ខេត្តស្វាយរៀងៈ ស្ត្រីជាកម្មករម្នាក់បានរងរបួសធ្ងន់ នៅក្នុងករណីរថយន្តដឹកកម្មកររោងចក្រនិងរថយន្តប្រភេទឡិចស៊ីស ៤៧០ បត់មិនប្រយ័ត្ន ត្រូវរថយន្តដឹកកម្មករមកពីក្រោយ បុកបណ្តាលឱ្យខូចខាតរថយន្តទាំង២គ្រឿង។
សមត្ថកិច្ចបានឱ្យដឹងថាៈ ហេតុការណ៍នៃគ្រោះថ្នាក់ចរាចរខាងលើនេះ បានកើតឡើងនៅថ្ងៃទី២៧ ខែសីហា ឆ្នាំ២០១៩ វេលាម៉ោង ៦និង៥០ នាទីលើផ្លូវជាតិលេខ១ ចន្លោះបង្គោលគីឡូម៉ែត្រលេខ១៣៧-១៣៨ ត្រង់ចំណុចភូមិបន្ទាយ ឃុំកណ្តៀងរាយ ស្រុកស្វាយទាប ខេត្តស្វាយរៀង ។
ប្រភពខាងលើបានបន្តទៀតថាៈ រថយន្តម៉ាក ឡិចស៊ីស ៤៧០ ពណ៌ទឹកមាសពាក់ ផ្លាកលេខ ភ្នំពេញ ២M ៧១៥១ បើកបរដោយឈ្មោះ ពិន សារ៉េត ភេទប្រុស អាយុ៥៩ឆ្នាំ មុខមុខរបរ ទាហាន រស់នៅភូមិប្រសូត្រ១ ឃុំកណ្តៀងរាយ ស្រុកស្វាយទាប ខេត្តស្វាយរៀង គ្មានរបួសស្នាម លុះមកដល់ចំណុចកើតហេតុខាងលើទិសដៅពីលិចខាងកើតរួចបត់ឆ្វេង ត្រូវមានរថយន្តម៉ាក SSANGYONG ពណ៌ស ផ្លាកលេខ កំពង់ស្ពឺ ២A ៣១៣២ មកពីក្រោយបុកចំទ្វារខាងឆ្វេង ក្នុងទិសដៅស្របគ្នា បើកបរដោយឈ្មោះ ឯម វាសនា ភេទប្រុស អាយុ២៤ឆ្នាំ មុខរបរបើកបរ រស់នៅភូមិក្តុម្ពី ឃុំគោកព្រីង ស្រុកស្វាយជ្រំ ខេត្តស្វាយរៀង មានឌុបអ្នករួមដំណើរ ៣៣នាក់ ក្នុងនោះស្រី៣១នាក់ មានរបួសអ្នករួមដំណើរម្នាក់ ឈ្មោះ ស៊ិន កល្យាណ ភេទស្រី អាយុ២០ ឆ្នាំ រស់នៅភូមិព្រៃខ្លា ឃុំពោធិ៍រាជ ស្រុកស្វាយជ្រំ ។ ករណីនេះអ្នករបួស បានបញ្ជូនទៅសំរាកព្យាបាលនៅមន្ទីរពេទ្យបង្អែកស្រុកស្វាយទាប។ ចំណែកមធ្យោបាយទាំងពីរ យកមករក្សាទុក នៅអធិការដ្ឋាននគរបាលស្រុកស្វាយទាប ដើម្បីបំពេញសំណុំរឿងតាមនីតិវិធីច្បាប់។ មូលហេតុ មកពីរថយន្តឡិចស៊ីសបត់ឆ្វេង ដោយគ្មានការប្រុងប្រយ័ត្ន៕ដោយ៖ វ៉ៃកូ
