ភ្នំពេញ៖ សម្តេចតេជោ ហ៊ុន សែន បានប្រកាសអបអរសាទរដល់កីឡាករតៃក្វាន់ដូកម្ពុជា កីឡាករ ប៉ាល់ ជីវ័ន្ត ដែលបានទទួលបានមេដាយមាសកម្រិតពិភពលោកពីការប្រកួត 21st ITF (Taekwon-Do World Championship) 2019 (International Taekwon-Do Federation) នៅទីក្រុង Plovdiv ប្រទេសប៊ុលហ្គារី (Bulgaria) ដែលប្រព្រឹត្តទៅចាប់ពីថ្ងៃទី ២៤ ខែសីហា ដល់ ថ្ងៃទី ៣០ ខែ សីហា ឆ្នាំ ២០១៩។
តាមរយៈហ្វេសប៊ុកផ្លូវការ សម្តេចនាយករដ្ឋមន្ត្រី បានថ្លែងថា នេះគឺជាមោទនភាពថ្មីមួយទៀតដែលកូនខ្មែរបានដណ្តើមយកមេដាយមាសកម្រិតពិភពលោកជូនដល់ជាតិមាតុភូមិ។
សូមជូនពរកីឡាករកីឡាការនីកម្ពុជា សូមព្យាយាមហ្វឹកហាត់បន្ថែមដើម្បីឆ្ពោះទៅរកភាពជោគជ័យក្នុងការធ្វើជាម្ចាស់ផ្ទះស៊ីហ្គេម (SEA GAME) ក្នុងឆ្នាំ ២០២៣។
តាមសេចក្ដីរាយការណ៍ពីទីក្រុងPolovdiv ប្រទេសប៊ុលហ្គារីដែលជាកន្លែងប្រកួតតេក្វាន់ដូI T F (International Taekwondo Federation)មកថាកីឡាករកម្ពុជាប៉ាល់ ជីវ័ន្ដកម្រិតខ្សែក្រវាត់ខ្មៅ៥ដាន់ដណ្ដើមបានមេដាយមាសមួយគ្រឿងហើយ ។
ជ័យជំនះនេះបានថ្វើឲ្យពិភពលោកកាន់កោតក្រែងកម្ពុជាបន្ថែមទៀត ។ជីវ័ន្ដដណ្ដើមបានមេដាយមាសលើវិញ្ញាសាសំដែងមេគុនកម្រិតខ្សែក្រវាត់ខ្មៅ៥ដាន់។កីឡាករកម្ពុជារូបនេះបានប្រាប់ឲ្យដឹងតាមរយៈសារអេឡិចត្រូនិកមកថាចៅក្រមទាំ៥រូបសុទ្ធតែផ្ដល់ពិន្ទុឲ្យគេឈ្នះលើគូប្រកួតទាំង៥រូបតែម្ដង ។
ព្រឹត្តិការណ៍ការប្រកួតតេក្វាន់ដូITFជើងឯកពិភពលោក “World ITF Taekwon-do Championship” នៅទីក្រុងPolovdivប្រទេសប៊ុលហ្គារីកីឡាករប៉ាល់ជីវ័នបានបង្កើតនូវជ័យជំនះដ៍អស្ចារ្យ។ព្រឹត្តិការណ៍នេះមានប្រទេសចំនួនជាង៧០ទូទាំងប្រភពលោកចូលរួម ៕ ដោយ៖កូឡាប
