កំពង់ឆ្នាំង៖ ស្នងការដ្ឋាននគរបាលខេត្តកំពង់ឆ្នាំង បានឲ្យដឹងថា ក្រុមសមត្ថកិច្ចនគរបាលចម្រុះ នៃស្នងការដ្ឋានខេត្តកំពង់ឆ្នាំង បានចុះរឹតបន្តឹងច្បាប់ស្ដីពីចរាចរណ៍ផ្លូវគោក ដោយបានឃាត់រថយន្ដភីកអាប់ចំនួន ១៨គ្រឿង និងរថយន្តធំចំនួន ២គ្រឿង ដែលដឹកទំនិញសំពីងសំពោងនាំចូលមកពីថៃ នៅលើដងផ្លូវជាតិលេខ៥ ត្រង់ចំណុចចន្លោះគីឡូម៉ែត្រលេខ (៤៣-៤៤) ស្ថិតនៅក្នុងស្រុកសាមគ្គីមានជ័យ ខេត្តកំពង់ឆ្នាំង នៅថ្ងៃទី៦ ខែកញ្ញា ឆ្នាំ២០១៩។
ស្នងការដ្ឋាននគរបាលខេត្តកំពង់ឆ្នាំង បានឲ្យដឹងទៀតថា រថយន្តទាំងនោះ ត្រូវបានធ្វើការផាកពិន័យ និងរុះរើទំនិញចេញនៅនឹងគោលដៅត្រួតពិនិត្យ៕ដោយ៖កូឡាប
