កំពង់ឆ្នាំង ៖ កម្មករ៣នាក់ ជាអ្នកស៊ីឈ្នួលបើកត្រាក់ទ័រឈួសដីព្រៃរបស់រដ្ឋតាមបញ្ជាម្ចាស់គ្រឿងចក្រ និងម្ចាស់ដី បែរជាត្រូវសមត្ថកិច្ចជំនាញបញ្ជូនសំណុំរឿង មកតុលាការ ហើយតុលាការ បានចេញដីកាឃុំខ្លួនដាក់ពន្ធនាគារ ។
លោកសក្តិ៥ នគរបាលខេត្តកំពង់ឆ្នាំង ជិន សុផាត បានប្រាប់សារព័ត៌មានក្នុងស្រុកមួយ នៅព្រឹកថ្ងៃទី៨ ខែកញ្ញា ឆ្នាំ២០១៩នេះ បានឲ្យដឹងថា កម្មករ៣នាក់ ជាអ្នកស៊ីឈ្នួលបើកត្រាក់ទ័រឈួសដីព្រៃរបស់រដ្ឋតាមបញ្ជាម្ចាស់គ្រឿងចក្រ និងម្ចាស់ដី បែរជាត្រូវសមត្ថកិច្ចជំនាញបញ្ជូនសំណុំរឿង មកតុលាការ ប៉ុន្តែម្ចាស់ត្រាក់ទ័រ ឈ្មោះ យ៉ង់ វង ដែលសមត្ថកិច្ចចម្រុះចាប់បានជាក់ស្តែង ហើយបញ្ជូនមកមន្ត្រីជំនាញ រដ្ឋបាលព្រៃឈើរមាស ស្រុកទឹកផុស ខេត្តកំពង់ឆ្នាំង និងដែលមន្ត្រីជំនាញបណ្តែតបណ្តោយឲ្យរត់គេចខ្លួនបាត់ និងមន្ត្រីជំនាញដែលឃុបឃិត បើកដៃឲ្យគេរត់រួច បែរជាគ្មានបញ្ហាទៅវិញ ។
សូមបញ្ជាក់ថា មន្ទីរកសិកម្ម រុកប្រមាញ់ និងនេសាទខេត្តកំពង់ឆ្នាំង បានឲ្យដឹងថា នៅថ្ងៃទី៦ ខែកញ្ញា ឆ្នាំ២០១៨ ចុះប្រតិបត្តិការត្រួតពិនិត្យបទល្មើសឈូសឆាយដីព្រៃឈើ នៅចំណុចអូក្រម៉េសាន ខណ្ឌរដ្ឋបាលព្រៃឈើខេត្តកំពង់ឆ្នាំង និងសមត្ថកិច្ចពាក់ព័ន្ធ ប្រទះឃើញសកម្មភាពឈូសឆាយដីព្រៃឈើ នៅចំណុចអូក្រមសាន ស្ថិតនៅ ភូមិកោះកណ្តាល ឃុំដៀប ស្រុកទឹកផុស ខេត្តកំពង់ឆ្នាំង ។ ភ្លាមៗក្រុមការងារចុះប្រតិបត្តិការត្រួតពិនិត្យបទល្មើសឈូសឆាយដីព្រៃឈើ បានឃាត់វត្ថុតាង ត្រាក់ទ័រកង់កៅស៊ូចំនួន៣គ្រឿង បន្តចាត់ការ
តាមនីតិវិធីច្បាប់។
គួរបញ្ជាក់ថា ប្រតិបត្តិការខាងលើធ្វើឡើងដោយមានកិច្ចសហការ រវាង ខណ្ឌរដ្ឋបាលព្រៃឈើខេត្តកំពង់ឆ្នាំង
និងសង្កាត់រដ្ឋបាលព្រៃឈើខ្សែគ្រប់វីស នគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគបាលស្រុក
ទឹកផុស និងនគរបាលឃុំជ័យ ៕ ដោយ ៖ បញ្ញាស័ក្តិ
