ភ្នំពេញ៖ នៅថ្ងៃទី១២ កញ្ញា ២០១៩ វេលាម៉ោង៧ នគរបាលប៉ុស្តិ៍រដ្ឋបាលគោកឃ្លាង បានធ្វើការឃាត់ខ្លួនជនសង្ស័យ ១នាក់ ករណីប្រទុស្តិ៍កេរ្តិ៍ខ្មាស់ (យកដៃស្ទាប់ប្រដាប់ភេទ) នៅក្នុងបន្ទប់ជួលគ្មានលេខ ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ បង្កឡើងដោយជនសង្ស័យ ១នាក់។
អធិការនគរបាលខណ្ឌសែនសុខ បានឲ្យដឹងថា ជនសង្ស័យ ១នាក់ ឈ្មោះ យឹម ឈុននី ភេទប្រុស អាយុ៣៤ឆ្នាំ ជនជាតិខ្មែរ មុខរបរជាងឈើ ស្នាក់នៅបន្ទប់ជួល ភូមិដីថ្មី សង្កាត់គោកឃ្លាង ខណ្ឌសែនសុខ (គ្មានសារធាតុញៀន) ។
ជនរងគ្រោះ ១នាក់ ឈ្មោះ ម៉ា ឌីរ៉ា ភេទស្រី អាយុ៤៩ឆ្នាំ ជនជាតិខ្មែរ មុខរបរកម្មករកាត់ដេរ ត្រូវជាម្តាយកុមារីរងគ្រោះ ឈ្មោះ ខេង ដានេ ភេទស្រី អាយុ១០ឆ្នាំ ស្នាក់នៅបន្ទប់ជួលគ្មានលេខ ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ។
សម្ភារៈបន្សល់ទុក ៖ សំពត់ខ្លីពណ៌ខ្មៅ ១ , អាវសដៃវែង១ ។
នគរបាលបានប្រាប់ពីដំណើររឿងនេះថា ៖ មុនពេលកើតហេតុថ្ងៃមិនចាំ ខែកក្កដា ឆ្នាំ២០១៩ វេលាម៉ោង១៣ និង០០នាទី ឪពុកម្តាយកុមារីរងគ្រោះ បានទុក ជនរងគ្រោះឲ្យនៅក្នុងបន្ទប់ជួលតែម្នាក់ឯង ដោយមានសភាពស្ងាត់ ជនសង្ស័យមានបន្ទប់ជួលនៅជិតជនរងគ្រោះ បានដើរចូលទៅក្នុងបន្ទប់របស់ជនរងគ្រោះ អង្គុយមើលទូរទស្សន៍ ជិតជនរងគ្រោះ បានឃើញជនរងគ្រោះលេចចេញប្រដាប់ភេទ ហើយជនសង្ស័យមានអារម្មណ៍ ក៏បានលើកជនរងគ្រោះដាក់លើគ្រែពូក យកដៃរបស់ខ្លួនស្ទាប់ប្រដាប់ភេទ ក្មេងស្រីរងគ្រោះ ។ ក្មេងស្រីរងគ្រោះយំ ជនសង្ស័យបានគំរាមជនរងគ្រោះ មិនឲ្យប្រាប់អ្នកណា រួចដើរចេញទៅធ្វើការបាត់ លុះដល់ថ្ងៃទី១១ កញ្ញា ២០១៩ ពេលយប់ ជនរងគ្រោះបាននិយាយប្រាប់ម្តាយរបស់ខ្លួន ថាជនសង្ស័យខាងលើ បានយកដៃស្ទាប់ប្រដាប់ភេទខ្លួន ។ នៅព្រឹកថ្ងៃទី១២ កញ្ញា ២០១៩ វេលាម៉ោង៧ ក្រុមគ្រួសាររបស់ជនរងគ្រោះបានមករាយការណ៍ នៅប៉ុស្តិ៍រដ្ឋបាលគោកឃ្លាង ពីករណីខាងលើ និងបានធ្វើការឃាត់ខ្លួនជនសង្ស័យតែម្តង ។ បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕ ដោយ៖កូឡាប