កំពង់ស្ពឺ ៖ យុទ្ធនាការប្រយុទ្ធប្រឆាំងគ្រឿងញៀននៅក្នុងខេត្តកំពង់ស្ពឺ នគរបាលបង្ក្រាបក្រុមមុខសញ្ញាជួញដូរ-រក្សាទុក-ប្រេីប្រាស់សារធាតុញៀនជាបន្ដបន្ទាប់ឃាត់ខ្លួនសរុប ១៣នាក់។
អនុវត្តន៍តាមប្រសាសន៍ដឹកនាំចង្អុលការពីលោកឧត្ដមសេនីយ៍ទោ សម សាមួន ស្នងការនគរបាលខេត្ត ផែនប្រឆាំងគ្រឿងញៀន អធិការដ្ឋាននគរបាលក្រុង.ស្រុក សម្រេចលទ្ធផលបានដូចខាងក្រោម ៖
-ថ្ងៃទី២៥ សីហា ២០១៩ វេលាម៉ោង៩និង៣០នាទី នៅចំណុចភូមិសូរគង ឃុំស្នំក្រពើ កម្លាំងអធិការដ្ឋាននគរបាលស្រុកគងពិសី បានបង្ក្រាបមុខសញ្ញាសង្ស័យពាក់ព័ន្ធបានចំនួន ៤នាក់ ៖ ឈ្មោះ សែម បូរី ប្រុស អាយុ ២៦ឆ្នាំ-ឈ្មោះ អាន់ កក្កដា ប្រុស អាយុ ២៥ឆ្នាំ-ឈ្មោះ សួន វាសនា ប្រុស អាយុ ២០ឆ្នាំ-ឈ្មោះ គិន សត្យា ប្រុស អាយុ ១៩ឆ្នាំ ទាំង៤នាក់នៅភូមិសូរគង ឃុំស្នំក្រពើ ស្រុកគងពិសី ។ សមត្ថកិច្ចដកហូតវត្ថុតាងម្សៅក្រាមពណ៌សថ្លាសង្ស័យជាគ្រឿងញៀន ០១កញ្ចប់-ម៉ូតូ ១ គ្រឿង-ទូរស័ព្ទដៃ ៣ គ្រឿងរួមនឹងឧបករណ៍ប្រើប្រាស់គ្រឿងញៀនមួយចំនួន។
-ថ្ងៃទី២៥ សីហា ២០១៩ វេលាម៉ោង១០និង៣០នាទី នៅចំណុចភូមិផ្សារសាមគ្គី សង្កាត់កណ្ដោលដុំ ក្រុងច្បារមន កម្លាំងអធិការដ្ឋាននគរបាលក្រុងច្បារមន បានបង្ក្រាបមុខសញ្ញាសង្ស័យពាក់ព័ន្ធករណីប្រេីប្រាស់បានចំនួន ២នាក់-ឈ្មោះ សុខ ប៊ុនថន ហៅ ប៉េកូ ប្រុស អាយុ ៣១ឆ្នាំ-ឈ្មោះ កុយ សំណាង ហៅ យ៉ុង ប្រុស អាយុ ១៩ឆ្នាំ ទាំង២នាក់នៅភូមិផ្សារសាមគ្គី សង្កាត់កណ្ដោលដុំ ក្រុងច្បារមន សមត្ថកិច្ចដកហូតបានឧបករណ៍ប្រើប្រាស់គ្រឿងញៀនមួយចំនួន ចម្លើយ-លទ្ធផលទឹកនោម(+)។
-ថ្ងៃទី២៨ សីហា ២០១៩ វេលាម៉ោង ១៣:៣០នាទី នៅចំណុចភូមិវាល ឃុំរលាំងចក កម្លាំងអធិការដ្ឋាននគរបាលស្រុកសំរោងទង បានបង្ក្រាបមុខសញ្ញាសង្ស័យពាក់ព័ន្ធបានចំនួន ៦នាក់-ឈ្មោះ សេង វ៉ាន់ដា ប្រុស អាយុ ៣០ឆ្នាំ-ឈ្មោះ ឆក ដារ៉ា ប្រុស អាយុ ២៨ឆ្នាំ-ឈ្មោះ សួន ប្រឹមប្រិយ៍ ប្រុស អាយុ ២៤ឆ្នាំ-ឈ្មោះ ម៉ន សាវិន ប្រុស អាយុ ១៩ឆ្នាំ-ឈ្មោះ កែវ លី ប្រុស អាយុ ៣៥ឆ្នាំ និងឈ្មោះ ជា គឹមហួរ ប្រុស អាយុ ៣១ឆ្នាំ នៅភូមិវាល,ភូមិអំពិលផ្អែម ឃុំរលាំងចក។ សមត្ថកិច្ចដកហូតម្សៅក្រាមពណ៌សថ្លាសង្ស័យជាគ្រឿងញៀន០២កញ្ចប់,ទូរស័ព្ទដៃ ៤គ្រឿង រួមនឹងឧបករណ៍ប្រើប្រាស់គ្រឿងញៀនមួយចំនួន។
-ថ្ងៃទី២៩ សីហា ២០១៩ វេលាម៉ោង២:០០ រំលងអាធ្រាត នៅចំណុចភូមិច្រក ឃុំព្រៃក្រសាំង កម្លាំងអធិការដ្ឋាននគរបាលស្រុកឧដុង្គ បានបង្ក្រាបមុខសញ្ញាសង្ស័យពាក់ព័ន្ធបានចំនួន ១នាក់ ឈ្មោះ ហ៊ន រ៉ា ប្រុស អាយុ ២៧ឆ្នាំ នៅភូមិព្រៃទទុយ ឃុំយាអង្គ ស្រុកថ្ពង ដកហូតម្សៅក្រាមពណ៌សថ្លាសង្ស័យជាគ្រឿងញៀន ១កញ្ចប់ ។
បច្ចុប្បន្នមុខសញ្ញាសង្ស័យពាក់ព័ន្ធករណី ជួញដូ រក្សាទុក ប្រេីប្រាស់សារធាតុញៀន ក្រោយសាកសួរ ជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្ដកំពង់ស្ពឺ ចាត់ការតាមនីតិវិធីបន្ដ៕ ដោយ ៖ បញ្ញាស័ក្តិ