ប្រទេសចិនបានព្រមានដាក់ទណ្ឌកម្មលើក្រុមហ៊ុនអាមេរិចទាំងឡាយណា ដែលជាប់ទាក់ទងទៅនឹងការលក់យន្តហោះចំបាំងអាមេរិចប្រភេទ F-16 ទៅអោយកោះតៃវ៉ាន់ ប្រសិនជាទីក្រុងវ៉ាស៊ីនតោនអនុវត្តកិច្ចព្រមព្រៀងលក់អាវុធនោះ។
នៅពេលជាមួយគ្នានេះដែរ អ្នកនាំពាក្យក្រសួងការបរទេសចិន លោក Geng Shuang បានជម្រុញអោយអាមេរិចឈប់លក់អាវុធ និងបញ្ឍប់ទំនាក់ទំនងយោធាជាមួយនឹងតៃវ៉ាន់។
កាលពីដើមសប្តាហ៍នេះ សហរដ្ឋអាមេរិចបានអនុម័យជាផ្លូវការពីគម្រោងលក់យន្តហោះចំបាំង F-16 ចំនួន ៦៦គ្រឿងទៅអោយតៃវ៉ាន់ដែលវាគឺជាការលក់អាវុធដ៏ធំបំផុតក្នុងរយៈប៉ុន្មានទសវត្សន៍ចុងក្រោយនេះ។ កិច្ចព្រមព្រៀងលក់ និងទិញអាវុធនោះមានតម្លៃ ៨ពាន់លានដុល្លា។
ការឈានដល់កិច្ចព្រមព្រៀងលក់អាវុធអោយកោះតៃវ៉ាន់កើតឡើង ក្រោយពេលភាពតានតឹងរវាង វ៉ាស៊ីនតោន និងតៃវ៉ាន់នៅតែបន្ត ជាពិសេសលើបញ្ហាជម្លោះពាណិជ្ជកម្ម។
សូមបញ្ជាក់ថា ចិនតែងចាត់ទុកតៃវ៉ាន់គឺជាទឹកដីរបស់ខ្លួន ដែលខ្លួនប្រកាសថានឹងធ្វើការរួបរួមគ្នាវិញជាមួយនឹងតៃវ៉ាន់នៅថ្ងៃណាមួយ ដោយប្រើកម្លាំងយោធា ប្រសិនជាចាំបាច់ ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
