ប្រធានាធិបតីអាមេរិច ដូណាល់ ត្រាំ បានធ្វើការសងសឹកភ្លាមៗចំពោះចិន ដោយប្រកាសថាពីការដំឡើងពន្ធថ្មីខ្ពស់ជាងមុនលើទំនិញនាំចូលពីប្រទេសចិន។ ការប្រកាសបែបនោះរបស់ត្រាំ ធ្វើឲ្យសង្រ្គាមពាណិជកម្មរវាងអាមេរិច និងចិន កាន់តែក្តៅឡើង។
នៅក្នុងបណ្តាញសង្គម Twitter កាលពីថ្ងៃសុក្រ លោក ត្រាំបានប្រកាសដំឡើងពន្ធចំនួន ៥ភាគរយបន្ថែមលើទំនិញនាំចូលពីចិន។
ការសងសឹករបស់ដូណាល់ ត្រាំនេះ កើតឡើងតែប៉ុន្មានម៉ោងប៉ុណ្ណោះ ក្រោយពេលប្រធានាធិបតីចិន បានធ្វើការប្រកាសពីគម្រោងយកពន្ធលើទំនិញរបស់អាមេរិចដែលមានតម្លៃជាទឹកប្រាក់ ៧៥ពាន់លានដុល្លារ។
លោក ដូណាល់ ត្រាំ បានចាត់ទុកសកម្មភាពរបស់ចិនថាជាគឺជារឿងនយោបាយ និងបានចោទពួកគេថាកេងផលចំណេញពីអាមេរិច។
សូមរំលឹកថា ប្រទេសចិនបានប្រកាសពីគម្រោងក្នុងការដំឡើងពន្ធចន្លោះ ៥ ទៅ ១០ភាគរយលើផលិតផលអាមេរិចំនួនជាង ៥.០០០មុខ រួមមានផលិតផលកសិកម្ម គ្រឿងយន្តហោះ និងប្រេងឆៅជាដើម។ ចិនក៏បានកំណត់ពន្ធឡើងវិញចំនួន ២៥ភាគរយលើការនាំចូលរថយន្តពីអាមេរិចផងដែរ ដែលការពីមុន ពន្ធនោះត្រូវបានពន្យារពេល។
ការប្រកាសពីការដំឡើងពន្ធលើទំនិញនាំចូលពីអាមេរិច នឹងត្រូវធ្វើឡើងពីដំណាក់កាល គឺនៅថ្ងៃទី ១ ខែកញ្ញា និងថ្ងៃទី ១៥ ខែធ្នូ។ ការដំឡើងពន្ធនោះនឹងប៉ះពាល់ដល់ផលិតផលអាមេរិចមានតម្លៃជាទឹកប្រាក់ ៧៥ពាន់លានដុល្លារ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
