តែប៉ុន្មាននាទីប៉ុណ្ណោះ ក្រោយពេលពិធីមង្គលការចប់សប់គ្រប់ គូស្វាមីភរិយាថ្មីថ្មោង ២នាក់ បានស្លាប់ភ្លាមៗ នៅក្នុងគ្រោះថ្នាក់ចរាចរ បន្ទាប់ពីពួកគេបានចេញពីវិធីមង្គលការ។
គូស្នេហ៍ទាំងពីរមានឈ្មោះ Harley Morgan វ័យ ១៩ឆ្នាំ និង Rhiannon Boudreaux វ័យ ២០ឆ្នាំ។ ពួកគេបានស្លាប់នៅក្នុងទីក្រុង Orange ចំងាយប្រមាណ ២០មៃស៍ពីទីក្រុង Beaumont នៃរដ្ឋតិចសាស សហរដ្ឋាអាមេរិច។
ក្រោយពេលពិធីមង្គលការចប់សប់គ្រប់ ពួកគេបានជិះរថយន្តទៅផ្ទះ ប៉ុន្តែស្រាប់តែជួបគ្រោះថ្នាក់ចរាចរដ៏រន្ធត់ ដោយរថយន្តរបស់ពួកគេបានបុកនឹងរថយន្តដឹកទំនិញ។
បើតាមការបញ្ជាក់របស់ប៉ូលិសបានឲ្យដឹងថា គូស្នេហ៍នោះគឺជាស្រឡាញ់គ្នាតាំងពីរៀននៅវិទ្យាល័យ ហើយពួកគេបានសម្រេចចិត្តបង្កើតជីវិតអាពាហ៍ពិពាហ៍ជាមួយគ្នា។
ប៉ូលិសបន្ថែមថា ទោះបីពួកគេបានប្រារព្ធពិធីពួកគេនៅតុលាការពួកគេក៏មានគម្រោង ធ្វើពិធីមង្គលការរពួកគេម្តងទៀត នៅថ្ងៃបុណ្យណូអែល ខាងមុខសម្រាប់គ្រួសារ និងមិត្តភក្តិរបស់ពួកគេ៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN
