ខេត្តតាកែវ៖ជនសង្ស័យជួញដូរនិងប្រើប្រាស់សារធាតុញៀន ដោយខុសច្បាប់៤នាក់ ត្រូវកម្លាំងកងរាជអាវុធហត្ថខេត្តតាកែវ សហការជាមួយកម្លាំងអាវុធហត្ថស្រុកបាទី បង្ក្រាបបានជាមួយនឹងវត្ថុតាងបញ្ជូនឡើងតុលាការ។
ការចុះបង្ក្រាបជនសង្ស័យពាក់ព័ន្ធនិងគ្រឿងញៀននេះ ធ្វើឡើងនៅវេលាម៉ោង១៨ និង៤០នាទី ថ្ងៃទី១១ ខែកញ្ញា ឆ្នាំ២០១៩ ដោយកម្លាំងការិយាល័យជំនាញ កងរាជអាវុធហត្ថខេត្តតាកែវ ដឹកនាំដោយលោក វរសេនីយ៍ត្រី ឈុន សុមេធា សហការជាមួយ កម្លាំងមូលដ្ឋានអាវុធហត្ថស្រុកបាទី នៅចំណុចភូមិសង្កែ ឃុំត្រពាំងសាប ស្រុក បាទី ខេត្តតាកែវ។ ក្នុងការចុះបង្ក្រាបនោះ ជនសង្ស័យ៤នាក់ត្រូវបានចាប់ឃាត់ខ្លួន មាន ១ ឈ្មោះ ណុប ម៉ៅ ភេទស្រី អាយុ៥៩ឆ្នាំ មុខសញ្ញាម្ចាស់ផ្ទះជួញដូរ។ ២ ឈ្មោះ ស៊ឹម សុភក្តិ ភេទប្រុស អាយុ៣៤ឆ្នាំ មុខសញ្ញាជួញដូរ។ ៣ ឈ្មោះ គឹម ធួន ភេទប្រុស អាយុ៣៣ឆ្នាំ មុខសញ្ញាប្រើប្រាស់ ។៤ ឈ្មោះ វ៉ន សុខគឿន ភេទប្រុស អាយុ២០ឆ្នាំ មុខសញ្ញាប្រើប្រាស់។
ដោយឡែកវត្ថុតាងដកហូតបានមាន ម្ស៉ៅក្រាមសថ្លាចំនួន៣២កញ្ចប់ ទម្ងន់២៨,១៥ក្រាម ថ្លឹងទាំងសម្បក ទូរស័ព្ទចំនួន២គ្រឿង និងសម្ភារៈសេពថ្នាំញៀនមួយចំនួនផងដែរ។
បច្ចុប្បន្នជនសង្ស័យទាំង៤នាក់ខាងលើ និងវត្ថុតាង ត្រូវបាននាំមកការិយាល័យជំនាញ កងរាជអាវុធហត្ថខេត្តតាកែវ ដើម្បីកសាងសំណុំរឿងបញ្ជូនឡើងតុលាការ ចាត់ការតាមនីតិវិធី ៕ដោយ៖ តាកែវ