រាជធានីភ្នំពេញ ៖ ឧត្តមក្រុមប្រឹក្សាពិគ្រោះ និងផ្ដល់យោបល់ បើកកិច្ចប្រជុំផ្ដល់យោបល់ ជាមួយអង្គភាពប្រឆាំងអំពើពុករលួយលើសេចក្ដីព្រាងរបាយការណ៍ស្វ័យវាយតម្លៃ ស្ដីពីការត្រួតពិនិត្យឡើងវិញ នៃការអនុវត្តអនុសញ្ញាអង្គការសហប្រជាជាតិ ប្រឆាំងអំពើពុករលួយ នៅកម្ពុជា , នាវិមានសន្តិភាព ទីស្ដីការនាយករដ្ឋមន្ត្រីនៅថ្ងៃទី ២៧ ខែ សីហា ឆ្នាំ ២០១៩ នេះ។
លោកវីល្លាម បានបញ្ជាក់ថា សមាជិកឧត្តមក្រុមប្រឹក្សាពិគ្រោះ និងផ្ដល់យោបល់ ពីគណបក្សខ្មែរក្រោកបានវាយតម្លៃខ្ពស់លើសេចក្ដីព្រាងរបាយការណ៍នេះ និងសង្ឃឹមថា ឧត្តមក្រុមប្រឹក្សាពិគ្រោះ និងផ្ដល់យោបល់ នឹងឈានដល់ការបង្កើតកិច្ចសហការជាមួយ អង្គភាពប្រឆាំងអំពើពុករលួយផងដែរ។
សមាជិកឧត្តមក្រុមប្រឹក្សាពិគ្រោះ និងផ្ដល់យោបល់ ប្រតិភូគណបក្សខ្មែរក្រោក ក៏បានសង្ខេបវិធានការ បង្ការ ការពារ ទប់ស្កាត់ បង្ក្រាប អំពើពុករលួយ ដល់ប្រតិភូអង្គភាពប្រឆាំងអំពើពុករលួយផងដែរ ៕ដោយ៖បញ្ញាស័ក្តិ
