ប្រទេសអ៊ីរ៉ងបានប្រកាសកាត់បន្ថយការប្តេជ្ញាចិត្តរបស់ខ្លួនចំពោះកិច្ចព្រមព្រៀងនុយក្លេអ៊ែរឆ្នាំ ២០១៥ ហើយនឹងធ្វើការអភិវឌ្ឍន៍ម៉ាស៊ីនបំបែកធាតុ ដើម្បីបង្កើតការផលិតជាតិអ៊ុយរ៉ាញូម សម្រាប់កម្មវិធីនុយក្លេអ៊ែររបស់ខ្លួន។
ប្រធានាធិបតីអ៊ីរ៉ង លោក Hassan Rouhani បានថ្លែងថា ចាប់ពីថ្ងៃសុក្រស្អែកនេះទៅ ប្រទេសអ៊ីរ៉ងនឹងចាប់ផ្តើមអភិវឌ្ឍន៍ម៉ាស៊ីន ដើម្បីបង្កើតការផលិតសារធាតុអ៊ុយរ៉ាញូម។
កាលពីឆ្នាំមុន អាមេរិចបានដកខ្លួនចេញពីកិច្ចព្រមព្រៀងនុយក្លេអ៊ែរឆ្នាំ ២០១៥ និងបានធ្វើការដាក់ទណ្ឌកម្មលើអ៊ីរ៉ង។
ជាការឆ្លើយតបនឹងទណ្ឌកម្មរបស់អាមេរិច អ៊ីរ៉ងបានបោះបង់ចោលការប្តេជ្ញាចិត្តចំនួន ២ចំណុចក្នុងខែកក្កដាកន្លងទៅ ហើយអ៊ីរ៉ងបានរំលោភកិច្ចព្រមព្រៀងដោយបានផលិតជាតិអ៊ុយរ៉ាញូមលើកម្រិត។
អ៊ីរ៉ង បានអះអាងម្តងហើយម្តងទៀតថា កម្មវិធីនុយក្លេអ៊ែររបស់ខ្លួន គឺមានគោលបំណងសម្រាប់សន្តិភាពប៉ុណ្ណោះ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
