មហាសេដ្ឋីអនឡាញ លោក Jack Ma នៅថ្ងៃអង្គារនេះ បានប្រកាសលាលែងជាផ្លូវការពីដំណែងប្រធានប្រតិបត្តិរបស់ក្រុមហ៊ុន Alibaba។
ការប្រកាសចូលនិវត្តន៍របស់ស្ថាបនិកខាងលើ បានប្រារព្ធធ្វើឡើងនៅទីស្នាក់ការធំរបស់ក្រុមហ៊ុន ស្ថិតក្នុងទីក្រុង Hangzhou។
សូមបញ្ជាក់ថា លោក Jack Ma វ័យ ៥៥ បានប្រកាសលាលែងក្រោយពេលគ្រប់គ្រងក្រុមហ៊ុនអនឡាញយក្សនេះអស់រយៈពេល ២០ឆ្នាំ។ ក្រុមហ៊ុន Alibaba ត្រូវបានបង្កើតឡើងដំបូងនៅថ្ងៃទី ៤ខែមេសា ឆ្នាំ ១៩៩៩។
Alibaba ក្រុមហ៊ុនលក់ទំនិញបោះដុំអនឡាយគ្រប់ប្រភេទ មានប្រាក់ចំណូលចំនួន ៥៦ពាន់លានដុល្លារ ក្នុងឆ្នាំ ២០១៩នេះ និងមានបុគ្គលិកទាំងអស់ចំនួន ១០១.៩៥៨នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN
