អតីតរដ្ឋមន្រ្តីហិរញ្ញវត្ថុឥណ្ឌា លោក Palaniappan Chidambaram ត្រូវបានអាជ្ញាធរចាប់ខ្លួន ពីបទពុករលួយ និងលាងលុយកខ្វក់។
លោកត្រូវរងការស៊ើបអង្កេតពីបទចោទប្រកាន់ថា គាត់បានលុបចោលវិនិយោគទុនបរទេស ជាថ្នូរនឹងការទទួលបានសំណូក នៅពេលដែលគាត់នៅធ្វើជារដ្ឋមន្រ្តីហិរញ្ញវត្ថុ។
ទោះយ៉ាងណា លោក Palaniappan Chidambaram វ័យ ៧៣ឆ្នាំ បានច្រានចោលការចោទប្រកាន់ទាំងនោះ។
គាត់ត្រូវបានចាប់ខ្លួនកាលពីថ្ងៃពុធម្សិលមិញនេះ ដោយការិយាល័យស៊ើបអង្កេតមជ្ឈិម ក្រោយពេលមានហេតុការណ៍វឹកវរកើតើឡើង ខណៈពេលអ្នកគាំទ្រ និងសារព័ត៌មានបានឡោមព័ទ្ធឡានរបស់គាត់ ខណៈពេលកំពុងបើកចេញ។
សូមបញ្ជាក់ថា លោក Palaniappan Chidambaram គឺជាសមាជិកជាន់ខ្ពស់របស់បក្សប្រឆាំង និងជាសមាជិកសភាចាប់តាំងពីឆ្នាំ ១៩៨៤មក។ លោកក៏ធ្លាប់ធ្វើជារដ្ឋមន្រ្តីគេហដ្ឋានឥណ្ឌាផងដែរ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC