មនុស្សយ៉ាងហោចណាស់ចំនួន ៥នាក់បានស្លាប់បាត់បង់ជីវិត បន្ទាប់ពីខ្យល់ព្យុះដែលមានឥទ្ធិពលដ៏ខ្លាំងក្លាឈ្មោះ ដូរៀន (Dorian) បានបោកបក់មកលើប្រទេសបាហាម៉ាស (Bahamas)។
ខ្យល់ព្យុះកំពុងតែបន្តវាយប្រហារនៅលើប្រទេសខាងលើ។
ផ្ទះសម្បែងចំនួនជាង ១៣.០០០ខ្នងត្រូវគេព្រួយបារម្ភថារងផលប៉ះពាល់ ឬបំផ្លាញ។ នេះបើតាមការបញ្ជាក់របស់កាកបាទក្រហមអន្តរជាតិ។
នាយករដ្ឋមន្រ្តីប្រទេសបាហាម៉ាស លោក Hubert Minnis បានថ្លែងថា ខ្យល់ព្យុះ Dorian នៅតែមានគ្រោះថ្នាក់ខ្លាំងនៅឡើយ។
ខ្យល់ព្យុះបាហាម៉ាសគឺជាព្យុះដ៏មានឥទ្ធិពលខ្លាំងបំផុតដែលបានវាយប្រហារលើប្រទេសបាហាម៉ាស ហើយវានឹងធ្វើដំណើរដ៏គ្រោះថ្នាក់ទៅកាន់សមុទ្រភាគខាងកើតរបស់អាមេរិច។ នេះបើតាមការព្យាករណ៍។
ព្យុះនេះធ្វើដំណើរក្នុងរយៈចំងាយ ២៤០គីឡូម៉ែត្រក្នុងមួយម៉ោង។ វានឹងនៅតែមានឥទ្ធិពលខ្លាំងដដែលក្នុងអំឡុងរយៈពេល ២ ឬ ៣ថ្ងៃខាងមុខទៀត៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
