានឹងធ្វើឲ្យយើងខាតបង់ទ្រព្យសម្បត្តិ ពេលវរលា អាចពិការភាព និង បាត់បង់អាយុជីវិត នាំទុក្ខសោកសៅដល់ក្រុមគ្រួសារជាក់ជាពុំខាន។
លោកអធិការរងបានមានប្រសាសន៍បន្តទៀតថាៈ មិនតែប៉ុណ្ណោះយើងអាចមានទោសទាន់ដែលបង្កឲ្យមានគ្រោះថ្នាក់ចរាចរណ៍ខូចខាតបាត់បង់អាយុជីវិងអ្នកដទៃ។
សូមបញ្ជាក់ផងដែរថា៖ មួយរយៈពេលកន្លងមកនេះគេសង្កេតឃើញថាអ្នកបើកបរយានជំនិះគ្រប់ប្រភេទមួយចំនួនដែលធ្វើដំណើរតាមដងផ្លូវគឺមិនសូវគោរពច្បាប់ចរាចរណ៍ផ្លូវគោកនោះទេ។ដោយមធ្យោបាយធ្វើដំណើររបស់ពួកគាត់គឺពុំត្រឹមត្រូវតាមលក្ខណះបច្ចេកទេសនោះឡើយ។ក្នុងនោះសង្កេតឃើញម៉ូតូភាគគឺអត់មានដាក់កញ្ចក់ ពេលបើកបរអត់ពាក់មូកសុវត្ថភាព ហើយអ្នកបើកបររថយន្តអត់ដាក់ខ្សែវ៉ាត់ និង រថយន្តខ្លះអត់មានភ្លើងស្តុបក្រោយ និងកញ្ចក់មើលក្រោយ ភ្លើងមុខមិនសូវភ្លឺជាហេតុងាយនិងបង្កគ្រោះថ្នាក់ខ្លាំងណាស់ដល់ខ្លួនឯងនិងអ្នកដ៏ទៃ។ វ៉ៃកូ
