ខេត្តព្រះសីហនុ៖ អភិបាល នៃគណៈអភិបាលក្រុងកោះរ៉ុង លោក នួន ប៊ុនថុល បានឲ្យដឹងថា ក្រោយមានប្រតិកម្មពីប្រជាពលរដ្ឋរស់នៅសង្កាត់កោះរ៉ុង ក៏ដូចជាមហាជន នៅតាមបណ្តាញសង្គម អំពីបញ្ញត្តិរបស់ចៅសង្កាត់កោះរ៉ុងសន្លឹម គឺលោក ឈឺន ចន្ថា ដែលហាមមិនឲ្យពលរដ្ឋចិញ្ចឹមសត្វឆ្កែ ក្រោមហេតុផលខ្លាចខាំអ្នកទេសចរណ៍នោះ។
លោក នួន ប៊ុនថុល អភិបាលក្រុងកោះរ៉ុងមានប្រសាសន៍ថា ឥឡូវនេះ លោក ឈឺន ចន្ថា ចៅសង្កាត់កោះរ៉ុងសន្លឹម បានដកបញត្តិនោះវិញចេញវិញហើយ ដោយកែតម្រូវថា ពលរដ្ឋនៅសង្កាត់កោះរ៉ុងសន្លឹម អាចចិញ្ចឹមសត្វឆ្កែបាន ប៉ុន្តែត្រូវចង ឬរក្សាឃុំគ្រងឲ្យបាន កុំឲ្យខាំគេឯង ឬខាំអ្នកទេសចរ។ ហើយថា ក្នុងករណីមានសត្វឆ្កែខាំគេឯង ឬអ្នកទេសចរ ម្ចាស់សត្វឆ្កែចិញ្ចឹមនោះ ត្រូវទទួលខុសត្រូវចំពោះមុខច្បាប់៕ ដោយ៖ ដែន សីមា