ឆ្នាំជូត
រាសីល្អជាមធ្យម។ ក្នុងថ្ងៃនេះដំណើរជីវិតរបស់លោកអ្នកមានការរីកលូតលាស់សន្សឹមៗហើយមិនអាចធ្វើអ្វីដោយប្រញាប់ប្រញាល់ឬតក់ក្រហល់មិនមើលមុខក្រោយឡើយបើពុំនោះទេនឹងជួបក្តីខកបំណងពុំខាន។ការរស់នៅលោកអ្នកគប្បីមានការប្រយ័ត្នប្រយែងបញ្ហាសុខភាពបន្តិចពីព្រោះងាយកើតបញ្ហាយាយីផង។សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។
រីឯមនោសញ្ចេតនាស្នេហាប្រុសស្រីបើស្គាល់ចិត្តស្គាល់ថ្លើមគ្នាយូរហើយជាឱកាសល្អក្នុងការចូលនិយាយដល់ចាស់ទុំបំផុត៕
ឆ្នាំឆ្លូវ
រាសីស្រុតចុះ។ នៅថ្ងៃបើទោះបីដួងរាសីស្រុតចុះប៉ុន្តែលោកអ្នកនៅតែអាចដំណើរកិច្ចការងារផងដែរគ្រាន់តែមានភាពរអាក់រអួលនិងផលប៉ះពាល់ច្រើនបន្តិចប៉ុណ្ណោះ។ចំណែកអ្នកអាជីវករវិញលោកអ្នកជួបលើបញ្ហាប្រទាំងប្រទើសច្រើនឯផលកម្រៃទៀតសោតក៏ហូរចូលដោយតឹងណាស់។ការធ្វើដំណើរទីជិតឆ្ងាយមិនសូវមានសុវត្តិភាពទេពិសេសឱ្យប្រយ័ត្នទិសឧត្តរតែម្តង។
រីឯមនោសញ្ចេតនាបញ្ហាស្នេហាប្រុសស្រីមានការចាប់កំហុសព្រោះតែភាពប្រចែប្រច័ណ្ឌកំពុងដឹកមុខ៕
ឆ្នាំខាល
រាសីខ្ពស់ត្រដែត។ នៅថ្ងៃនេះឧបទ្រពចង្រៃតូចធំបានចៀសគេចឆ្ងាយធ្វើឱ្យលោកអ្នកមានការសប្បាយចិត្តនិងធូរស្រាលបញ្ហាមួយចំនួនឡើងវិញ។សម្រាប់អ្នកប្រកបរបររកស៊ីជួញដូរមានការទិញចូលលក់ចេញគួរសមហើយទោះជួញទីជិតឆ្ងាយអាចរកផលកម្រៃចូលផ្ទះគ្រាន់ជាទីកក់ក្តៅ។ការធ្វើដំណើរជួបសេចក្តីសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាស្នេហាកំលោះក្រមុំមានការរីកលូតលាស់និងផ្អែមល្ហែមប្រពៃណាស់៕
ឆ្នាំថោះ
រាសីខ្ពស់ត្រដែត។ នៅថ្ងៃនេះលោកអ្នកអាចធ្វើអ្វីមានការជឿនលឿនហួសពីការស្មានទុកទៅទៀត។ អ្នកប្រកបរបររកស៊ីជួញដូរវិញមានការលូតលាស់គួរសម ហើយបើលោកអ្នកចង់បញ្ចេញទំនិញអ្វីមួយមានការព្យាយាមទំនាក់ទំនងតែងសម្រេចជោគជ័យដូចគាប់បំណង។ ទាំងស្ត្រីបុរសក្នុងពេលនេះដែរបើលោកអ្នកមានបញ្ហាអ្វីក្នុងជីវិតត្រូវចេះមានចិត្តត្រជាក់ដោះស្រាយហើយចាំបាច់មិនត្រូវយកកំហឹងទល់កំហល់ឡើយបើពុំនោះទេរឿងខ្លះតូចតាចសោះអាចរីកប្រែជាធំជាក់ជាពុំខាន។
រីឯមនោសញ្ចេតនា គូស្នេហាកំលោះក្រមុំពេលនេះបើលោកអ្នកចង់ធ្វើការជ្រើសរើសគូស្រករតែងជោគជ័យដូចគាប់បំណង៕
ឆ្នាំរោង
រាសីល្អជាមធ្យម។ ថ្ងៃនេះការរស់នៅក៏ដូចជាការប្រកបការងារលោកអ្នកជួបបញ្ហារអាក់រអួលច្រើនពីព្រោះមានក្រុមមនុសុ្សចាំតែមើលកំហុសហើយបង្កបញ្ហានាំឈឺក្បាលច្រើនប៉ុណ្ណោះ។ក្រៅពីនេះលោកអ្នកអាចមានជម្លោះវិវាទជាមួយក្រុមមនុស្សក្បែរខ្លួនឬមនុស្សជាទីស្រឡាញ់របស់ខ្លួនផង។ចំពោះអ្នកប្រកបរបររកស៊ីជួញដូរទោះជួញទីជិតឆ្ងាយត្រូវរត់ទៅរកអតិថិជនហើយត្រូវស្វះស្វែងបន្តិចទើបការរកប្រាក់ចំណូលគ្រាន់ប្រមូលបានដូចសេចក្តីប្រាថ្នាទៅរួច។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំមានការជឿនលឿនទៅមុខតិចតួចណាស់ម្ល៉ោះហើយការកើតជម្លោះវិវាទក៏មានចូលយាយីច្រើនដែរ ៕
ឆ្នាំម្សាញ់
រាសីស្រុតចុះ។ នៅថ្ងៃនេះឱ្យលោកអ្នកប្រយ័ត្នទាំងការងារ បញ្ហាប្រាក់កាស់និងរឿងរាវផ្ទាល់ខ្លួន។សម្រាប់អ្នកប្រកបរបររកស៊ីជួញដូរលោកអ្នកតោងមានការរវៀសរវៃញាប់ដៃញាប់ជើងហើយពិសេសបើមានការប្រកបរបររយះពេលខ្លីៗទើបហុចផ្លែផ្កាគួរជាទីពេញចិត្តមកវិញ។ការធ្វើដំណើរឆ្ងាយជិតពុំសូវមានសុវត្តិភាពប៉ុន្មានទេពិសេសទិសឧត្តរគប្បីមានការប្រយ័ត្នប្រយែងបន្តិច។
រីឯមនោសញ្ចេតនាសម្ព័ន្ធស្នេហាកំលោះក្រមុំកុំគប្បីចង់ទុំមុនស្រគាលប្រយ័ត្នកើតរឿងធំនាគ្រាខាងមុខហើយត្រូវមកដេកសោកស្តាយក្រោយ៕
ឆ្នាំមមី
រាសីខ្ពស់ត្រដែត។ នៅថ្ងៃនេះលោកអ្នកអាចសម្រុកការងារតូចធំបានហើយពិសេសត្រូវចងចាំថាការសម្រុកការងារកាន់តែខ្លាំងជោគជ័យនោះក៏កាន់តែច្រើនដែរ។អ្នកប្រកបរបររកស៊ីជួញដូរមិនថាផ្លូវទឹកផ្លូវគោកឬផ្លូវអាកាសក្តីលោកអ្នកតែងអាចប្រមូលភោគផលត្រឡប់ចូលផ្ទះវិញគួរជាទីកក់ក្តៅ។ការធ្វើដំណើរទីជិតឆ្ងាយមានភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានការស្រុះស្រួលនិងកំពុងមានភាពស្រស់ស្រាយប្រពៃណាស់៕
ឆ្នាំមមែ
រាសីល្អជាមធ្យម។ នៅថ្ងៃនេះឃើញថាលោកអ្នកមិនជួបផលអាក្រក់ណាមួយចូលមកអុកឡុកយាយីបង្កជាបញ្ហាអ្វីច្រើនទេហើយបើមាននោះក៏អាចឆាប់រលាយរលត់ទៅវិញដែរ។ចំណែកការប្រកបការងារមានការរីកលូតលាស់សន្សឹមៗដូចសព្វមួយដងតែយ៉ាងណាលោកអ្នកតោងប្រយ័ត្នក្រុមមនុស្សភេទផ្ទុយគ្នាបន្តិចពីព្រោះគេងាយបង្កបញ្ហាអ្វីមួយទុកមកឱ្យផង។ចំពោះអ្នកប្រកបរបររកស៊ីជួញដូរមិនថាការជួញទីជិតឆ្ងាយជួបសេចក្តីសុខដុមដោយអាចប្រមូលភោគផលចូលផ្ទះវិញគួរជាទីកក់ក្តៅ ។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំកុំគប្បីយកចិត្តខ្លាំងដាក់ខ្លួននាំតែកើតរឿងរាវរកាំរកូសឈានមិនដល់ខ្លោងទ្វារអាពាហ៍ពិពាហ៍៕
ឆ្នាំវក
រាសីស្រុតចុះ។ នៅថ្ងៃនេះ ដំណើរជីវិតមិនល្អប្រសើរទេហេតុនេះទោះធ្វើអ្វីក៏ដោយតោងតែប្រយ័ត្នប្រយែងទើបប្រសើរ។សម្រាប់អ្នកប្រកបរបររកស៊ីជួញដូរលោកអ្នកត្រូវមានការរវៀសរវៃញាប់ដៃញាប់ជើងហើយពិសេសបើមានការប្រកបរបររយះពេលខ្លីៗទើបហុចផ្លែផ្កាគួរជាទីពេញចិត្តមកវិញ។ការធ្វើដំណើរឆ្ងាយជិតពុំសូវមានសុវត្តិភាពប៉ុន្មានទេពិសេសទិសពាយ័ព្យគប្បីមានការប្រយ័ត្នប្រយែងបន្តិច។
រីឯមនោសញ្ចេតនាស្នេហាកំលោះក្រមុំកុំគប្បីចង់ទុំមុនស្រគាលប្រយ័ត្នកើតរឿងធំនាគ្រាខាងមុខហើយត្រូវមកដេកសោកស្តាយក្រោយ៕
ឆ្នាំរកា
រាសីស្រុតចុះ។ នៅថ្ងៃនេះបើទោះបីធ្វើអ្វីក៏តោងតែមានការប្រយ័ត្នប្រយែង ពីព្រោះថាតែងមិនឆ្លើយតបដូចជាទីគាប់ចិត្តនោះដែរ។ក្នុងពេលនេះដែរលោកអ្នកមិនត្រូវបង្កជម្លោះជាមួយអ្នកដទៃឡើយពីព្រោះអាចជះផលអាក្រក់ណាមួយមកវិញនៅពេលក្រោយដែលរកស្មានមិនដល់។សម្រាប់បើជាអ្នកប្រកបរបររកស៊ីជួញដូរកុំសម្លឹងលាភធំដុំភ្លេចលាភតូចតាចព្រោះចំណូលភាគច្រើនបានតែតូចតាចប៉ុណ្ណោះឯង។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានភាពផុយស្រួយជម្លោះវិវាទណាស់គប្បីមានការប្រយ័ត្នប្រយែងពាក្យសម្តីទើបគ្មានបញ្ហាចោទឡើង ៕
ឆ្នាំច
រាសីខ្ពស់ត្រដែត។ នៅថ្ងៃនេះបើលោកអ្នកមានការចរចាឬធ្វើអ្វីមួយតែងសម្រេចជោគជ័យដូចគាប់បំណងត្រឡប់មកវិញផង។ លោកអ្នកប្រកបកិច្ចការអ្វីក៏ដោយមានការចម្រើនលូតលាស់ទៅមុខជាសន្សឹមៗឥតថយក្រោយឡើយ។ចំពោះអ្នកប្រកបរបររកស៊ីជួញដូរពេលនេះប្រៀបដូចបានជា“ភ្លៀងធ្លាក់មួយមេមេឃស្រទ្បះ”ព្រោះអាចកំចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ការធ្វើដំណើរជិតឆ្ងាយជួបសេចក្តីសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំ មានការជឿនលឿនទៅមុខនិងកំពុងមានភាពស្រស់ស្រាយប្រពៃ ៕
ឆ្នាំកុរ
រាសីស្រុតចុះ។ នៅថ្ងៃនេះដោយសារដួងរាសីស្រុតចុះ ហេតុនេះនាំឱ្យកើតនូវបញ្ហារាំងស្ទះនិងជួបបញ្ហាឧបសគ្គចំពោះមុខច្រើន។ក្រៅពីនេះឱ្យប្រយ័ត្នប្រយែងការមានទំនាស់ពាក្យសម្តីជាមួយអ្នកនៅក្បែរខ្លួនផង។ អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកបន្តិចវិញប៉ុន្តែយ៉ាងណាផលកម្រៃក៏មិនសូវឆ្លើយតបដូចសេចក្តីប៉ងប្រាថ្នាទេឬអាចនិយាយបានថាគ្រាន់ទប់ទល់ក្នុងការចាយវាយ។ការធ្វើដំណើរទៅទិសពាយ័ព្យចូរប្រយ័ត្នជួបគ្រោះចាញ់បោកគេដោយប្រការណាមួយ ។
រីឯមនោសញ្ចេតនា បញ្ហាសេចក្តីស្នេហាកំលោះក្រមុំងាយទាំងទាស់ទែងនិងត្រូវរ៉ូវគ្នាវិញផងដែរ ៕