ខេត្តព្រះសីហនុ៖ ប្រជាពលរដ្ឋ ឬអាណាព្យាបាលរស់នៅខេត្តព្រះសីហនុ បង្ហាញការព្រួយបារម្ភជាថ្មីទៀត ចំពោះបទល្មើសគ្រឿងបន្តកើតមានយ៉ាងអនាធិបតេយ្យ និងគ្មានសមត្ថកិច្ចចុះបង្ក្រាបឲ្យមានប្រសិទ្ធភាពទេ។
បទល្មើសគ្រឿងខាងលើនេះ ប្រជាពលរដ្ឋរស់នៅខេត្តព្រះសីហនុ មានចម្ងល់ថា ហេតុអ្វីបានជាសមត្ថកិច្ចចុះបង្ក្រាប មិនចេះអស់បែបនេះ?។
ការព្រួយបារម្ភ របស់ប្រជាពលរដ្ឋរស់នៅរស់នៅស្រុកស្ទឹងហាវ ខេត្តព្រះសីហនុ ដូច្នេះបានកើតឡើងជាថ្មីទៀត បន្ទាប់ពីកាលពីវេលាម៉ោង ៦ល្ងាចថ្ងៃទី២១ ខែសីហា ឆ្នាំ២០១៩ កម្លាំងកងរាជអាវុធហត្ថស្រុកស្ទឹងហាវ សហការជាមួយកម្លាំងការិយាល័យបង្ក្រាបបទល្មើសគ្រឿងញឿន នៃកងរាជអាវុធហត្ថខេត្តព្រះសីហនុ បានចុះបង្ក្រាបបទល្មើសគ្រឿងញៀន នៅស្រុកស្ទឹងហាវ និងបានឃាត់ខ្លួនជនសង្ស័យចំនួន៥នាក់។
ជនសង្ស័យទាំងនោះ មានឈ្មោះ៖ ១- ឈ្មោះ ជាង សេរីវុធ ភេទប្រុសអាយុ ២២ឆ្នាំ មុខរបរមិនពិតប្រាកដ ទីកន្លែងកំណើតភូមិ៣ ឃុំទំនុបរលក ស្រុកស្ទឹងហាវ ខេត្តព្រះសីហនុ។ ទីលំនៅបច្ចុប្បន្ន ភូមិ៣ ឃុំទំនប់រលក ស្រុកស្ទឹងហាវ ខេត្តព្រះសីហនុ។
២- ឈ្មោះ ចាន់ ដែង ភេទប្រុសអាយុ៣៩ឆ្មាំ មុខរបរមិនពិតប្រាកដ មានទីកន្លែងកំណើតភូមិ៤ ឃុំទំនប់រលក ស្រុកស្ទឹងហាវ។ ៣- ឈ្មោះ ស្ដាយ ស ភេទស្រី អាយុ៣៩ឆ្នាំ មុខរបរមមេផ្ទះ មានទីលំនៅក្រុម៣ ភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ។ ទីកន្លែងកំណើតឃុំត្របែកស្រុកកំចាយមា ខេត្តព្រៃវែង។ ៤- ឈ្មោះ តូច ថន ភេទប្រុសអាយុ៣៥ឆ្មាំមុខរបរចុងភៅ មានទីកន្លែងកំណើតឃុំឫស្សីស្រុកខាងលិច ស្រុកកំពង់ត្រាច ខេត្តកំពត។ ទីលំនៅបច្ចុប្បន្នភូមិរិទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ។ ៥- ឈ្មោះ មី ជី ភេទប្រុសអាយុ៣៣ឆ្មាំមុខរបរនេសាទ ទីលំនៅបច្ចុប្បន្នភូមិ១ ឃុំ ទំនប់រលក ស្រុកស្ទឹងហាវ ខេត្តព្រះសីហនុ។
យុទ្ធនាការខាងលើនេះ សមត្ថកិច្ចបានដកហូតវត្ថុតាងរួមមាន៖ ម្សៅសថ្លា ចំនួន១៦ កញ្ចប់ ទូរស័ព្ទ ចំនួន ៧គ្រឿង ម៉ួតូ២គ្រឿង ប្រាក់រៀល ១៨៩០០០រៀល ដបជក់១ ជញ្ជីងថ្លឹង១គ្រឿង។
បច្ចុប្បន្នជនសង្ស័យបទល្មើសគ្រឿងទាំង៥នាក់ ត្រូវបានកម្លាំងជំនាញកងរាជអាវុធហត្ថខេត្តព្រះសីហនុ កសាងសំណុំរឿងបញ្ជូនទៅសាលាដំបូងខេត្តព្រះសីហនុ ដើម្បីបន្តនីតិវិធី៕ ដោយ៖ ដែន សីមា
