ភ្នំពេញ ៖ ទាក់ទងទៅនឹងករណីជម្លោះរវាងលោក ចាន់ ពៅ អធិការរង និងលោក លី រ៉ូហ្សាត នាយផ្នែកសណ្តាប់ធ្នាប់ នៃអធិការដ្ឋាននគរបាលខណ្ឌឬស្សីកែវ។ បើតាមសេចក្តីបំភ្លឺរបស់ស្នងការដ្ឋាននគរបាលរាជធានីភ្នំពេញ លោក ចាន់ ពៅ អធិការរងខណ្ឌឬស្សីកែវ ត្រូវបានផ្អាកពីការងារជាបណ្តោះអាសន្ន។
ស្នងការដ្ឋាននគរបាលរាជធានីភ្នំពេញ បានបញ្ជាក់ថា ករណីទំនាស់នេះត្រូវបានធ្វេីការសម្របសម្រួលរវាងភាគីទាំងពីររួចហេីយនៅអធិការដ្ឋាននគរបាលខណ្ឌឬស្សីកែវ ប៉ុន្តែទោះជាយ៉ាងណា ដោយទទួលបានបទបញ្ជាដោយផ្ទាល់ពីលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានណែនាំអោយក្រុមប្រឹក្សាវិន័យ នៃស្នងការដ្ឋាននគរបាលរាជធានីភ្នំពេញ បានធ្វេីការកោះហៅភាគីជម្លោះទាំង២អោយចូលខ្លួនមកស្នងការដ្ឋាននគរបាលរាជធានីភ្នំពេញ ដេីម្បីធ្វេីការពន្យល់បកស្រាយលេីករណីដែលបានកេីតឡេីងនេះ ។
លោក ចាន់ ពៅ អធិការរងខណ្ឌឬស្សីកែវ បានសារភាពថា លោកពិតជាបានផ្ញេីសារសំលេងទៅគំរាមលោកនាយផ្នែកពិតប្រាកដមែន ដោយសារមូលហេតុខឹងខ្លាំងពេក ។ ឆ្លងតាមចម្លេីយសារភាព និងភស្តុតាងជាក់ស្តែង ក្រុមប្រឹក្សាវិន័យនៃស្នងការដ្ឋាននគរបាលរាជធានីភ្នំពេញ បានសម្រេចដាក់វិន័យជាលេីកទីមួយដល់លោកអធិការរងដែលមានកំហុស ដោយការផ្អាកការងារបណ្តោះអាសន្នអោយមកបង្ហាញខ្លួនជាប្រចាំនៅការិយាល័យបុគ្គលិកជារៀងរាល់ម៉ោងការងារ។ ជាជំហ៊ានបន្ទាប់ បេីនៅតែប្រព្រឹត្តិកំហុសទៀត ស្នងការដ្ឋាននគរបាលរាជធានីភ្នំពេញ និងបន្តចាត់ការតាមនិតិវិធីច្បាប់។
រឿងជម្លោះរវាងលោកអធិការរងខណ្ឌឬស្សីកែវនិងលោកនាយផ្នែកចរាចរណ៍ខណ្ឌឬស្សីកែវពាក់ព័ន្ធនឹងករណីបែកខ្សែអាត់សំឡេងត្រូវបានលោកវរសេនីយ៍ទោគល់ យី អធិការខណ្ឌសីកែវបានហៅគូភាគីទាំងពីរមកសាកសួរធ្វើការដោះស្រាយនិងសម្របសម្រួលគ្នាបញ្ចប់នៅអធិការខណ្ឌឬស្សីកែវតែម្ដង។
តាមប្រភពទទួលបានពីលោក ចាន់ ពៅ នៃផ្នែកសេនាធិការខណ្ឌឫស្សីកែវ បានប្រាប់អ្នកសារព័ត៌មានយើងថា ពាក់ព័ន្ធនឹងរឿងករណីជម្លោះរវាងលោកនិងលោកនាយផ្នែកចរាចរណ៍ខណ្ឌឫស្សីកែវ បានកើតឡើងពិតប្រាកដមែន ក៏ប៉ុន្តែជាករណីជម្លោះទាស់ពាក្យសំដីគ្នាទេ រីឯពាក់ព័ន្ធទៅនឹងករណីបែកធ្លាយសំឡេងករណីគំរាមសម្លាប់ ទៅលើលោកនាយផ្នែកនោះ គឺមិនពិតប្រាកដទេ គឺលោកមិនបានគំរាមសម្លាប់ទៅលើលោកនាយផ្នែកចរាចរណ៍ទេដោយឡែកពាក្យសម្ដីជាខ្សែអាត់សំឡេង ដែលបែកធ្លាយចេញមកនេះគឺមិនដឹងជាប្រភពមកពីណាទេ គឺជាសម្លេងដែលយូរណាស់មកហើយត្រូវបានមនុស្សមួយចំនួនយកខ្សែអាត់សំឡេងនេះ មកកាត់តនឹងយករូបភាពចាស់ៗមកធ្វើជាព័ត៌មានដើម្បីផ្សព្វផ្សាយទៅលើរឿងនេះ។
លោកអធិការរងរូបនេះបានបញ្ជាក់ប្រាប់ទៀតថាក្រោយពីកើតជម្លោះនៅថ្ងៃទី 2 យប់ ខែកញ្ញា ឆ្នាំ 2019 នេះត្រូវបានលោកអធិការខណ្ឌឫស្សីកែវបានអញ្ជើញលោកនិងលោកនាយផ្នែកមកធ្វើការដោះស្រាយគ្នាដើម្បីបញ្ចប់រឿងហើយជុំវិញពាក់ព័ន្ធនឹងរឿងខាងលើនេះគឺលោកបានបញ្ជាក់ថាគឺជាករណីយល់ច្រឡំគ្នាទៅវិញទៅមក ដោយលោកទាំងពីរបានព្រមព្រៀងបញ្ចប់រឿងនៅនិងអធិការខណ្ឌនេះតែម្ដង មិនមានការប្ដឹងផ្ដល់ឬក៏មានគំនុំគុំគួនគ្នាទៅមុខទៀតទេ ត្រូវបានបញ្ចប់នៅព្រឹកថ្ងៃទី3 ខែកញ្ញា ឆ្នាំ2019 នេះតែម្ដងហើយលោកក៏បានចាប់ដៃគ្នាជាមួយនឹងលោកនាយផ្នែកធ្វើការងារបន្តទៀតនៅក្នុងមូលដ្ឋាន។ ហើយនាព្រឹកនេះ រូបលោកក៏បានចូលខ្លួនទៅបកស្រាយនៅស្នងការដ្ឋាននគរបាលរាជធានីរួចរាល់ផងដែរ។
ដោយឡែកលោក លី រ៉ូហ្សាត ដែលជានាយផ្នែកចរាចរណ៍ខណ្ឌឬស្សីកែវ គឺលោកបានប្រាប់មកប្រភពនៃព័ត៌មានយើងថា លោកបានបញ្ចប់រឿងនេះនៅត្រឹមខណ្ឌឫស្សីកែវនេះភ្លាមៗ ដោយព្រមព្រៀងគ្នាព្រោះរឿងនេះជាការយល់ច្រឡំរវាងលោក និង លោកអធិការង ដោយក្រោមការសម្របសម្រួលពីលោកអធិការខណ្ឌឬស្សីកែវ ហើយលោកក៏បានបញ្ចប់រឿងត្រឹមនេះ ដោយមិនមានការប្ដឹងផ្ដល់ទៅមុខទៀតទេ នឹងមិនមានគំនុំគុំគួនឡើយ។ លោកបន្តថាបច្ចុប្បន្នក្រោយពីដោះស្រាយគ្នាហើយលោកទាំងពីរក៏បានមកចាប់ដៃគ្នាក្នុងការធ្វើការនៅក្នុងមូលដ្ឋានជាបន្តទៀតដោយគ្មានកាគុំគួនទេ ៕ ដោយ ៖ កូឡាប