ខេត្តព្រះសីហនុ៖ ភ្ញៀវទេសចរជាតិ-អន្តរជាតិ និងអាជីវករលក់ដូចំណីអាហារ នៅចុងឆ្នេរអូរឈើទាល ឬតាមឆ្នេរអតីតក្រុមហ៊ុនអារីស្តុន នាខេត្តព្រះសីហនុ បានឲ្យដឹងថា នៅម៉ោងជាង ៩យប់ថ្ងៃចន្ទ ទី១៦ ខែកញ្ញា ឆ្នាំ២០១៩នេះ បានប្រះឃើញត្រីដូហ្វីន ធំមួយក្បាលបានស្លាប់ និងរសាត់មកទើនៅលើឆ្នេរខាងលើនេះ។
ពួកគេមិនដឹងថា ត្រីដូហ្វីនមួយក្បាលនោះ ស្លាប់ដោយសារមូលហេតុអ្វីនោះទេ។ ហើយថា ត្រីដូហ្វីននោះ ទំនងជាអាចមានទម្ងន់ប្រមាណជិត ២០០គីឡូក្រាម ដោយបានអណ្តែតក្នុងមកដល់អតីតឆ្នេរអារីស្តុន ឬចុងឆ្នេរអូរឈើទាក ស្ថិតក្នុងសង្កាត់លេខ៤ ក្រុង-ខេត្តព្រះសីហនុ កាលពីយប់មិញនេះ៕ ដោយ៖ ដែន សីមា
