ខេត្តស្វាយរៀងៈបុរសជាបុគ្គលិកអគ្គិសនីស្វាយរៀងម្នាក់ បានស្លាប់នៅក្នុងករណីគ្រោះថ្នាក់ចរាចរមួយ ដោយសារជិះម៉ូតូបុកដើមប្រេងខ្យល់។ ហេតុការណ៍នៃគ្រោះថ្នាក់ខាងលើនេះបានកើតឡើងកាលពីវេលាម៉ោង ១៩និង៥០ នាទី យប់ថ្ងៃទី៣ ខែ កញ្ញា ឆ្នាំ ២០១៩ ។
សមត្ថកិច្ចបានឱ្យដឹងថាៈ មានករណីអ្នកបើកបរម៉ូតូបុកដើមប្រេងខ្យល់ស្លាប់ដោយខ្លួនឯងនៅលើផ្លូវលេខ ១១៤ ស្ថិតក្នុងភូមិ ចុងព្រែក សង្កាត់ ស្វាយរៀង ក្រុង ស្វាយរៀង ។
ប្រភពដដែលបានឱ្យដឹងទៀតថាៈ ម៉ូតូជនរងគ្រោះម៉ាកYamaha Filano ពណ៌ ស ពាក់ផ្លាកលេខ ភ្នំពេញ ១GK ១៣៨៧ បើកបរដោយឈ្មោះ ឈូក ចិត្រា ភេទ ប្រុស អាយុ ២៧ ឆ្នាំ មុខរបរ បុគ្គលិក អគ្គិសនី រស់នៅភូមិ ឫស្សីព្រៃ ឃុំ ចំឡង ស្រុក ស្វាយជ្រំ ខេត្ត ស្វាយរៀង មិនពាក់មួកសុវត្ថិភាព បើកបរពីកើតទៅលិច ( អ្នកបើកបរស្លាប់នៅកន្លែងកើតហេតុ ) ម៉ូតូខូចខាតធ្ងន់។
សមត្ថកិច្ចបានឱ្យដឹងទៀតថាៈ បច្ចុប្បន្នម៉ូតូ និង សពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ហើយមូលហេតុ ដោយសារផ្លូវកោង អ្នកបើកបរប្រើប្រាស់ល្បឿនលឿន ៕ដោយ៖ វ៉ៃកូ