ឆ្នាំជូត
រាសីល្អជាមធ្យម។ ថ្ងៃនេះដំណើរជីវិតរបស់លោកអ្នកក្នុងការប្រកបការងារមានការចម្រើនលូតលាស់ទៅមុខជាសន្សឹមៗដូចសព្វមួយដងដែរ ប៉ុន្តែយ៉ាងណាចំពោះស្ត្រីចូរប្រយ័ត្នការកើតជម្លោះវិវាទព្រោះតែជឿសម្តីក្រុមមនស្សអុជអាលឱ្យក្តៅក្រហាយក្នុងរឿងអ្វីមួយបន្តិច។អ្នកប្រកបរបររកស៊ីជួញដូរក្នុងថ្ងៃនេះជួបផលលំបាកក្នុងការរកផលចំណូលណាស់ហើយការជួញជិតឆ្ងាយទៀតសោតជួបតែភាពរកាំរកូសយាយី។
រីឯបញ្ហាមនោសញ្ចេតនាស្នេហាកំលោះក្រមុំបើលោកអ្នកចង់ចូលស្តីដណ្តឹងឬចូលនិយាយដល់ចាស់ទុំតែងជោគជ័យដូចគាប់បំណងផង៕
ឆ្នាំឆ្លូវ
រាសីខ្ពស់ត្រដែត។ ថ្ងៃនេះដំណើរជីវិតរបស់លោកអ្នកមានភាពភ្លឺថ្លា ហើយបើទោះចាប់កាន់កិច្ចការអ្វីក៏តែងផ្តល់ក្តីចម្រើនលូតលាស់និងហុចផលល្អៗមកវិញច្រើនគួរសម។ទោះបីយ៉ាងណាលោកអ្នកធ្វើអ្វីក៏ដោយតោងតែចងចាំពាក្យចាស់ថាកុំគប្បីមានចិត្តលោភលន់ដោយចង់មានចង់បានមិនប៉ានប្រមាណខ្លួនប្រយ័ត្នកើតជារឿងអាចខាតបង់លាភសក្ការៈវិញពុំខាន។អ្នកប្រកបរបររកស៊ីជួញដូរក្នុងថ្ងៃនេះដែរ ទោះជួញទីជិតឆ្ងាយខ្សត់ខ្សោយក្នុងការរកផលកម្រៃបន្តិច ហើយទាល់តែខិតខំខ្លាំងទើបរកផលកម្រៃគ្រប់គ្រាន់ចិញ្ចឹមគ្រួសារគ្រាន់ធូរទៅរួច។
រីឯបញ្ហាមនោសញ្ចេតនា ស្នេហាប្រុសស្រីមានដំណើរថយក្រោយនិងពាក់មុខយក្សដាក់គ្នាដោយអាចកើតតែជម្លោះវិវាទផង៕
ឆ្នាំខាល
រាសីស្រុតចុះ។ នៅថ្ងៃនេះដោយសារដួងរាសីស្រុតចុះ ហេតុនេះគប្បីមានការប្រយ័ត្នប្រយែងឱ្យបានខ្លាំងក្លាបន្តិចទើបគ្មានបញ្ហាមិនល្អណាមួយចោទឡើង។ចំពោះអ្នកប្រកបរបររកស៊ីជួញដូរមិនថាជួញទីជិតឆ្ងាយតែងអាចហុចផ្លែផ្កាមកវិញគ្រាន់ជាទីកក់ក្តៅតែយ៉ាងណាចូរប្រយ័ត្នក្រុមមនុស្សបាបមិត្តបង្កជម្លោះណាមួយកើតឡើង។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
រីឯមនោសញ្ចេតនាស្នេហាកំលោះក្រមុំពិសេសស្ត្រីងាយជួបគ្រោះអាក្រក់ណាស់ដែរចូរចេះប្រយ័ត្នប្រយែងឱ្យបានខ្លាំងក្លាពិសេសមិនត្រូវទុកចិត្តដៃគូភាគីម្ខាងពេកដែរប្រយ័ត្នប៉ះប្រុសព្រានត្រូវបង់កាយបង់ប្រាណហើយត្រូវមកខូចអនាគតភ្លឺស្វាងឥតអំពើ៕
ឆ្នាំថោះ
រាសីល្អជាមធ្យម។ ការប្រកបការងារនៅថ្ងៃនេះឃើញថាមានការជឿនលឿនទៅមុខសន្សឹមៗហើយធ្វើអ្វីក៏តែងមានភាពសុខដុមផង។ការរស់នៅមានភាពសុខដុមនិងក្រុមមនុស្សជួយជ្រោមជ្រែង។ចំពោះអ្នកប្រកបរបររកស៊ីជួញដូរបើចង់បើកហាងថ្មីឬប្តូរមុខរបរថ្មីជាឱកាសប្រពៃមួយដែរព្រោះអាចមានការជឿនលឿនទៅមុខជានិច្ច។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាស្នេហាប្រុសស្រីមានការចេះអត់ឱនឱ្យគ្នានិងផ្អែមល្ហែមដូចសព្វមួយដង៕
ឆ្នាំរោង
រាសីល្អជាមធ្យម។ ក្នុងថ្ងៃនេះលោកអ្នកគប្បីរក្សាភាពស្ងប់ស្ងាត់ ហើយមិនត្រូវអួតអាងឬច្រងេងច្រងាងឡើយពីព្រោះមានតែក្រុមមនុស្សចាំវាយប្រហារដែលលោកអ្នកពិបាកទប់ទល់ណាស់ដែរ។ បើមានបញ្ហាអ្វីកើតឡើងលោកអ្នកត្រូវរក្សាភាពនឹងធឹងហើយយកបញ្ញាជាអាវុធក្នុងការដោះស្រាយទើបអាចឆ្លងគ្រាលំបាកៗឬសត្រូវចំពោះមុខទៅរួច។សម្រាប់អ្នកប្រកបរបររកស៊ីជួញដូរលោកអ្នកជួបប្រទះនូវរឿងរ៉ាវប្រទាំងប្រទើសច្រើនហើយបើចេះធ្វើគធ្វើថ្លង់ខ្លះទើបមានភាពសុខដុមទៅរួច។
រីឯមនោសញ្ចេតនាបញ្ហាស្នេហាកំលោះក្រមុំមានដំណើរថយក្រោយដូចនេះប្រយ័ត្នជម្លោះវិវាទឈានដល់ការបែកបាក់៕
ឆ្នាំម្សាញ់
រាសីខ្ពស់ត្រដែត។ ក្នុងថ្ងៃនេះដោយសារដួងរាសីឡើងខ្ពស់ ដូចនេះបើលោកអ្នកចង់ជួបចរចាឬនិយាយអ្វីមួយដែលជារឿងសំខាន់ជាមួយចៅហ្វាយនាយឬធ្វើអ្វីមួយតែងហុចផលល្អជាងអាក្រក់ជានិច្ច។អ្នកប្រកបរបររកស៊ីជួញដូរមានការចម្រើនលូតលាស់ទៅមុខគួរសម ម្ល៉ោះហើយជាឱកាសល្អក្នុងការបណ្តាក់ទុនឬធ្វើអ្វីមួយព្រោះតែងហុចផ្លែផ្កាគួរជាទីពេញចិត្តអញ្ចឹងដែរ។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាគូស្នេហ៍កំលោះក្រមុំឬពោះម៉ាយមេម៉ាយក្តីបើលោកអ្នកចង់ផ្សំផ្គុំគ្រួសារជាពេលវេលាល្អណាស់៕
ឆ្នាំមមី
រាសីស្រុតចុះ។ ថ្ងៃនេះដោយសារដួងរាសីស្រុតចុះ ហេតុនេះធ្វើឱ្យមានការប្រែប្រួលទាំងអារម្មណ៍និងការងារមួយចំនួនផង។ក្រៅពីនេះមិនផ្តល់ផលល្អសម្រាប់លោកអ្នកសម្រេចចិត្តរឿងសំខាន់នោះដែរហើយបើមានការចាំបាច់ត្រូវមានការប្រយ័ត្នប្រយែងបន្តិចទើបប្រសើរ។សម្រាប់អ្នកប្រកបរបររកស៊ីជួញដូរបើទោះបីលោកអ្នកចេញធ្វើជំនួញទីជិតឆ្ងាយមិនទាស់ខុសអ្វីទេព្រោះថាផ្លែផ្កាដែលទទួលបានក៏មានការរីកលូតលាស់ជាសន្សឹមៗគ្រាន់បំពេញបំពង់ជានិច្ច ។
រីឯមនោសញ្ចេតនាបញ្ហាស្នេហាកំលោះក្រមុំកុំដើរហើរពាសវាលកាលឬប្រព្រឹត្តិស្នេហាភ្លើតភ្លើនប្រយ័ត្នជួបរឿងស៊យកើតរឿងធំគ្មាននរណាជួយស្រោចស្រង់រួច៕
ឆ្នាំមមែ
រាសីល្អជាមធ្យម។ នៅថ្ងៃនេះដំណើរជីវិតរបស់លោកអ្នកគាប់ប្រសើរគួរសម ហើយបើទោះបីធ្វើអ្វីក៏តែងមានការចម្រើនលូតលាស់សន្សឹមៗទៅមុខជានិច្ច។ការរស់នៅថ្ងៃនេះមិនមានអ្វីប្រទាំងប្រទើសគួរកត់សម្គាល់ទេហើយបើមានការប្រយ័ត្នប្រយែងនោះដំណើរជីវិតមានភាពរលូនល្អដូចសព្វមួយដង។អ្នកប្រកបរបររកស៊ីជួញដូរ បើចង់សាកល្បងជួញឆ្ងាយក៏តែងផ្តល់ផលល្អៗមកវិញផងដែរ។
រីឯមនោសញ្ចេតនាបញ្ហាស្នេហាកំលោះក្រមុំមានការជឿនលឿនទៅមុខនិងមានភាពស្រស់ស្រាយប្រពៃ៕
ឆ្នាំវក
រាសីខ្ពស់ត្រដែត។ នៅថ្ងៃនេះការប្រកបការងារមានភាពរលូនល្អ ហើយធ្វើអ្វីក៏តែងជឿនលឿនទៅមុខគ្រាន់ជាទីកក់ក្តៅផងដែរ។អ្នកប្រកបរបររកស៊ីជួញដូរពេលនេះប្រៀបដូចបានជា”ភ្លៀងធ្លាក់មួយមេមេឃស្រទ្បះ”ព្រោះអាចកំចាត់រាល់ឧបទ្រពចង្រៃទាំពួងឱ្យវិនាសជាអហោសិកម្មអស់ ហើយលោកអ្នកអាចប្រកបមុខរបរពេញដៃពេញជើងទ្បើងវិញ។
រីឯមនោសញ្ចេតនាសម្ព័ន្ធស្នេហាប្រុសស្រីមានការជឿនលឿនទៅមុខនិងកំពុងមានភាពស្រស់ស្រាយប្រពៃណាស់៕
ឆ្នាំរកា
រាសីខ្ពស់ត្រដែត។ នៅថ្ងៃនេះការប្រកបការងារអ្វីមួយឃើញថាមានភាពរលូនល្អ ហើយធ្វើអ្វីក៏តែងឈានទៅមុខគ្រាន់កក់ក្តៅផងដែរ។អ្នកប្រកបរបររកស៊ីជួញដូរវិញមានភាពលូតលាស់គួរសម ហើយបើមានការជួញទីជិតឆ្ងាយទៀ់តសោតក៏អាចប្រមូលភោគផលចូលផ្ទះវិញយ៉ាងស្រួលចិត្តដែរ។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាស្នេហាកំលោះក្រមុំមានការនឹករលឹកនិងប្រាស្រ័យទាក់ទងគ្នាល្អណាស់៕
ឆ្នាំច
រាសីល្អជាមធ្យម។ នៅថ្ងៃនេះឃើញថាដំណើរជីវិតមានបញ្ហារកាំចិត្តខ្លះចូលយាយី ពិសេសលោកអ្នកឱ្យប្រយ័ត្នសត្រូវក្បែរខ្លួនគេអាចបង្កបញ្ហាអ្វីមួយនាំឱ្យពិបាកក្នុងការទប់ទល់ផងដែរ។ក្រៅពីនេះលោកអ្នកបើទោះបីធ្វើអ្វីក៏ដោយគប្បីចាត់ចែងការងារចាស់ឱ្យរួចរាល់ ហើយទើ់បប្រសើរពីព្រោះផលល្អតែងហុចមកវិញជានិច្ច។សម្រាប់អ្នកប្រកបរបររកស៊ីជួញដូរទោះជួបភាពរកាំរកូសច្រើនបន្តិចក្តីតែយ៉ាងណាផលចំណូលមានហូរចូលមួយៗគ្រាន់ចិញ្ចឹមឆ្នាំងបាយអញ្ចឹងដែរ។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ ។
រីឯមនោសញ្ចេតនាបញ្ហាស្នេហាប្រុសស្រីបើមានការជ្រើសរើសគូស្រករចូរចេះពិនិត្យពិច័យបន្តិចព្រោះច្រើនជួបគូកម្មច្រើនជាងគូព្រេងណាស់៕
ឆ្នាំកុរ
រាសីស្រុតចុះ។ នៅថ្ងៃនេះដួងរាសីស្រុតចុះ ហេតុនេះការធ្វើអ្វីមួយមិនប្រមាថឃើញថា ក៏មិនជួបនូវបញ្ហាចោទឡើងដែរ ។ ការរស់នៅទាំងស្ត្រីបុរសឱ្យប្រយ័ត្នជម្លោះវិវាទមួយហើយមួយទៀតដែលជះឥទ្ធិពលអាក្រក់នៅគ្រាខាងមុខ។ចំណែកអ្នកប្រកបរបររកស៊ីជួញដូរការរកផលចំណូលជួបបញ្ហាលំបាកហើយបើចង់បោះទុនធំក៏មិនផ្តល់ផលដូចជាទីគាប់ចិត្តដែរ។
រីឯមនោសញ្ចេតនាបញ្ហាស្នេហាកំលោះក្រមុំកុំឃើញតែកំហុសភាគីម្ខាងទៀតត្រូវចេះមើលកំហុសខ្លួនឯងឱ្យបានច្រើនជាងនេះទើបប្រសើរ៕
