ប្រធានាធិបតីអាមេរិច ដូណាល់ ត្រាំ បានប្រកាសថា គាត់បានបណ្តេញលោក John Bolton ចេញពីដំណែងទីប្រឹក្សាសន្តិសុខជាតិ ដោយសារតែលោកនិយាយមិនចុះសម្រុងគ្នាយ៉ាងខ្លាំងជាមួយគាត់។
លោកត្រាំ បានថ្លែងក្នុងបណ្តាញសង្គម Twitter ដូច្នេះថា “ខ្ញុំបានសុំឲ្យលោក John លានលែង”។ លោកត្រាំបន្ថែមថា លោកនឹងតែងតាំងអ្នកថ្មីនៅសប្តាហ៍ក្រោយ។
លោក John Bolton បាននិយាយថា គាត់បានឈប់ ហើយគាត់នឹងនិយាយពីវានៅថ្ងៃខាងមុខ។
លោកបានជំទាស់ជាមួយនឹងលោកដូណាល់ ត្រាំ លើបញ្ហាគោលនយោបាយបរទេសរបស់អាមេរិចជាច្រើន ដូចជាបញ្ហានៅអ៊ីរ៉ាក់ និងអាហ្គានីស្ថាន។
សូមបញ្ជាក់ថា លោក Bolton បានកាន់ដំណែងជាទីប្រឹក្សាសន្តិសុខជាតិតាំងពីខែមេសា ឆ្នាំ ២០១៨មក ហើយលោកគឺជាមនុស្សទី ៣របស់លោកត្រាំ ដែលកាន់ដំណែងនេះ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC