*ខុនដូដែលមានទំហំយូនីតធំទូលាយជាងគេ ចាប់ពី ២៧២ ម៉ែត្រការ៉ែ រហូតដល់ ៥០៩ ម៉ែត្រការ៉េ
*ជាន់លំហអាកាសពីរជាន់ដែលមានសម្ភារៈបរិក្ខារតាមរបៀបរស់នៅបែបស៊ីវីល័យ អាចគយគន់ទេសភាពទីក្រុងដ៏ស្រស់ត្រកាល ព្រមទាំងមាន Sky Villa Club ដែលជាទីកន្លែងផ្តល់ជូននូវពិសោធន៍ស្រស់ស្រូបអាហារពេលល្ងាចនិងការកម្សាន្តដ៏សម្បូរបែប
*ជាគម្រោងខុនដូខ្ពស់បំផុតមួយក្នុងចំណោមអគារខ្ពស់បំផុតដទៃទៀតដែលបញ្ចប់ការសាងសង់នៅក្នុងរាជធានីភ្នំពេញ
ភ្នំពេញ៖ នៅព្រឹកថ្ងៃសុក្រ ទី ២៣ ខែសីហា ឆ្នាំ២០១៩ ក្រុមហ៊ុន MCC Singapore បានបើកសម្ពោធគម្រោងខុនដូ ស្កាយវីឡា (Sky Villa) ដ៏ប្រណីតបំផុតដែលមានទីតាំងស្ថិតនៅតាមបណ្តោយមហាវិថីសាធារណរដ្ឋប៉ូឡូញ ខណ្ឌ ៧ មករា រាជធានីភ្នំពេញ។
ស្កាយវីឡា (Sky Villa) ជាគម្រោងខុនដូដែលមានអគារកម្ពស់ ៣៥ជាន់ចំនួនពីរបញ្ចូលគ្នា មានយូនីតសរុបចំនួន ២៥៦ យូនីត (អគារនីមួយៗមាន ១២៨យូនីត) និងមានចំណតរថយន្តជាន់ក្រោមដីចំនួន ៤ ជាន់។ ជាមួយនឹងសាលទទួលភ្ញៀវ Grand Lobby ដែលមានពិតានកម្ពស់រហូតដល់ ១០ ម៉ែត្រ អមជាមួយនឹងជណ្តើរភ្លោះ នាំឲ្យសាលបដិសណ្ឋារកិច្ចមួយនេះក្លាយជាតំណាងនៃភាពប្រណីតទាំងមូលនៃអគារ។
ក្រោមការរចនារបស់ស្ថាបត្យករតៃវ៉ាន់ដ៏ល្បីឈ្មោះ លោក Chu-Yuan Lee ជាអ្នករចនាអគារតៃប៉ិ១០១ នៅទីក្រុងតៃប៉ិនៃកោះតៃវ៉ាន់ដ៏ល្បី អាចធ្វើឲ្យ ខុនដូ ស្កាយវីឡា (Sky Villa) បំបែកកំណត់ត្រាជាគម្រោងរស់នៅស្ថិតចំកណ្តាលរាជធានីដែលមានភាពទូលាយជាងគេមាន ទំហំលំនៅដ្ឋានចន្លោះ ពី ២៧២ ម៉ែត្រការ៉េ ទៅដល់ ៥០៩ ម៉ែត្រការ៉េ។ លំនៅដ្ឋាននីមួយៗមានបំពាក់ជូននូវគ្រឿងសង្ហារឹម និងអំពូលភ្លើងទំនើបៗ ព្រមទាំងអាចគយគន់ទេសភាពភ្លើងពណ៌នៃទីក្រុងដ៏ស្រស់ត្រកាល។ ដោយត្រូវបានគេទទួលស្គាល់ថាជាគម្រោងបែបធម្មជាតិបៃតងនៅចំកណ្តាលក្រុង ផ្ទៃដីក្រៅពីអគារនៅជាន់ផ្ទាល់ដីរបស់ខុនដូ ស្កាយវីឡា (Sky Villa) ត្រូវបានរចនាជាសួនច្បារអមជាមួយដើមឈើបៃតង មិនតែប៉ុណ្ណោះ នៅតាមយូនីតនីមួយៗក៏មានទីធ្លាល្មមគ្រប់គ្រាន់សម្រាប់ធ្វើជាសួនផ្ទាល់ខ្លួនផងដែរ។
ជាន់លំហអាកាសពីរជាន់មានបំពាក់សម្ភារបរិក្ខារតាមរបៀបរស់នៅទំនើបជាកន្លែងនៃតំណភ្ជាប់អគារទាំងពីរយ៉ាងស្រស់ស្អាត។ នៅកម្ពស់ជាន់ទី៣៤ អ្នកស្នាក់នៅអាចប្រើប្រាស់សេវាកម្មជាច្រើនមានដូចជា កន្លែងហាត់ប្រាណ បន្ទប់ម៉ាស្សា អាងហែលទឹកលើអាកាស សាលពពក (Cloud Pavilion) និង សួនច្បារលើអាកាស ដែលមានទេសភាពស្រស់ត្រកាល ដែលបង្ហាញពីទេសភាពដ៏អស្ចារ្យនៃទីក្រុង។ នៅជាន់ទី៣៥គឺ Sky Villa Club ដែលផ្តល់នូវ កន្លែងសម្រាប់អានសៀវភៅ មាន ក្លឹបនិងភោជនីយដ្ឋាន ដែលមានបម្រើជូននូវអាហារដ៏ឈ្ងុយឆ្ងាញ់ព្រមទាំងសាលកម្សាន្តដ៏សម្បូរបែប។ ក្រៅពីនេះ ខុនដូ ស្កាយវីឡា (Sky Villa) ក៏មានសាលពិធីដ៏ធំមួយទៀតឈ្មោះថា Grand Ballroom ដែលស្ថិតនៅពីជាន់ឡៅតឿដែលលោកអ្នកអាចប្រារព្ធពិធីជួបជុំកម្សាន្តផ្សេងៗបានយ៉ាងសប្បាយ។
ដើម្បីផ្តល់ជូននូវបទពិសោធន៍ដ៏ប្រណីតខុនដូ ស្កាយវីឡា (Sky Villa) ផ្តល់ជូននូវបុគ្គលិកផ្តល់សេវាពេញលេញ រួមទាំងសេវាគ្រប់គ្រងរបៀបរស់នៅដូចជា សេវាកក់មធ្យោបាយធ្វើដំណើរ ដំណើរកម្សាន្តក្នុងទីក្រុង សេវាបោកគក់ និងថែរក្សាលំនៅឋាន អ្នករត់សំបុត្រ ការដើរទិញម្ហូបអាហារ ការរៀបចំព្រឹត្តិការណ៍ សេវាលេខាធិការ និងសេវាច្រើនទៀត។
ខុនដូ ស្កាយវីឡា (Sky Villa) ជាគម្រោងដែលគ្រប់គ្រងដោយក្រុមហ៊ុន MCC Singapore ដែលបានបង្កើតឡើងក្នុងការគ្រប់គ្រងនិងអភិវឌ្ឍន៍ទីក្រុង ការអភិវឌ្ឍអចលនទ្រព្យ ការគ្រប់គ្រងគម្រោង ក៏ដូចជាសំណង់សម្រាប់គម្រោងលំនៅឋាន និង ហេដ្ឋារចនាសម្ព័ន្ធ។ នៅក្នុងឆ្នាំ១៩៩២ ក្រុមហ៊ុន MCC Singapore បានចូលរួមយ៉ាងសកម្មក្នុងការផ្លាស់ប្តូររូបភាពទីក្រុងរបស់ប្រទេសសិង្ហបូរី តាមរយៈការសាងសង់គម្រោងដ៏ល្បីឈ្មោះជាច្រើនដូចជា Universal Studios Singapore និង Resorts World Sentosa ដែលគម្រោងទាំងពីរនេះ ជាគោលដៅទេសចរណ៍លំដាប់កំពូលមួយនៅអាស៊ីអាគ្នេយ៍ព្រមទាំង សាលពិព័រណ៍ Singapore Expo និង Keppel Distripark ។ រហូតមកដល់បច្ចុប្បន្ន ក្រុមហ៊ុន MCC Singapore បានអភិវឌ្ឍន៍និងគ្រប់គ្រងខុនដូចំនួន១២គម្រោងធំៗ សរុបជាចំនួនយូនីតមានច្រើនជាង ៦០០០យូនីត។
ក្នុងពិធីសម្ពោធខុនដូ ស្កាយវីឡា (Sky Villa) លោក Tan Zhiyong (谭志勇) នាយកប្រតិបត្តិក្រុមហ៊ុន MCC Singapore បានមានប្រសាសន៍ថា “យើងមានក្តីរំភើបរីករាយខ្លាំងណាស់ ដែលបានចូលរួមក្នុងគម្រោងខុនដូ ស្កាយវីឡា (Sky Villa) ដើម្បីបង្កើតបែបបទថ្មីនៃការរស់នៅបែបប្រណីតបំផុតនៅក្នុងរាជធានីភ្នំពេញ។ ក្នុងនាមជាប្រទេសដែលមានកំណើនសេដ្ឋកិច្ចលឿនបំផុត និងជាទីក្រុងដែលមានការរីកលូតលាស់យ៉ាងឆាប់រហ័សនៅលើពិភពលោក ប្រទេសកម្ពុជាត្រូវបានគេសម្គាល់អំពីកំណើននៃប្រជាជនដែលមានប្រាក់ចំណូលខ្ពស់ ក៏ដូចជាលំហូរភ្ញៀវទេសចរ និងវិនិយោគិនអន្តរជាតិ ដូច្នេះខុនដូ ស្កាយវីឡា (Sky Villa) ចូលរួមចំណែកជាលំនៅដ្ឋានក្នុងក្តីប្រាថ្នារបស់ពួកគេ។
ខុនដូ ស្កាយវីឡា (Sky Villa) ជាគម្រោងវិនិយោគដ៏ល្អសម្រាប់វិនិយោគិនផ្នែកលំនៅឋាន ដែលកំពុងស្វែងរកការបង្កើនដើមទុន និងចំណូលពីការជួលអចលនទ្រព្យ ខណៈពេលដែលរាជធានីភ្នំពេញនៅតែបន្តធ្វើនគរូបនីយកម្មយ៉ាងលឿន និងមានសេដ្ឋកិច្ចដែលបន្តការរីកចម្រើនទៅរយៈពេលប៉ុន្មានឆ្នាំខាងមុខ។
ក្រុមហ៊ុន MCC Singapore មានកំណត់ត្រាបទពិសោធន៍ជាង២៥ឆ្នាំក្នុងការអភិវឌ្ឍអចលនទ្រព្យ ការគ្រប់គ្រងគម្រោង ព្រមទាំងការសាងសង់នៅប្រទេសសិង្ហបូរី ហើយយើងត្រៀមខ្លួនរួចជាស្រេចក្នុងការនាំយកនូវបទពិសោធន៍ នៃការអភិវឌ្ឍន៍និងគ្រប់គ្រងអចលនទ្រព្យដ៏ល្អជាច្រើន នៃប្រទេសសិង្ហបូរី ដើម្បីរួមចំណែកធ្វើឲ្យរូបភាពនៃវិស័យលំនៅដ្ឋានកាន់តែទំនើប”។
ខុនដូ ស្កាយវីឡា (Sky Villa) មានទីតាំងស្ថិតនៅចំកណ្តាលនៃតំបន់ពាណិជ្ជកម្ម ដែលមានចរាចរណ៍ដ៏មមាញឹក និងស្ថិតនៅក្បែរតំបន់ទិញទំនិញបឹងកេងកងបំផុត ដែលជាតំបន់អចលនទ្រព្យឈានមុខគេបំផុតនៅកម្ពុជា។ មជ្ឈមណ្ឌលលក់ទំនិញ និងកន្លែងកម្សាន្តផ្សេងៗទៀតមានដូចជា សណ្ឋាគារនិងកាស៊ីណូ NagaWorld ផ្សារទំនើបដ៏ធំ Olympia City ផ្សារធំថ្មី និងផ្សារធំៗនៅក្នុងទីក្រុងផ្សេងៗទៀតជាច្រើន។ សាលារៀននៅក្បែរនោះរួមមាន សាកលវិទ្យាល័យជាតិគ្រប់គ្រង សាកលវិទ្យាល័យភូមិន្ទវិចិត្រសិល្បៈ សាកលវិទ្យាល័យអន្តរជាតិភ្នំពេញ សាលាអន្តរជាតិហា រ៉ូដ និងសាលាអន្តរជាតិលីប៊ើធី។ អ្នកស្នាក់នៅខុនដូ ស្កាយវីឡា (Sky Villa) នឹងមានភាពងាយស្រួលក្នុងការធ្វើដំណើរទៅកាន់ផ្លូវធំៗ និងមហាវិថីនានា ក៏ដូចជាប្រព័ន្ធដឹកជញ្ជូនសាធារណៈផងដែរ។
ការិយាល័យលក់ខុនដូ ស្កាយវីឡា (Sky Villa) មានទីតាំងស្ថិតនៅតាមបណ្តោយមហាវិថីសាធារណរដ្ឋប៉ូឡូញ ខណ្ឌ ៧ មករា និងបើកពីម៉ោង ១០ព្រឹក ដល់ម៉ោង ៧ ល្ងាច។ ខុនដូ ស្កាយវីឡា (Sky Villa) ត្រូវបានរំពឹងថានឹងបញ្ចប់ការសាងសង់ជាស្ថាពរនៅត្រឹមខែមីនា ឆ្នាំ ២០២០។
ព័ត៌មានលម្អិតនៃប្រភេទយូនីតនីមួយៗ៖
ប្រភេទយូនីត ចំនួនយូនីត ទំហំ (គិតជាម៉ែត្រការ៉េ)
ប្រភេទ ២ បន្ទប់គេងជាមួយបន្ទប់សិក្សា ៦៨ ២៧២ ដល់ ៣៣៦
ប្រភេទ ៣ បន្ទប់គេងជាមួយបន្ទប់សិក្សា ៦០ ៣៦៩ ដល់ ៤៣១
ប្រភេទ ៣ បន្ទប់គេងជាមួយបន្ទប់ជួបជុំគ្រួសារ ១២៨ ៤១៧ ដល់ ៥០៩
ចំនួនយូនីតសរុប ២៥៦
ក្រុមហ៊ុន MCC Singapore គឺជាបុត្រសម្ព័ន្ធនៃក្រុមហ៊ុនស្ថិតក្នុងតារាង Global 500 គឺក្រុមហ៊ុន Metallurgical Corporation of China Ltd (the “MCC Group”) ដែលបានចុះបញ្ជីនៅផ្សារមូលបត្រហុងកុង និងសៀងហៃ។ អាជីវកម្មស្នូលរបស់ក្រុមហ៊ុន MCC Singapore គឺផ្តោតទៅលើការអភិវឌ្ឍ និងការគ្រប់គ្រងទីក្រុង ការអភិវឌ្ឍវិស័យអចលនទ្រព្យ ការគ្រប់គ្រងគម្រោង ព្រមទាំងការសាងសង់សម្រាប់គម្រោងលំនៅឋាន និងហេដ្ឋារចនាសម្ព័ន្ធ។
នៅក្នុងឆ្នាំ១៩៩២ ក្រុមហ៊ុន MCC Group បានឈានជើងចូលក្នុងតំបន់អាស៊ីប៉ាស៊ីហ្វិកដោយចាប់ផ្ដើមជាមួយប្រទេសសិង្ហបុរីដើម្បីពន្លឿនផែនការពង្រីកអាជីវកម្មរបស់ខ្លួន។ ចាប់តាំងពីពេលនោះមក ក្រុមហ៊ុន MCC Singapore បានចូលរួមយ៉ាងសកម្មក្នុងការកែប្រែទេសភាពនៃប្រទេសសិង្ហបុរីតាមរយៈគម្រោងដ៏គួរឲ្យកត់សម្គាល់ផ្សេងៗ។ គម្រោងធំៗរបស់ខ្លួនរួមមាន Universal Studios Singapore និង Resorts World Sentosa សាលពិព័រណ៍ Singapore Expo និង Keppel Distripark។ ក្រុមហ៊ុន MCC Singapore ក៏បានចូលរួមយ៉ាងសកម្មក្នុងការសាងសង់គម្រោងលំនៅដ្ឋានសម្រាប់ប្រជាជនសិង្ហបុរីនិងការសាងសង់ហេដ្ឋារចនាសម្ព័ន្ធសាធារណៈ។
នៅក្នុងឆ្នាំ២០១០ ក្រុមហ៊ុន MCC Singapore បានឈានជើងចូលទៅក្នុងវិស័យអភិវឌ្ឍន៍អចលនទ្រព្យ។ ក្នុងរយៈពេលប៉ុន្មានឆ្នាំនៃការចាប់ផ្តើម ក្រុមហ៊ុនមានគម្រោងលំនៅឋានដៃគូរបស់ខ្លួនរួមមាន The Canopy, Canberra Residences, One Canberra, The Santorini, TRE Residences, The Alps Residences និងការអភិវឌ្ឍន៍គម្រោងពហុប្រើប្រាស់ នៅផ្លូវ Meyappa Chettiar មាន The Poiz Residences (ជាគម្រោងលំនៅដ្ឋាន) និង The Poiz Centre (ជាអគារពាណិជ្ជកម្ម) ។ ខ្លួនក៏ជាប្រធានគម្រោងផងដែរសម្រាប់ The Nautical, Forestville, Sea Horizon, Northwave និង Queens Peak ។ រហូតមកដល់បច្ចុប្បន្ននេះ ក្រុមហ៊ុន MCC Singapore បានបង្កើត និងគ្រប់គ្រងគម្រោងអចលនទ្រព្យចំនួន ១២ ដែលមានខុនដូសរុបជាង ៦,០០០ យូនីត។ បច្ចុប្បន្ននេះ ក្រុមហ៊ុន MCC Singapore មានអាជីវកម្មនៅប្រទេសកម្ពុជា ម៉ាឡេស៊ី និងឥណ្ឌូណេស៊ី ហើយកំពុងសម្លឹងរកការពង្រីកបន្ថែមទៀតនៅក្នុងតំបន់។
ក្រុមហ៊ុន GreatView Investment Pte Ltd (“GreatView Investment”) បង្កើតឡើងក្នុងឆ្នាំ ២០១៣ មានអាជីវកម្មស្នូលផ្តោតលើការអភិវឌ្ឍនិងវិនិយោគអចលនទ្រព្យនៅប្រទេសសិង្ហបុរីនិងក្នុងតំបន់។ ដោយប្រកាន់ខ្ជាប់នូវទស្សនៈនិងគោលជំហរអាជីវកម្មរបស់ខ្លួន ទៅលើ“ភាពស្មោះត្រង់ និងការកសាងគម្រោងអចលនទ្រព្យ ប្រកបដោយគុណភាពជាចម្បង”
ក្រុមហ៊ុន GreatView Investment បានចូលរួមអភិវឌ្ឍន៍គម្រោងជាច្រើននៅក្នុងប្រទេស
សឹង្ហបូរីរួមមានគម្រោង TRE Residences, The Poiz Residences និង The Poiz Centre រួមទាំងគម្រោងអចលនទ្រព្យនៅបរទេសជាច្រើនទៀត៕ ដោយ:កូឡាប