ឆ្នាំជូត
រាសីស្រុតចុះ។ នៅថ្ងៃនេះលោកអ្នកធ្វើអ្វីចូរប្រយ័ត្នប្រយែងពីព្រោះថាងាយកើតនូវបញ្ហាមិនល្អចំពោះមុខណាស់។ សម្រាប់ការសម្រេចចិត្តធ្វើអ្វីមួយក៏មិនផ្តល់ផលល្អផងដែរលោកអ្នកគប្បីមានការប្រយ័ត្នប្រយែង។សម្រាប់បើជាអ្នកប្រកបរបររកស៊ីជួញដូរកុំសម្លឹងលាភធំដុំភ្លេចលាភតូចតាចព្រោះចំណូលភាគច្រើនបានតែតូចតាចប៉ុណ្ណោះឯង។
រីឯមនោសញ្ចេតនាបញ្ហាស្នេហាប្រុសស្រីមានភាពផុយស្រួយជម្លោះវិវាទណាស់គប្បីមានការប្រយ័ត្នប្រយែងពាក្យសម្តីទើបប្រពៃបំផុត៕
ឆ្នាំឆ្លូវ
រាសីល្អជាមធ្យម។ ដំណើរជីវិតរបស់លោកអ្នកនៅថ្ងៃនេះមានភាពស្រស់ស្រាយ ហើយបើចង់ទំនាក់ទំនងអ្វីក៏តែងផ្តល់ផលល្អៗមកវិញផង។សម្រាប់អ្នកប្រកបរបររកស៊ីជួញដូរវិញមិនសូវមានការរីកលូតលាស់ទៅមុខទេ ដូចនេះមិនផ្តល់ផលល្អសម្រាប់ការផ្លាស់ប្តូរមុខរបរថ្មីឬបើកធ្វើជំនួញអ្វីថ្មីប៉ុន្មានឡើយ។ការរស់នៅងាយជួបបញ្ហារោគជំងឺណាស់ចូរប្រយ័ត្នរោគចាស់យាយីពិសេសបញ្ហាចំណីចំណុកតែម្តង។
រីឯមនោសញ្ចេតនាបញ្ហាស្នេហាកំលោះក្រមុំមានការថ្នាំងថ្នាក់និងចាប់កំហុសគ្នាមិនតិចឡើយ៕
ឆ្នាំខាល
រាសីខ្ពស់ត្រដែត។ ក្នុងថ្ងៃនេះមានការចម្រើនលូតលាស់ល្អ ហើយធ្វើអ្វីក៏តែងមានភាពសុខដុមគួរសមផង។ក្នុងរង្វង់គ្រួសារកំពុងមានភាពស្រុះស្រួលនិងមានភាពស្រស់ស្រាយ។សម្រាប់អ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខគួរសម ហើយភាពសុខដុមក៏កើតមានច្រើនដែរ។ការធ្វើដំណើរឆ្ងាយជិតបើចង់ពឹងពាក់នរណាម្នាក់តែងសម្រេចសមដូចប្រកប។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំបើលោកអ្នកមានជម្លោះវិវាទពេលនេះជាឱកាសល្អក្នុងការដោះស្រាយបំផុត៕
ឆ្នាំថោះ
រាសីស្រុតចុះ។ នៅថ្ងៃនេះលោកអ្នកធ្វើអ្វីមិនមានភាពភ្លឺថ្លាឬទទួលនូវលទ្ធផលឆ្លើយតបដូចការរំពឹងទុកនោះឡើយ។សម្រាប់អ្នកប្រកបរបររកស៊ីជួញដូរបើទោះបីលោកអ្នកជួញទីជិតឆ្ងាយមិនថាផ្លូវគោកផ្លូវទឹកក្តីតែងហុចភោគផលគ្រាន់ជាទីកក់ក្តៅតែយ៉ាងណាមិនគប្បីយកខ្លួនទៅបៀតល្បែងស៊ីសងឡើយព្រោះនាំកើតឧបទ្រពចង្រៃការលក់ដូរមិនជឿនលឿនទៅមុខ។
រីឯមនោសញ្ចេតនាសេចក្តីស្នេហាកំលោះក្រមុំមានដំណើរថយក្រោយចូរប្រយ័ត្នជម្លោះវិវាទឈានដល់ការបែកបាក់៕
ឆ្នាំរោង
រាសីល្អជាមធ្យម។ នៅថ្ងៃនេះលោកអ្នកអាចជួបនូវស្ថានភាពលំបាកច្រើនពិសេសងាយកើតបញ្ហាទំនាស់ជាមួយអ្នកដទៃថែមទៀត ហេតុនេះគប្បីមានការអត់ធ្មត់និងប្រយ័ត្នប្រយែងពាក្យសម្តីបន្តិចទើបប្រសើរ។អ្នកប្រកបរបររកស៊ីជួញដូរវិញមិនត្រូវយកភាពមោហៈទោសៈដាក់ខ្លួនឡើយប្រយ័ត្នឥតការអ្វីសោះនាំរឿងរាវដាក់ខ្លួនហើយជះឥទ្ធិពលអាក្រក់នៅពេលក្រោយថែមទៀត។
រីឯមនោសញ្ចេតនាសេចក្តីស្នេហាប្រុសស្រីមានការប្រកែប្រកាន់ច្រើនប្រយ័ត្នឈានដល់ការបែកបាក់៕
ឆ្នាំម្សាញ់
រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់លោកអ្នកចាប់ផ្តើមធ្វើអ្វីមួយមិនថាជាកិច្ចការងារ សាងសង់ផ្ទះថ្មី ចេញដំណើរឬធ្វើអ្វីមួយតែងផ្តល់ផលល្អត្រឡប់មកវិញជានិច្ច។ការរស់នៅលោកអ្នកអាចទទួលដំណឹងល្អក្នុងរឿងអ្វីមួយ ហើយបញ្ហាការងារក៏មានការចម្រើនលូតលាស់ទៅមុខក្នុងតួនាទីខ្លួនឯងបំពេញទៀតផង។អ្នកប្រកបរបររកស៊ីជួញដូរទោះជួបភាពស្ងប់ស្ងាត់អតិថិជនបន្តិចពិតមែនតែយ៉ាងណាការប្រកបរបរទីជិតឆ្ងាយជួបសេចក្តីសុខដុមប្រពៃ។ការធ្វើដំណើរជួបសេចក្តីសុខក្សេមក្សាន្តដូចសព្វមួយដង។
រីឯមនោសញ្ចេតនាសេចក្តីស្នេហាប្រុសស្រីមានការលូតលាស់ទៅមុខនិងពេលនេះជាឱកាសល្អក្នុងការផ្សំផ្គុំជាគ្រួសារបំផុត៕
ឆ្នាំមមី
រាសីស្រុតចុះ។ ក្នុងថ្ងៃនេះដួងរាសីរបស់លោកអ្នកមិនសូវល្អប្រសើរទេ ម្ល៉ោះហើយបើកើតមានបញ្ហាអ្វីគប្បីមានការប្រយ័ត្នប្រយែងនិងទប់ទល់ឱ្យបានល្អទើបគ្មានបញ្ហាមិនល្អណាមួយចោទឡើង។ការប្រកបការងារជួបលើកំណាត់ផ្លូវប្រទាំងប្រទើសច្រើនបន្តិច ដូច្នេះទាល់តែលោកអ្នកប្រយ័ត្នប្រយែងទើបពុំមានបញ្ហាអាក្រក់ណាមួយកើតឡើង។ចំពោះអ្នកប្រកបរបររកស៊ីជួញដូរមិនថាទីជិតឆ្ងាយចូរប្រយ័ត្នក្រុមមនុស្សឆបោកយកទ្រព្យសម្បត្តិនិងប្រើល្បិចបោកប្រាស់ដោយប្រការណាមួយ។
រីឯមនោសញ្ចេតនាបញ្ហាប្រុសស្រីដែលមិនទាន់មានគូគាប់កុំឃើញភ្លាមស្រឡាញ់ភ្លែតប្រយ័ត្នជួបរឿងកម្មក្រាសនៅពេលក្រោយ៕
ឆ្នាំមមែ
រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកល្អប្រសើរ ហើយពិសេសនៅមានគំនិតល្អៗសម្រាប់ប្រកបការងារថែមទៀត។ក្រៅពីនេះលោកអ្នកអាចមានដំណឹងល្អក្នុងរឿងការងារឬអ្វីដែលជាក្តីរីករាយបន្តិចបន្តួចចូលមកឱ្យសប្បាយចិត្តផង។អ្នកប្រកបរបររកស៊ីជួញដូរបើចង់បោះទុនតូចធំឬទិញទំនិញស្តុកទុកលក់រយះពេលខ្លីឬវែងតែងហុចផ្លែផ្កាគួរសមជានិច្ច។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
រីឯមនោសញ្ចេតនាសេចក្តីស្នេហាកំលោះក្រមុំមានភាពស្រស់ស្រាយនិងផ្អែមល្ហែមល្អ៕
ឆ្នាំវក
រាសីល្អជាមធ្យម។ នៅថ្ងៃនេះលោកអ្នកមានអារម្មណ៍ភ្លឺថ្លានិងស្រស់ស្រាយប្រពៃហើយការរស់នៅប្រកបទៅដោយភាពសុខដុមគួរសម។អ្នកប្រកបរបររកស៊ីជួញដូរជួបរឿងរកាំចិត្តច្រើនហើយការជួញទីជិតឆ្ងាយចូរប្រយ័ត្នមានជម្លោះវិវាទជាមួយក្រុមមនុស្សនៅក្បែរខ្លួនព្រោះមានភាពផុយស្រួយជម្លោះវិវាទណាស់។ការធ្វើដំណើរទីជិតឆ្ងាយពុំសូវមានសុវត្តិភាពទេពិសេសទៅទិសពាយ័ព្យព្រោះងាយជួបឧប្បតិ្តហេតុយាយី។
រីឯមនោសញ្ចេតនាសេចក្តីស្នេហាកំលោះក្រមុំត្រូវមើលដោយភ្នែកកុំស្តាប់ដោយត្រចៀកប្រយ័ត្នក្រុមមនុស្សញុះញង់នាំកើតជម្លោះប្រកែកដោយប្រការណាមួយឡើង៕
ឆ្នាំរកា
រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកនៅតែល្អប្រសើរដូចនេះបើចង់ចរចាឬទំនាក់ទំនងកិច្ចការងារអ្វីមួយតែងផ្តល់ផ្លែផ្កាមកវិញគ្រានជាទីកក់ក្តៅផងដែរ។អ្នកប្រកបរបររកស៊ីជួញដូរវិញបើចង់បោះទុនតូចធំត្រូវប្រយ័ត្នបន្តិចព្រោះផ្លែផ្កាដែលទទួលបានពុំសូវឆ្លើយតបដូចសេចក្តីប្រាថ្នាទេគឺអាចមានការខកបំណងផង។ការធ្វើដំណើទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាសម្ព័ន្ធស្នេហាប្រុសស្រីក្នុងថ្ងៃនេះមានភាពលូតលាស់ទៅមុខនិងកំពុងស្រុះ
ស្រួលគ្នាប្រពៃ៕
ឆ្នាំច
រាសីស្រុតចុះ។ នៅថ្ងៃនេះបើទោះបីធ្វើអ្វីលោកអ្នកតោងតែងចេះមើលមុខក្រោយនិងប្រយ័ត្នប្រយែងទើបមិនមានបញ្ហាមិនល្អណាមួយឈានចូលកើត។ក្រៅពីនេះឱ្យលោកអ្នកប្រយ័ត្នប្រយែងបញ្ហារោគជំងឺចូលយាយីឬមានឧប្បត្តិហេតុអ្វីមួយកើតឡើងថែមទៀត។សម្រាប់អ្នកប្រកបរបររកស៊ីជួញដូរមានការរកាំចិត្តព្រោះតែការជួញទីជិតឆ្ងាយផលកម្រៃមិនឆ្លើយតបដូចសេចក្តីប្រាថ្នាទេហើយទោះខិតខំប៉ុនណាក៏បានត្រឹមមួយទប់ទល់ដែរ។
រីឯមនោសញ្ចេតនាបញ្ហាស្នេហាប្រុសស្រីមានការប្រទាំងប្រទើសនិងចាប់កំហុសគ្នាច្រើនព្រោះតែភាពប្រចែប្រច័ណ្ឌកំពុងលុកលុយ៕
ឆ្នាំកុរ
រាសីខ្ពស់ត្រដែត។ នៅថ្ងៃនេះលោកអ្នកអាចទទួលដំណឹងល្អឱ្យសប្បាយចិត្តនិងពិសេសកិច្ចការងារក៏ចម្រើនលូតលាស់ទៅមុខថែមទៀត។សម្រាប់អ្នកប្រកបរបររកស៊ីជួញដូរវិញការចេញធ្វើជំនួញមិនថាផ្លូវគោកផ្លូវទឹកផ្លូវអាកាសក្តីតែងមានភាពសុខដុមហើយផលកម្រៃទៀតសោតបានគ្រាន់បំពេញបំពង់អញ្ចឹងដែរ។
រីឯមនោសញ្ចេតនាបញ្ហាសម្ព័ន្ធស្នេហាប្រុសស្រីកុំគប្បីយកភាពប្រកែប្រកាន់ដាក់ខ្លួនច្រើននាំតែកើតរឿងសៅហ្មងចំពោះគ្នាកើតតែរឿងរាវរកាំរកូស៕