ខេត្តស្វាយរៀងៈលោកអនុសេនីយ៍ឯក អ៊ូ ប៊ុនឡេង នាយប៉ុស្តិ៍រដ្ឋបាលសង្កាត់ស្វាយរៀង នៅព្រឹកថ្ងៃទី២៣ ខែសីហា ឆ្នាំ២០១៩នេះ បានអញ្ជើញចុះធ្វើការអប់រំនិងផ្សព្វផ្សាយអំពីផលប៉ះពាល់ឥទ្ធិពលអាក្រក់នៃគ្រឿងញៀន ដល់សិស្សានុសិស្សចំនួន២សាលា ក្នុងសង្កាត់ស្វាយរៀង ដែលមានសិស្សសរុបចំនួនជាង១០០០ នាក់។
លោកនាយប៉ុស្តិ៍បានឱ្យដឹងថាៈ ការចុះធ្វើការអប់រំនិងផ្សព្វផ្សាយអំពីផលប៉ះពាល់ឥទ្ធិពលអាក្រក់នៃគ្រឿងញៀន ដល់សិស្សានុសិស្សនាពេលនេះ គឺមានចំនួន២សាលា នៅក្នុងសង្កាត់ស្វាយរៀង ដែលមានប្អូនៗសិស្សានុសិស្ស សរុបចំនួនជាង១០០០នាក់ ទី១ គឺសាលាបឋមសិក្សាព្រះសីហនុ ទី២ សាលាបឋមសិក្សាចុងព្រែក។
លោកបានបន្តទៀតថា គោលបំណងសំខាន់ គឺចង់បញ្ជ្រាបឱ្យសិស្សបានស្គាល់ថាតើអ្វីខ្លះទៅជាគ្រឿងញៀន? ហើយគ្រឿងញៀនវាបានបង្កផលប៉ះពាល់អ្វីខ្លះ? ក្នុងនាមយើងជាសិស្ស ត្រូវប្រកាន់អត្តចរិតយ៉ាងណាខ្លះ ដើម្បីជៀសឱ្យឆ្ងាយពីគ្រឿងញៀន? ហើយការចុះធ្វើការអប់រំ និងផ្សព្វផ្សាយអំពីផលប៉ះពាល់ឥទ្ធិពលអាក្រក់នៃគ្រឿងញៀនដល់សិស្សានុ សិស្សនាពេលនេះគឺពុំំំមែនជាលើកទី១នោះដែរ។
លោកនាយប៉ុស្តិ៍បានមានប្រសាសន៍បន្ថែមទៀតថាៈ ក្រៅពីការអប់រំនិងផ្សព្វផ្សាយ អំពីផលប៉ះពាល់ឥទ្ធិពលអាក្រក់ នៃគ្រឿងញៀនលោកក៏៏៏៏បានធ្វើក្រើនរំលឹក ឱ្យប្អូនៗសិស្សានុសិស្ស ត្រូវព្យាយាមសិក្សារៀនសូត្រឱ្យបានពូកែធ្វើខ្លួនជាមនុស្សល្អរស់នៅក្នុងសង្គមជាទំពាំងស្នងឬស្សីទៅថ្ងៃក្រោយ ជាយុវជនបន្តវេនហើយជាងនេះទៅទៀត យើងទាំងអស់គ្នាត្រូវចូលរួមគោរព និងអនុវត្តន៍នូវគោលនយោបាយភូមិឃុំមានសុវត្ថិភាព ទាំង៩ចំណុច របស់រាជរដ្ឋាភិបាលផងដែរ ទើបសង្គមយើងមានភាពថ្លៃថ្នូរ៕ដោយ៖វ៉ៃកូ