ភ្នំពេញ៖តាមសេចក្ដីរាយការណ៍ពីទីក្រុង Polovdiv ប្រទេសប៊ុលហ្គារី ដែលជាកន្លែងប្រកួតតេក្វាន់ដូ I T F
(International Taekwondo Federation) មកថា កីឡាករកម្ពុជាប៉ាល់ ជីវ័ន្ដ កម្រិតខ្សែក្រវាត់ខ្មៅ៥ដាន់ ដណ្ដើមបានមេ
ដាយមាសមួយគ្រឿងហើយ ។
ជ័យជម្នះនេះ បានធ្វើឲ្យពិភពលោកកាន់កោតក្រែងកម្ពុជាបន្ថែមទៀត ។ ជីវ័ន្ដ ដណ្ដើមបានមេដាយមាស
លើវិញ្ញាសាសម្តែងមេគុនកម្រិតខ្សែក្រវាត់ខ្មៅ៥ដាន់។ កីឡាករកម្ពុជារូបនេះ បានប្រាប់ឲ្យដឹងតាមរយៈសារអេឡិចត្រូនិកមកថា ចៅក្រមទាំង៥រូប សុទ្ធតែផ្ដល់ពិន្ទុឲ្យគេឈ្នះ លើគូប្រកួតទាំង៥រូបតែម្ដង ។
ព្រឹត្តិការណ៍ការប្រកួតតេក្វាន់ដូ ITF ជើងឯកពិភពលោក “World ITF Taekwon-do Championship” នៅទីក្រុង Polovdiv ប្រទេសប៊ុលហ្គារី កីឡាករប៉ាល់ ជីវ័ន្ត បានបង្កើតនូវជ័យជម្នះដ៏អស្ចារ្យ។ ព្រឹត្តិការណ៍នេះ មានប្រទេសចំនួនជាង៧០ ទូទាំងប្រភពលោកចូលរួម ៕ដោយ៖បញ្ញាស័ក្តិ
