ភ្នំពេញ៖ ដោយស្របតាមស្ថានភាពប្រទេសជាតិមាន ការអភិវឌ្ឍកាន់តែរីកចម្រើន ទីក្រុងកាន់តែស៊ីវិល័យផងនោះ រដ្ឋបាលរាជធានីភ្នំពេញមានគម្រោងស្ថាបនាស្ពានអាកាសថ្មើរជើង ចំនួន២ទីតាំងទៀត សម្រាប់បងប្អូនប្រជាពលរដ្ឋធ្វើដំណើរ ដោយថ្មើរជើងឆ្លងកាត់តំបន់នោះប្រកបដោយសុវត្ថិភាព។
មន្ត្រីរដ្ឋបាលរាជធានីបានឧ្យដឹងថា ៖គម្រោងទី១មានទីតាំងស្ថិតនៅ លើមហាវិថីម៉ៅសេទុងខាងកើត សាលាបឋមសិក្សាសន្ធរម៉ុក និងគម្រោងទី២មានទីតាំងស្ថិតនៅ លើមហាវិថីម៉ៅសេទុងខាងលិចផ្សារដើមគរ។
មន្ត្រីបន្តថា៖ ដោយអនុវត្តន៍តាមការណែនាំរបស់លោកឃួង ស្រេង អភិបាលរាជធានីភ្នំពេញការងារសាងសង់ ស្ពានអាកាសថ្មើរជើងថ្មី២កន្លែង សាលាបឋមសិក្សាសន្ធម៉ុកនិងផ្សារដើមគរនេះ នឹងដំណើរការនៅពេលដ៏ខ្លីខាងមុខនេះ៕ដោយ៖កូឡាប
