ជនជាតិអូស្រ្តាលីម្នាក់ ត្រូវបានអាជ្ញាធរថៃប្រទះឃើញស្លាប់ក្នុងអាងហែលទឹកនៃសណ្ឋាគារមួយ ស្ថិតក្នុងស្រុកមូង ខេត្តភូកេត ប្រទេសថៃ។
សាកសពរបស់បុរសអូស្រ្តាលី វ័យ ៤៩ឆ្នាំខាងលើ ត្រូវបានប្រទះឃើញកាលពីម៉ោង ៦ព្រឹកថ្ងៃពុធម្សិលមិញនេះ។ ប៉ូលីសថៃ បញ្ជាក់ថា សពបុរសរូបនោះ មានពាក់ខោខ្លីពណ៌ខ្មៅ និងអាវដៃវែង។
ប៉ូលីសស៊ើបអង្កេតថៃ បានឲ្យដឹងថា បុរសរូបនោះមានភាពមិនប្រក្រតី និងមានជំងឹផ្លូវចិត្ត។ គាត់ប៉ុនប៉ងសម្លាប់ខ្លួនជាច្រើនលើកច្រើនសារមកហើយ។
ប្រព័ន្ធផ្សព្វផ្សាយថៃ បានរាយការណ៍ថា អ្នកទេសចររូបនោះជាអតីតប៉ូលីសអូស្រ្តាលី៕
អត្ថបទប្រែសម្រួលដោយ៖ សុភ័ក្រ
ប្រភព៖ Bangkok post
