ស្រុកពញាក្រែក: នគរបាលជំនាញ នៃអធិការដ្ឋាននគរបាលស្រុកពញាក្រែក បានធ្វើការចាប់ឃាត់ខ្លួនយុវជនម្នាក់ក្នុងករណី រំលោភសេពន្ថវៈ លើកុមារីរងគ្រោះ កាលពីថ្ងៃទី១៥ ខែកញ្ញា ឆ្នាំ ២០១៩ វេលាម៉ោងប្រហែល១១:០០នាទីនៅចំណុចភូមិ ថ្នល់ថ្មី ឃុំកោងកាង ស្រុកពញាក្រែក ខេត្តត្បូងឃ្មុំ។
នគរបាលជំនាញ បានឲ្យដឹងថា ករណីរំលោភសេពន្ថវៈ លើកុមារីរងគ្រោះ ខណៈពេល កុមារីរងគ្រោះ ឈ្មោះ ទសម ភេទស្រី អាយុ ៩ឆ្នាំ កំពុងនៅផ្ទះម្នាក់ឯង ហើយជនល្មោភកាមរូបនោះ ឃើញមានឱកាសល្អ ជនឈ្មោះ ញ៉ឹប វាស្នា ភេទប្រុស អាយុ ១៨ឆ្នាំ រស់នៅភូមិជាមួយ បានធ្វើសកម្មភាព ចាប់រំលោភកុមារីរងគ្រោះនៅក្នុងបន្ទប់ទឹក។
បច្ចុប្បន្នមុខសញ្ញាខាងលើ សមត្ថកិច្ចបានឃាត់ខ្លួន នៅអធិការដ្ឋាននគរបាលស្រុកពញាក្រែក ដើម្បីកសាង សំណុំរឿង តាមនីតិវិធី៕ដោយ៖កូឡាប