ភ្នំពេញ៖ អង្គប្រជុំពេញអង្គគណៈរដ្ឋមន្ត្រី ក្រោមអធិបតីភាព សម្ដេចតេជោនាយករដ្ឋមន្ត្រីកាលពីថ្ងៃទី 11 ខែកញ្ញាឆ្នាំ 2019 បានបានសម្រេចចេញនូវសារជាច្រើន។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានលើកឡើងថា៖
រាជរដ្ឋាភិបាលបានសម្រេចបញ្ចេញអរចំនួន១.០០០តោន និងថវិកាចំនួន២.០០០លានរៀល ជូនដល់គុណៈគម្មាធិការជាតិគ្រប់គ្រងគ្រោះមហន្តរាយ ដើម្បីត្រៀមជួយសង្គ្រោះដល់ប្រជាពលរដ្ឋនៅតាមបណ្តាខេត្ត ទាំងឡាយដែលប្រឈមនឹងគ្រោះទឹកជំនន់ៗ គណៈកម្មាធិការជាតិគ្រប់គ្រងគ្រោះមហន្តរាយត្រូវសហការជាមួយកាកបាទក្រហមកម្ពុជា ក្នុងការនាំយកអង្ករនិងសម្ភារៈប្រើប្រាស់ផ្សេងៗ ដើម្បីចែកជូនប្រជាពលរដ្ឋដែលរងគ្រោះដោយទឹកជំនន់។
រាជរដ្ឋាភិបាលបានណែនាំដល់ក្រសួងស្ថាប័ន និងរដ្ឋបាលដែនដីគ្រប់លំដាប់ថ្នាក់នៃបណ្តាខេត្តនានាដែលស្ថិតតាមដងទន្លេ ពិសេសខេត្តស្ទឹងត្រែង ក្រចេះ និងកំពង់ចាម ដែលកម្ពស់ទឹកកំពុងលើសកម្រិតប្រកាសអាសន្ន ព្រមទាំងទឹកជំនន់ដោយទឹកភ្លៀងនៅខេត្តព្រះវិហារ និងខេត្តកំពង់ធំ ត្រូវបង្កើនការប្រយ័ត្នខ្ពស់ចំពោះបញ្ហាការបាក់ច្រាំង ខ្យល់កន្ត្រាក់ និងហានិភ័យនានាដែលអាចនឹងកើតឡើង ហើយត្រូវត្រៀមជម្លៀសប្រជាពលរដ្ឋឱ្យបានទាន់វេលាទៅកាន់ទីទួលមានសុវត្ថិភាព និងត្រូវយកចិត្តទុកដាន់ខ្ពប់លើបញ្ហាអនាម័យ ទឹកស្អាត និងសត្វអសិរពិស ក្នុងរដូវកាលទឹកជំនន់។
រាជរដ្ឋាភិបាលបានណែនាំដល់ក្រសួងស្ថាប័ន និងរដ្ឋបាលដែនដីគ្រប់លំដាប់ថ្នាក់គឺសហការគ្នាផ្តល់ស្រូវពូជជូនដល់ប្រជាកសិករនៅតាមបណ្តាខេត្តនានា ដែលបានដាំដុះស្រូវវស្សាហើយទទួលរងការខូចខាតដោយគ្រោះទឹកជំនន់។
ចំណូលដែលបានមកពីវិស័យប្រេង នឹងត្រូវប្រើប្រាស់សម្រាប់តែការកសាងហេដ្ឋារចនាសម្ព័ន្ធរូបវន្តដើម្បីអភិវឌ្ឍជាតិតែប៉ុណ្ណោះ ដោយមិនត្រូវយកមកប្រើសម្រាប់ចំណាយចរន្តនោះឡើយ ។
សម្តេច បានបន្តថា ក្រសួងសាធារណការនិងដឹកជញ្ជូន បាននឹងកំពុងសហការយ៉ាងសកម្មជាមួយរដ្ឋបាលដែនដី ក្នុងប្រតិបត្តិការទាញយកចេញសាឡង់ដឹកខ្សាច់មួយគ្រឿងដែលបានបើកបុកសសរស្ពានព្រែកតាមាក់ កាលពីថ្ងៃអាទិត្យទី ៨ ខែកញ្ញា ឆ្នាំ២០១៩ ដើម្បីជៀសវាងផលប៉ះពាល់ដល់ស្ពាន ក៏ដូចជាសុវត្ថិភាពនៃការធ្វើ
ដំណើររបស់ប្រជាពលរដ្ឋ ។
ក្នុងឱកាសបុណ្យភ្ជុំបិណ្ឌ ឆ្នាំកុរ ព.ស.២៥៦៣ នេះ រាជរដ្ឋាភិបាលបានសម្រេចបើកប្រាក់បៀវត្សសម្រាប់ខ្មែកញ្ញាសរុបតែមួយលើក ព្រមទាំងផ្តល់ប្រាក់ឧបត្ថម្ភចំនួន៥ម៉ឺនរៀលក្នុងម្នាក់ ជូនដល់មន្ត្រីរាជការកងកម្លាំងប្រដាប់អាវុធ មន្ត្រីជាប់កិច្ចសន្យា បុគ្គលិកអណ្តែត និងមន្ត្រីចូលនិវត្តន៍ ក្នុងសប្តាហ៍ទីពីរនៃខែកញ្ញា។
សម្តេចតេជោ បានថ្លែងថា រាជរដ្ឋាភិបាលតាមរយៈសាលារាជធានីភ្នំពេញ បានសម្រេចបញ្ចេញរថយន្តក្រុងសាធារណៈរបស់សាលារាជធានីភ្នំពេញ ចំនួន១២០គ្រឿង ក្នុងយៈពេល៥(ប្រាំ)ថ្ងៃ ចាប់ពីថ្ងៃទី ២៦ ដល់ថ្ងៃទី៣០ ខែកញ្ញា ឆ្នាំ២០១៥ ដើម្បីដឹកជញ្ជូនប្រជាពលរដ្ឋធ្វើដំណើរពីរាជធានីភ្នំពេញទៅស្រុកកំណើតតាមបណ្តាខេត្តនានា ដើម្បីជួបជុំបងប្អូន ក្រុមគ្រួសារ ក្នុងឱកាសបុណ្យភ្ជុំបិណ្ឌ ដោយមិនគិតកម្រៃសេវា ។
រាជរដ្ឋាភិបាល បានសម្រេចឱ្យរដ្ឋាករស្វយ័តដឹកជញ្ជូនសាធារណៈរថយន្តក្រុង រាជធានីភ្នំពេញបន្តផ្តល់សេវាដឹកជញ្ជូនតាមរថយន្តក្រុង (City Bus) និងកាណូតសាធារណៈ (Taxi Boat) ដោយឥតគិតថ្លៃរយៈពេល២ឆ្នាំបន្ថែមទៀត ចាប់ពីថ្ងៃទី១ ខែកញ្ញា ឆ្នាំ២០១៩ ដល់ថ្ងៃទី១ ខែកញ្ញា ឆ្នាំ២០២១ ជូនដល់ព្រះសង្ឃចាស់ជរា ជនពិការ កុមារ សិស្ស និស្សិត កីឡាករ និងកម្មករ កម្មការិនី ។
សម្តេចបញ្ជាក់ថា រាជរដ្ឋាភិបាលបានត្រៀម iPad ចំនួន៤៤៣គ្រឿង ដើម្បីប្រគល់ជូនដល់សិស្សានុសិស្សដែល
បានប្រឡងជាប់និទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ នាសម័យប្រឡងថ្ងៃទី១៥ ខែសីហា ឆ្នាំ២០១៥ កន្លងមក៕ដោយ៖កូឡាប
