រាជធានីភ្នំពេញ៖ ថ្ងៃទី ១៣ ខែ កញ្ញ ឆ្នាំ ២០១៩ក្រសួងសុខាភិបាល បានចេញសេចក្តីជូនដំណឹងស្តីពីការហាមឃាត់ ការលក់ ឬចែកចាយឱសថបំប៉នផ្លូវភេទបុរសឈ្មោះ MR THICK គ្មានបញ្ចិកាកំពុងផ្សព្វផ្សាយតាមបណ្តាញសង្គម FACEBOOK គ្មានច្បាប់ពីក្រសួងសុខាភិបាល។
ក្រសួងសុខាភិបាលនៃព្រះរាជាណាចក្រកម្ពុជា សូមជម្រាបជូនដល់សាធារណជន ទាំងអស់ឱ្យបានជ្រាបថា៖ យោងតាមការពិនិត្យឃើញលើបណ្តាញសង្គមហ្វេសប៊ុក (Facebook) រៀងរាល់ថ្ងៃ មានគណនី។
ឈ្មោះ តារា 168 កំពុង ផ្សព្វផ្សាយឱសថបំប៉ន ផ្លូវភេទបុរស ឈ្មោះ MR THICK គ្មានបញ្ជីកា និងគ្មានច្បាប់
ពីក្រសួងសុខាភិបាលឡើយ ព្រមទាំងបានផ្សព្វផ្សាយភូតកុហកបោកប្រាស់ និងបំផ្លើសហួសពីការពិតគ្មាន
មូលដ្ឋានវិទ្យាសាស្ត្រត្រឹមត្រូវដូចជាៈ រឹង វែង រួមភេទបានយូរ និងអាចជួយព្យាបាលជំងឺរលាកតម្រងនោម
លើសឈាម ទឹកនោមផ្អែម គ្រួសក្នុងតម្រងនោម ក្រពះ ពោះវៀន ចុករោយតាមសន្លាក់ដៃជើង។
ក្រសួងសុខាភិបាល សូមជូនដំណឹង ដល់បងប្អូនប្រជាពលរដ្ឋទាំងអស់ ឈប់ជឿការផ្សព្វផ្សាយ
ឃោសនាភូតកុហកបោកប្រាស់ តាមបណ្តាញសង្គមហ្វេសប៊ុក ដោយគ្មានមូលដ្ឋានវិទ្យាសាស្ត្រច្បាស់លាស់របស់
គណនីខាងលើ និងឈប់ប្រើប្រាស់ឱសថបំប៉នផ្លូវភេទបុរសឈ្មោះ MR THICK គ្មានបញ្ឆកានេះបន្តទៀត
ហើយក្រសួងសុខាភិបាល តម្រូវឱ្យម្ចាស់គណនីខាងលើ ត្រូវបញ្ឈប់ការនាំចូល ផ្សព្វផ្សាយ លក់ ឬចែក
ចាយ ឱសថបំប៉នផ្លូវភេទបុរសឈ្មោះ MR. THICK គ្មានបញ្ជីកានេះជាបន្ទាន់ ។
ក្រសួងសុខាភិបាល នឹងមានវិធានការតឹងរ៉ឹង ទៅតាមផ្លូវច្បាប់ចំពោះម្ចាស់គណនី ខាងលើដែលនាំចូល ផ្សព្វផ្សាយ លក់ ឬចែកចាយឱសថបំប៉នផ្លូវភេទបុរសឈ្មោះ NR THICK គ្មានបញ្ជីកា នេះទៅតាមច្បាប់
ស្តីពីការគ្រប់គ្រងឱសថ និងច្បាប់ស្តីពីវិសោធនកម្មច្បាប់ ស្តីពីការគ្រប់គ្រងឱសថជាធរមាន។
ក្នុងករណីបងប្អូន ប្រជាពលរដ្ឋបានជួបប្រទះឃើញ ជនណាកំពុងលក់ ចែកចាយ ឱសថបំប៉នផ្លូវភេទបុរសឈ្មោះ MR. THICK គ្មានបញ្ជីកានេះ សូមបងប្អូនប្រញាប់ផ្តល់ព័ត៌មាន ឬត្រូវការព័ត៌មានបន្ថែមពី នាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង៕ ដោយ៖កូឡាប