ភ្នំពេញ៖មានករណីគរោះថ្នាក់ចរាចរបន្តិចបន្តួចរវាងម៉ូតូនិងម៉ូតូ ដោយភាគីម្ខាងបានប្រើអំពើហឹង្សាដោយដកអាវុធខ្លីពីចង្កេះ មកវាយទៅលើភាគីម្ខាងទៀតដែលជាគូទំនាស់ បណ្ដាលឲ្យបែកក្បាលរងរបួសយ៉ាងដំណំ។
ករណីនេះបានកើតឡើងកាលពីម៉ោងទៀបភ្លឺថ្ងៃទី៧ ខែកញ្ញា ឆ្នាំ២០១៩ នេះស្ថិតនៅលើកំណាត់មហាវិថីព្រះនរោត្តម ក្នុងមូលដ្ឋានសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
បើយោងតាមព័ត៌មានពីនារីដែលជាមិត្តស្រី របស់បុរសរងគ្រោះបានននិយាយរៀបរាប់ថា នៅមុនពេលកើតហេតុ ខាងលើនោះពួកគាត់ទាំង២នាក់ទើបតែចេញពីកន្លែងហូបបាយ និង ហើយបានជិះម៉ូតូត្រឡប់ទៅផ្ទះវិញ ។លុះពេលជិះម៉ូតូឌុបគ្នាមកដល់ចំណុចកើតហេតុខាងលើនោះ ស្រាប់តែមិត្តប្រុសរបស់ខ្លួន បានបើកម៉ូតូមួយគ្រឿងម៉ាក HONDA PCX ពណ៌ស ពាក់ស្លាកលេខភ្នំពេញ 1GQ-2449 រាងស្រវឹងស្រឿងៗផងនោះក៏ជ្រុល ចង្កូតម៉ូតូទៅបុកម៉ូតូមួយគ្រឿងម៉ាក HONDA DREAM ពណ៌ខ្មៅពាក់ស្លាកលេខ ភ្នំពេញ1FR-1386 បើកបរដោយបុរសម្នាក់ បណ្ដាលឲ្យដួលទៅនឹងថ្នល់។ ពេលនោះដែរបុរសដែលជាម្ចាស់ម៉ូតូ HONDA DREAM គាត់បានងើបមកវាយតប់មកលើបុរសដែលជាម្ចាស់ម៉ូតូ HONDA PCX ជាច្រើនដៃ និងបានដកកាំភ្លើងខ្លី មកវាយចំក្បាលធ្វើឲ្យរងរបួសយ៉ាងដំណំក៏ត្រូវបានរថយន្តសង្រ្គោះបន្ទាន់ ដឹកយកទៅមន្ទីរពេទ្យផងដែរ។
ពេលនោះក្រុមសមត្ថកិច្ចប៉ូលិសមូលដ្ឋាន ក៏បានដឹកជនៃដល់ទៅកាន់អធិការដ្ឋានខណ្ឌចំការមន ដើម្បីធ្វើការសាកសួរនាំបន្ត៕ដោយ៖កូឡាប