ខេត្តស្វាយរៀង៖ ជនសង្ស័យចំនួន៣នាក់កាលពីវេលាម៉ោង 16 និង 20នាទីល្ងាចថ្ងៃ 10 ខែកញ្ញា ឆ្នាំ 2019 ត្រូវបានកម្លាំងការិយាល័យប្រឆាំងគ្រឿងញៀនសហការ ជាមួយកម្លាំងអធិការដ្ឋាននគរបាលស្រុកស្វាយទាប ប៉ុស្តិ៍នគរបាលរដ្ឋបាលឃុំកណ្ដៀងរាយ បានធ្វើការឃាត់ខ្លួននៅចំណុចភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្តស្វាយរៀង មុខសញ្ញាជួញដូរគ្រឿងញៀន នាំយកមកធ្វើការសាកសួរ និងធ្វើតេស្តទឹកម៉ូត្រ ស្វែងរកសាធាតុមានលទ្ធផលវិជ្ជមាន (+)ជាមេតំហ្វេតាមីនប្រភេទម៉ាទឹកកក ។
យោងតាមសមត្ថកិច្ចបានឲ្យដឹងថា ៖ជនសង្ស័យដែលសមត្ថកិច្ចឃាត់ខ្លួនទាំង 3 នាក់រួមមាន ១-ឈ្មោះ ចាន់ប្រុស ភេទប្រុស អាយុ 21 ឆ្នាំ មុខរបរទីលំនៅភូមិដើមពោធិ៍ ឃុំកណ្ដៀងរាយ ស្រុកស្វាយទាប ។ ២-ឈ្មោះ ជូ ភក្តី ភេទប្រុស អាយុ22 ឆ្នាំ មុខរបរទីលំនៅភូមិបុស្ស ឃុំស្វាយតាយាន ស្រុកកំពង់រោទិ៍ ។ ៣-ឈ្មោះ សុខ បូណា ភេទ ប្រុស អាយុ 31ឆ្នាំមុខ របរទីលំ នៅភូមិបុស្ស ឃុំស្វាយតាយាន ស្រុកកំពង់រោទិ៍ ។
សមត្ថកិច្ចបានបន្តទៀតថា៖ ក្នុងការឃាត់ខ្លួនជនសង្ស័យនោះ សមត្ថកិច្ចយើងដកហូតសម្ភារៈ និងវត្ថុតាងរួមមាន ថ្នាំញៀនមេតំហ្វេតាមីនចំនួន ៨ កញ្ចប់ (ធំ៣) ទូរស័ព្ទ 4គ្រឿង ម៉ូតូ ១ គ្រឿង សម្ភារៈប្រើប្រាស់មួយចំនួន។
បច្ចុប្បន្នករណីខាងលើសមត្ថកិច្ចជំនាញ កំពុងធ្វើការសាកសួរ និងកសាងសំណុំរឿងតាមនីតិវិធីច្បាប់ ៕ដោយ៖វ៉ៃកូ