បន្ទាយមានជ័យ ៖ ករណីចាញ់បោកប្រាក់រាប់ម៉ឺនដុល្លាពីក្រុមហ៊ុន EBC ពលរដ្ឋរងគ្រោះទៅប្តឹងនៅនគរបាលខេត្តបន្ទាយមានជ័យបន្ថែម ។
មន្ត្រីនគរបាលជំនាញព្រហ្មទ័ណ្ឌកម្រឹតស្រាលអោយដឹងថ្ងៃទី៤មករាឆ្នាំ២០១៨ ថា: ប្រជាពលរដ្ឋរងគ្រោះទាំងនោះមកដាក់ពាក្យប្តឹងក្រុមហ៊ុនEBC នៅនគរបាលជំនាញនាស្នងការដ្ឋានខេត្តបន្ទាយមានជ័យដើម្បីសុំអន្តរាគមន៍ដោះស្រាយ ។នេះជារឿងចាស់ដែល ពលរដ្ឋរងគ្រោះធ្លាប់តវ៉ា សុំអន្តរាគមន៍ដល់ថ្នាក់កំពូលៗជាតិរួចហើយ។
តែករណីនេះដូចជាពិភាល់ជាងរឿងផ្សេងទៀត ដោយលេចមុខក្រុមកាងារគណៈមេធាវីនៃព្រះរាជាណាចក្រកម្ពុជា បានចេញមុខការពារក្តីជូនប្រជាពលរដ្ឋរងគ្រោះ ហើយទទួលយកបណ្តឹងដើម្បីបំពេញឯកសារកសាងសំណុំរឿងបញ្ជូនទៅកាន់តុលាការចាត់ការតាមនិតិវិធី។
ប្រជាពលរដ្ឋរងគ្រោះឱ្យដឹងថាៈពួកគាត់បានចាញ់បោកក្រុមហ៊ុន EBC នៅអំឡុង ឆ្នាំ២០១៤ មកម្លេះ ពួកគាត់ជាច្រើនបានយកប្រាក់ចាប់ពី៤ពាន់ដូល្លារហូតទៅដល់២ម៉ឺនដុល្លា ដើម្បីវិយោគជាមួយក្រុមហ៊ុនអ៊ីប៊ីស៊ី(EBC) ដោយបានកិច្ចសន្យាចែលភាគលាភថានឹងទទួលបានអត្រាការប្រាក់ក្នុង១០ភាគរយក្នុង១ខែៗ។
ហើយការការចាញ់បោកក្រុមហ៊ុននេះ ដោយសារតែពលរដ្ឋរងគ្រោះបានឃើញថា ក្រុមហ៊ុននេះត្រូវគេអះអាងថាជាក្រុមហ៊ុនស្របច្បាប់ និងជួយប្រជាពលរដ្ឋកាត់បន្ថយភាបក្រីក្រ។
ម្យ៉ាងពួកខ្លួនរងគ្រោះក៏មានមហិច្ឆតាលោភលន់ ចង់បានប្រាក់ចំណេញផងដែរ ហើយក៏មិនសូវបានស្រាវជ្រាវនិងពិគ្រោះយោបល់នឹងអ្នកផ្សេងដែរព្រោះខ្លាចកាត់លាភ ។
ពលរដ្ឋដែលទុកខ្លួនឯងថារងគ្រោះបាននិយាយបន្តថា៖ នៅពេលពួកគាត់ដាក់បញ្ញើប្រាក់ជាមួយក្រុមហ៊ុនបាន២ទៅ៣ខែ គឺខាងក្រុមហ៊ុនឱ្យអត្រាការប្រាក់១០ភាគនោះមែន។បន្ទាប់មកក្រុមហ៊ុនក៏រត់បាត់ទៅ ។ហើយពេលទៅរកបើកការប្រាក់ថ្មី ទើបដឹងបើកមិនបានបើកប្រាក់ ហើយមនុស្សរបស់ក្រុមហ៊ុននេះបានរត់បាត់ស្រមោលហើយ។
ការចាញ់បោកក្រុមហ៊ុននេះ ពលរដ្ឋមួយចំនួនបានដាក់ប្លង់ដីផ្ទះ ប្លង់ដីស្រែចំការ ទៅខ្ចីលុយពីធនាគារឬម្ចាស់បំណុលដើម្បីបានប្រាក់យកប្រាក់ទៅវិនិយោគជាមួយក្រុមហ៊ុនEBC ។
ពាក់ព័ន្ធបញ្ហានេះ លោក លីវ សុវណ្ណា សមាជិកគណៈមេធាវីនៃព្រះរាជណាចក្រកម្ពុជា បានឱ្យដឹងថា ក្រោយពីកើតមានករណីផ្ទុះការតវ៉ារបស់ប្រជាពលរដ្ឋចាញ់បោកក្រុមហ៊ុនEBC ហើយប្រជាពលរដ្ឋរងគ្រោះបាននាំគ្នាប្តឹងទៅរដ្ឋសភា និងព្រឹទ្ធសភា ឱ្យជួយអន្តរាគមន៍ដោះស្រាយជូនពួកគាត់ រួចហើយ។
រាជរដ្ឋាភិបាលកម្ពុជា ក៏បានបង្កើតគណៈកម្មការចម្រុះអន្តរក្រសួង រួមានៈ ក្រសួងសេដ្ឋកិច្ចនិងហិរញ្ញវត្ថុ, ក្រសួងមហាផ្ទៃ និងក្រសួងយុត្តិធម៌ ដើម្បីស្រាវជ្រាវស៊ើបអង្កេតទៅលើបញ្ហានេះ។ក្នុងនោះក៏បានចាត់តាំងក្រុមគណៈមេធាវីនៃព្រះរាជាណាចក្រកម្ពុជា ដើម្បីទទួលពាក្យប្តឹងពីប្រជាពលរដ្ឋ ក្នុងការសម្រួលតាមផ្លូវច្បាប់របស់តុលាការ។
លោកបញ្ជាក់ឱ្យដឹងទៀតថា រហូតមកដល់ពេលនេះក្រុមគណៈមេធាវីនៃព្រះរាជាណាចក្រកម្ពុជាទទួលបានពាក្យបណ្តឹងពីប្រជាពលរដ្ឋរងគ្រោះចំនួន១១ខេត្តក្រុង មានសរុបជាង៧០០នាក់ហើយ ។
មន្ត្រីនគរបាលជំនាញខ្លះមានការសោកស្តាយដោយសារ ពលរដ្ឋរងគ្រោះទាំងនេះ បានទៅចងការប្រាក់ពីកន្លែងមួយ ដើម្បីយកទៅដាក់ចងការនឹងកន្លែងថ្មីនេះ ។ទង្វើនេះ មុនខុសមិនខុសអីទេ គ្រាន់តែជាការលោភលន់ឥតពិចារណាប៉ុណ្ណោះ៕ ដោយ ៖ បន្ទាយ
