កំពង់ស្ពឺ ៖ អធិការដ្ឋាននគរបាលក្រុងច្បារមន កាលពីថ្ងៃទី១៦កញ្ញា បានឲ្យដឹងថា បងធំពិឃាត ចេញពីគុករឿងលួច បង្កើតរបរថ្មីជួញដូរគ្រឿងញៀន ត្រូវបាននគរបាលក្រុងច្បារមនចាប់ខ្លួនតាមដីការ របស់តុលាការ ឆែកឃើញគ្រឿងញៀន២១កញ្ចប់ថែមទៀត។
សូមបញ្ជាក់ថា កាលពីថ្ងៃទី១២ ខែកញ្ញា ឆ្នាំ២០១៩ វេលាម៉ោង៩និង៤៥នាទី កម្លាំងផ្នែកគ្រឿងញៀន សហការជាមួយកម្លាំងប៉ុស្តិ៍ នៃអធិការដ្ឋាននគរបាលក្រុងច្បារមន បានអនុវត្តន៍ដីកាបង្គាប់ឲ្យចាប់ខ្លួន របស់ លោក លាង លីហៀង ចៅក្រម ស៊ើបសួរ អមសាលាដំបូងខេត្តកំពង់ស្ពឺ លេខ:២៤៦ ចុះថ្ងៃ អង្គារ៍ ទី១៣ ខែសីហា ឆ្នាំ២០១៩ ឲ្យចាប់ខ្លួន ឈ្មោះ អុន រាសី ភេទប្រុស អាយុ ២៦ឆ្នាំ មានទីលំនៅភូមិរលាំងសង្កែ សង្កាត់សុព័រទេព ក្រុងច្បារមន ខេត្តកំពង់ស្ពឺ ។
នគរបាលក្រុងច្បារមន បានបញ្ជាក់ថា បងធំខាងលើនេះ ត្រូវចាប់ខ្លួនពីបទ ជួញដូរខុសច្បាប់ នូវសារធាតុញៀន។ ក្នុងកិច្ចប្រតិបត្តិការខាងលើ ដកហូតវត្ថុតាង ម្ស៉ៅក្រាមសថ្លា សង្ស័យគ្រឿងញៀន ២១កញ្ចប់ មធ្យម ១កញ្ចប់ ។
ករណីខាងលើ កំពុងកសាងសំណុំរឿង តាមនីតិវិធី៕ ដោយ៖កូឡាប
