ប្រធានាធិបតីអ៊ីរ៉ង់ លោក Hassan Rouhani បាននិយាយកាលពីថ្ងៃអង្គារម្សិលមិញនេះថា ប្រទេសអ៊ីរ៉ង់មិនមានបំណងចរចារជាមួយនឹងអាមេរិចឡើយ ប្រសិនជាទណ្ឌកម្មទាំងឡាយប្រឆាំងខ្លួនមិនទាន់ត្រូវបានដក។
ការប្រកាសបែបនោះរបស់មេដឹកនាំអ៊ីរ៉ង់កើតឡើងតែមួយថ្ងៃប៉ុណ្ណោះ ក្រោយពេលប្រធានាធិបតីអាមេរិច ដូណាល់ ត្រាំ បាននិយាយថាគាត់ចង់ជួបជាមួយនឹងមេដឹកនាំអ៊ីរ៉ង ដើម្បីបញ្ចប់ជាប់គាំងនុយក្លេអ៊ែរ។
លោក Hassan Rouhani បាននិយាយថា “តេហេរ៉ង មិនដែលចង់បានអាវុធនុយក្លេអ៊ែរឡើយ។ អ៊ីរ៉ងតែងតែត្រៀមខ្លួនដើម្បីចរចារជានិច្ច”។
លោកបានជម្រុញឲ្យទីក្រុងវ៉ាស៊ីនតោនចាត់វិធានការជំហានដំបូង ដោយធ្វើការដកទណ្ឌកម្មប្រឆាំងអ៊ីរ៉ងជាមុនសិន។ លោកថា គន្លឹះសំខាន់សម្រាប់ការផ្លាសផ្តូរដោយវិជ្ជមានគឺស្ថិតក្នុងដៃអាមេរិច៕
អត្ថបទប្រែសម្រួលដោយ៖ សុភ័ក្រ
ប្រភព៖ channelnewsaisa